ໃນຕອນເຊົ້າ ເວລາ 8 ໂມງ 00 ນາທີ ຂອງວັນທ່ີ 30 ເດືອນ 03 ປີ 2020 ທີມງານພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງຊຽງຂວາງ ເຊິ່ງນໍາໂດຍ ທ່ານ ສອນເພັດ ລາພະທອງ ຮອງຫົວໜ້າ ພຊສ ແຂວງ ສົມທົບກັບ ຫ້ອງການ ຊສ ເມືອງພູກູດ ຈັດພິທີຕັ້ງເສົາ ກໍ່ສ້າງຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງພູກູດ ແຂວງຊຽງຂວາງ ທີ່ຫ້ອງວ່າການປົກຄອງ ເມືອງພູກູດ ແຂວງຊຽງຂວາງ, ໂດຍໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ບຸນສົງ ວິລິວົງ ຮອງເຈົ້າເມືອງໆກູດ ຜູ້ຊີ້ນໍາວຽກງານເສດຖະກິດ, ມີຫົວໜ້າ-ຮອງຫົວໜ້າຫ້ອງການ ຊສ ເມືອງພູກູດ ພ້ອມດ້ວຍວິຊາການ ເຂົ້າຮ່ວມທັງໝົດ 23 ຄົນ ຍິງ 10 ຄົນ.

ໃນຕອນເຊົ້າຂອງວັນທີ 17 ມີນາ 2020, ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງຊຽງຂວາງ ໄດ້ໄຂກອງປະຊຸມໃຫຍ່ ຄັ້ງທີ II ຂອງຄະນະພັກຮາກຖານ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງຊຽງຂວາງ ຂຶ້ນຢ່າງເປັນທາງການ ຢູ່ທີ່ຫ້ອງປະຊຸມໃຫຍ່ຂອງ ພຊສຂ ໂດຍການເປັນປະທານຂອງ ສະຫາຍ ບົວສອນ ສີນວນທອງ ຮອງເລຂາພັກແຂວງ ຮອງເຈົ້າແຂວງໆຊຽງຂວາງ ແລະ ໃຫ້ກຽດເຂົ້າຮ່ວມຂອງ ສະຫາຍ ຄໍາພູ ຈັນທະວົງ ກໍາມະການພັກແຂວງ ຫົວໜ້າຫ້ອງວ່າການປົກຄອງແຂວງ,  ມີບັນດາສະມາຊິກພັກສົມບູນ-ສໍາຮອງ ພາຍໃນພະແນກ ຊສ ແລະ ແຂກທີ່ຖືກເຊີນເຂົ້າຮ່ວມ ທັງໝົດ 93 ສະຫາຍ, ຍິງ 37 ສະຫາຍ.

 

ວັນທີ 10-11 ມີນາ 2020 ທິມງານຂະແໜງຊັບພະຍາກອນນໍ້າ ແລະ ອຸຕຸນິຍົມ ພຊສ ແຂວງຊຽງຂວາງ, ນໍາພາໂດຍ ທ່ານ ບົວສີ ພັນທະວົງ ຮອງຫົວໜ້າພະແນກ ຊສ ແຂວງ ໄດ້ລົງເຄື່ອນໄຫວວຽກງານຕິດຕາມ, ກວດກາຄຸນະພາບນໍ້າ ໃນຈຳນວນທັງໝົດ 13 ຈຸດ, ຂອບເຂດ 4 ເມືອງຄື: ເມືອງແປກ, ເມືອງຄູນ, ເມືອງຜາໄຊ ແລະ ເມືອງພູກູດ ຂອງ 8 ສາຍນໍ້າຄື: ນໍ້າງື່ມ, ນໍ້າງຽບ, ນໍ້າໂຄ້, ນໍ້າຍວນ, ນໍ້າເຢັນ, ນໍ້າກຶນ, ນໍ້າກັດ ແລະ ນໍ້າສຸຍ.

ຈຸດປະສົງ ເພື່ອເຝົ້າລະວັງແຫຼ່ງທີ່ມາຂອງມົນລະພິດໃນອ່າງຮັບນໍ້າ ແລະ ມີຂໍ້ມູນໄວ້ເປັນບ່ອນອີງໃນການວາງແຜນຄຸ້ມຄອງການນຳໃຊ້ນໍ້າໃຫ້ຍືນຍົງໃນຕໍ່ໜ້າ.

ການຕິດຕາມກວດກາໃນຄັ້ງນີ້ ແມ່ນໄດ້ວັດແທກຄຸນະພາບນໍ້າກັບທີ່ທັງໝົດ 6 ຄ່າພື້ນຖານຄື: pH, EC, DO, TDS, Sal ແລະ Temp.

ນອກຈາກນີ້ ຍັງໄດ້ເກັບຕົວຢ່າງນໍ້າ 3 ຈຸດບຸລິມະສິດສົ່ງໃຫ້ສະຖາບັນຄົ້ນຄ້ວາຊັບພະຍາກອນທຳມະຊາດ ແລະ ສິ່ງແວດລ້ອມ ເພື່ອວິໄຈຄຸນະພາບນໍ້າທັງໝົດ 18 ທາດ.

ໃນວັນທີ 14 ກຸມພາ 2020 ກົມຊັບພະຍາກອນນໍ້າ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ມອບອຸປະກອນໃຫ້ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຊຽງຂວາງ ( ຂະແໜງຊັບພະຍາກອນນໍ້າ ແລະ ອຸຕຸນິຍົມ-ອຸທົກກະສາດ ) ເພື່ອຈັດຕັ້ງປະຕິບັດໂຄງການຕິດຕາມກວດກາຄຸນະພາບນໍ້າທົ່ວປະເທດ 2019-2020 ອຸປະກອນທີ່ມອບໃນຄັ້ງນີ້ມີ:

  • ເຄື່ອງວັດແທກນໍ້າ ( WTW 3630 IDS ) ຈໍານວນ 1 ເຄື່ອງ.
  • ກະຕຸກເກັບຕົວຢ່າງນໍ້າຂະໜາດ 1000ມລ, ຈໍານວນ 9 ຕຸກ.
  • ກະຕຸກເກັບຕົວຢ່າງນໍ້າຂະໜາດ 500ມລ, ຈໍາວນ 3 ຕຸກ.
  • ກະຕຸກເກັບຕົວຢ່າງນໍ້າຂະໜາດ 100ມລ ຈຳນວນ, 3 ຕຸກ.
  • ຫຼອດປີເປດ ( ສຳລັບໃຊ້ດູດອາຊິດຢອດຮັກສາຕົວຢ່າງນໍ້າ ) ຈຳນວນ 10 ອັນ.
  • ອາຊິດຊູນຟູລິກ ແລະ ອາຊິດນີຕຼິກ, ຈຳນວນ 2 ກວດ.

           ລວມມູນຄ່າທັງໝົດ: 7,379 ໂດລາ

ໃນ​ຕອນ​ບ່າຍ ເວ​ລາ 1 ໂມງ 30 ນາ​ທີ ຂອງວັນ​ທີ 12 ມີ​ນາ 2020 ນີ້ ກົມ​ແຜນ​ການ ແລະ ການ​ຮ່ວ​ມ​ມື ກ​ຊ​ສ ສົມ​ທົບ​ກັບ ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມແຂວງ ໄດ້​ຈັດ​ກອງ​ປະ​ຊຸມ​ປຶກ​ສາ​ຫາ​ລືແລກ​ປ່ຽນ​ບົດ​ຮຽນ ກ່ຽວ​ກັບ ວ​ຽກ​ງານ​ແຜນ​ການ ແລະ ວຽກ​ງານ​ຮ່ວມ​ມື ຢູ່​ທີ່​ຫ້ອງ​ປະ​ຊຸມ​ນ້ອຍ ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ແຂວງ​ຊຽງ​ຂວາງ ເປັນ​ກຽດ​ເຂົ້າ​ຮ່ວມ​ເປັນ​ປະ​ທານ​ໂດຍ ທ່ານ ສີ​ວອນ ບຸດ​ດາ​ຈັນ ຫົວ​ໜ້າພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມແຂວງ​, ມີ​ທີມ​ງານ​​ມາຈາກ​ກະ​ຊວງ ເຊິ່ງ​ນຳ​ທີມ​ໂດຍ ທ່ານ ນາງ ​ຄຳ​ເຝືອ ບຸນ​ປະ​ເສີດ ​ຮອງຫົວ​ໜ້າ​ພະ​ແນກ​ຮ່ວມ​ມື ກົມ​ແຜນ​ການ ແລະ ການ​ຮ່ວມ​ມື ກ​ຊ​ສ ພ້ອມ​ດ້ວຍ​ພະ​ນັກ​ງານ​ທີ່​ກ່ຽວ​ຂ້ອງ​ເຂົ້າ​ຮ່ວມ​ທັງ​ໝົດ 15 ຄົນ, ຍິງ 10 ຄົນ.

  1. ຂະແໜງສິ່ງແວດລ້ອມ ແລະ ການປ່ຽນແປງດິນຟ້າອາກາດ ໄປທັດສະນະສຶກສາແລກປ່ຽນບົດຮຽນ ກ່ຽວກັບ ການຈັດຕັ້ງປະຕິບັດວຽກງານຄຸ້ມຄອງສິ່ງແວດລ້ອມ ແລະ ການປ່ຽນແປງດິນຟ້າອາກາດ, ຄຸ້ມຄອງ ແລະ ຕິດຕາມກວດກາການນຳໃຊ້ສານເຄມີເຂົ້າໃນການຜະລິດກະສິກຳ ຢູ່ ແຂວງຫຼວງພະບາງ ແລະ ແຂວງໄຊຍະບູລີ.
  2. ຫ້ອງການ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ລົງຊຸກຍູ້ວຽກງານໃຫ້ ພຊສ ແຂວງຊຽງຂວາງ
  3. ກອງປະຊຸມການລົງເກັບກໍາຂໍ້ມູນ ແລະ ປຶກສາຫາລື ການຂຶ້ນທະບຽນອອກໃບຕາດິນ ແລະ ການຄຸ້ມຄອງທີ່ດິນ ຢູ່ແຂວງຊຽງຂວາງ
  4. ກອງປະຊຸມໃຫ່ຍຂອງຮາກຖານ 3 ອົງການຈັດຕັ້ງມະຫາຊົນ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຊຽງຂວາງ
  • You are here:  
  • Home