ກອງປະຊຸມ ພົບປະແລກປ່ຽນບົດຮຽນ ທີ່ ແຂວງຫົວພັນ ລະຫວ່າງ ພຊສ ແຂວງໄຊຍະບູລີ ກັບ ພຊສ ແຂວງຫົວພັນ ພິມ
ຂຽນໂດຍ ບຸນເຫຼືອ ສີສຸພັນທອນ   
ມື້ພະຫັດທີ່ 07 ມິຖຸນາ 2018 ເວລາ 15: 08

ໃນລະຫວ່າງວັນທີ່ 29/5 – 02/6/2018 ຜ່ານມານີ້ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງໄຊຍະບູລີ ໄດ້ເຄື່ອນໄຫວ ພົບປະແລກປ່ຽນຖອດຖອນບົດຮຽນ ລະຫວ່າງ ພຊສ ແຂວງຫົວພັນ ກັບ ພຊສ ແຂວງໄຊຍະບູລີ.

ໂດຍໄດ້ຮັບກຽດເປັນປະທານ ຂອງທ່ານ ສະຖຽນ ວັນນະສຸກ ກຳມະການພັກແຂວງ ຫົວໜ້າ ພະຊັບພະ ຍາກອນທຳມະຊາດ ແລະ ສິ່ງແວດລ້ອມ ແຂວງຜົ້ງສາລີ ແລະ ທ່ານ ພູມມາ ລິນທະວົງ ຮອງຫົວໜ້າ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງໄຊຍະບູລີ ມີຫົວໜ້າ, ຮອງຫົວໜ້າຂະແໜງການພາຍໃນພະແນກ ທັງສອງແຂວງ ແລະ ພ້ອມດ້ວຍວິຊາການເຂົ້າຮ່ວມທັງໝົດ 53 ຄົນ, ຍິງ 18 ຄົນ.

ໃນກອງປະຊຸມ ທ່ານ ສະຖຽນ ວັນນະສຸກ ກຳມະການພັກແຂວງ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫົວພັນ ກໍ່ໄດ້ລາຍງານໂດຍຫໍ້ຍ ກ່ຽວກັບສະພາບການເຄື່ອນໄຫວຈັດຕັ້ງປະຕິບັດ ວຽກງານຊັບພະຍາກອນທຳມະຊາດ ແລະ ສິ່ງແວດລ້ອມຂອງແຂວງຫົວພັນ ຕໍ່ກອງປະຊຸມພົບປະແລກປ່ຽນບົດຮຽນ ແລະ ທ່ານ ພູມມາ ລິນທະວົງ ຮອງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງໄຊຍະບູລີ ກໍ່ໄດ້ລາຍງານໂດຍຫໍ້ຍ ກ່ຽວກັບ ສະພາບການເຄື່ອນໄຫວຈັດຕັ້ງປະຕິບັດ ວຽກງານຊັບພະຍາກອນທຳມະຊາດ ແລະ ສິ່ງແວດລ້ອມຂອງແຂວງໄຊຍະບູລີ ຕໍ່ກອງປະຊຸມ ເພື່ອເປັນການຖອດຖອນບົດຮຽນ ລະຫວ່າງ ພຊສ ແຂວງຫົວພັນ ກັບ ພຊສ ແຂວງໄຊຍະບູລີ.

 

ຈາກນັ້ນກໍ່ໄດ້ຈັດແບ່ງຂະແໜງການ ພາຍໃນ ພຊສ ທັງສອງແຂວງ ເພື່ອຮ່ວມກັນຖອດຖອນບົດຮຽນເຊິ່ງກັນ ແລະ ກັນ ກ່ຽວກັບວຽກງານຕ່າງໆ ໃນຂົງເຂດຊັບພະຍາກອນທຳມະຊາດ ແລະ ສິ່ງແວດລ້ອມ ຢ່າງກົງໄປກົງມາ ອິງຕາມພາລະບົດບາດ, ບົນພື້ນຖານກໍ່ເພື່ອສ້າງຄວາມຜູກແໜ້ນ, ຄວາມສາມັກຄີໄມຕີຈິດ ລະຫວ່າງ ພຊສ ແຂວງໄຊຍະບູລີ ແລະ ພຊສ ແຂວງຫົວພັນ ໃຫ້ມີຄວາມຍືນຍົງທະນົງແກ່ນ ແລະ ໃຫ້ບົດຮຽນທີ່ດີຕໍ່ກັນເຮັດໃຫ້ວຽກງານໃນຂົງເຂດຊັບພະຍາກອນທຳມະຊາດ ແລະ ສິ່ງແວດລ້ອມມີຄວາມເຂັ້ມແຂງຕະຫຼອດໄປ.

ໃນຕອນທ້າຍ ທ່ານ ສະຖຽນ ວັນນະສຸກ ກຳມະການພັກແຂວງ ຫົວໜ້າ ພຊສ ແຂວງຫົວພັນ ແລະ ທ່ານ ພູມມາ ລິນທະວົງ ຮອງຫົວໜ້າ ພຊສ ແຂວງໄຊຍະບູລີ ກໍ່ໄດ້ໃຫ້ຄຳເຫັນຕໍ່ກອງປະຊຸມ ແລະ ໄດ້ໃຫ້ທິດຊີ້ນຳຕໍ່ບັນດາຂະແໜງການ ກໍ່ຄື ວຽກງານຊັບພະຍາກອນທຳມະຊາດ ແລະ ສິ່ງແວດລ້ອມ ທັງສອງແຂວງ ເອົາໃຈໃສ່ຈັດຕັ້ງປະຕິບັດວຽກງານຄຸ້ມຄອງ ແລະ ບໍລິຫານທີ່ດິນ ໃຫ້ມີປະສິດທິພາບ ແລະ ຊ່ວຍກັນປົກປັກຮັກສາ ຊັບພະຍາກອນທຳມະຊາດ ແລະ ສິ່ງແວດລ້ອມ ໃຫ້ມີຄວາມຍືນຍົງຕະຫຼອດໄປ.


LAST_UPDATED2