ໃນວັນທີ 21 ມິຖຸນາ 2022 ທີ່ຫ້ອງປະຊຸມໃຫ່ຍຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຊຽງຂວາງ ໄດ້ເປີດກອງປະຊຸມຕິດຕາມຊຸກຍູ້ການກຳນົດຕຳແໜ່ງງານ ແລະ ການຈັດຕັ້ງປະຕິບັດພາລະບົດບາດໃໝ່ຂອງຂະແໜງຊັບພະຍາກອນທຳມະຊາດ ແລະ ສິ່ງແວດລ້ອມຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຮ່ວມຂອງ ທ່ານ ພັນລະລີ ມະນີວັນ ຮອງຫົວໜ້າກົມຈັດຕັ້ງ - ພະນັກງານ ແລະ ທ່ານ ສີວອນ ບຸດດາຈັນ ກຳມະການພັກແຂວງ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຊຽງຂວາງ, ມີທ່ານ ວັນໄຊ ພົມມະສອນ ຫົວໜ້າຂະແໜງຄຸ້ມຄອງລັດຖະກອນ ພະແນກພາຍໃນແຂວງ ຕະຫຼອດຮອດ ຫົວໜ້າ/ຮອງຫົວໜ້າຂະແໜງພາຍໃນພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ຫົວໜ້າ/ຮອງຫົວໜ້າຫ້ອງການຊັບພະຍາ ກອນທຳມະຊາດ ແລະ ສິ່ງແວດລ້ອມເມືອງທັງ 7 ເມືອງ ເຂົ້າຮ່ວມທັງໝົດ 40 ທ່ານ, ຍິ່ງ 13 ທ່ານ.

ໃນກອງປະຊຸມດັ່ງກ່າວ ທ່ານ ລິນ ໄຊຍະພານທອງ ຫົວໜ້າຂະແໜງຈັດຕັ້ງ-ພະນັກງງານ ພຊສ ແຂວງ ໄດ້ຂຶ້ນລາຍງານການຜັນຂະຫຍາຍ ແລະ ການຈັດຕັ້ງປະຕິບັດພາລະບົດບາດຂອງ ພຊສ ແຂວງ, ຫຊສ ເມືອງ ແລະ ການກະກຽມການຂຽນກຳນົດຕໍາແໜ່ງງານຄືນໃໝ່ຕາມພາລະບົດບາດທີ່ທ່ານເຈົ້າແຂວງ ແລະ ເຈົ້າເມືອງຮັບຮອງ ແລະ ທົບທວນບາງເນື້ອໃນດໍາລັດ 734/ລບ ທີ່ຕິດພັນຕໍາແໜ່ງງານໃນກົງຈັກໃໝ່.

ໃນຕອນທ້າຍຂອງກອງປະຊຸມ ໄດ້ຮັບຟັງທ່ານປະທານມີຄຳຄິດຄຳເຫັນ, ສະຫຼຸບຜົນຂອງກອງປະຊຸມ ແລະ ໄດ້ກ່າວປິດກອງປະຊຸມຢ່າງເປັນທາງການ.