ໃນຕອນເຊົ້າ ວັນພະຫັດ  ວັນທີ  09  ມິຖຸນາ  2022  ເວລາ 08:30 ນາທີ ຢູ່ທີ່ຫ້ອງປະຊຸມ ຊັ້ນ 3 ຂອງພະແນກຊັບພະຍາກອນທໍາມະຊາດ ແລະ ສີ່ງແວດລ້ອມ ນະຄອນຫຼວງວຽງຈັນ. ໄດ້ຕ້ອນຮັບຄະນະກຳມະການເສດຖະກິດ ແຜນການ ແລະ ການເງິນ ສະພາປະຊາຊົນ ນະຄອນຫຼວງວຽງຈັນ  ໃຫ້ກຽດຕ້ອນຮັບຄະນະດັ່ງກ່າວ ໂດຍທ່ານ ບຸນຊົມ ຊົງວິໄລ ກຳມະການພັກ ນະຄອນຫຼວງວຽງຈັນ, ເລຂາຄະນະພັກ

ຮາກຖານ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ມີຮອງຫົວໜ້າພະແນກ, ຫົວໜ້າຂະແໜງ, ຮອງຂະແໜງເຂົ້າຮ່ວມ.

- ຄະນະກຳມະການເສດຖະກິດ, ແຜນການ ແລະ ການເງິນ ສະພາປະຊາຊົນ ນະຄອນຫຼວງວຽງຈັນ ນໍາພາໂດຍ ທ່ານ ນາງ ພິດສະໄໝ ຕົ້ນສະຫວັນ ຮອງປະທານ ກຳມະທິການເສດຖະກິດ ແຜນການ ແລະ ການເງິນ ສະພາປະຊາຊົນ ນະຄອນຫຼວງວຽງຈັນ ພ້ອມດ້ວຍຄະນະ, ການລົງມາເຮັດວຽກ ໃນຄັ້ງນີ້ກໍ່ແມ່ນສືບຕໍ່ປະຕິບັດຕາມແຜນຂອງສະພາ ໂດຍສະເພາະ ແມ່ນເພື່ອສ້າງຄວາມເຂັ້ມແຂງໃຫ້ແກ່ພະແນກອ້ອມຂ້າງ ນະຄອນຫຼວງວຽງຈັນ ແລະ ຊຸກຍູ້ຕິດຕາມການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ 6 ເດືອນຕົ້ນປີ ແລະ ວາງແຜນວຽກຈຸດສຸມ 6 ເດືອນທ້າຍປີ, ຕິດພັນກັບການຕິດຕາມ ການເຄື່ອນໄຫວ ແລະ ການປະຕິບັດໜ້າທີ່ ຂອງຫົວໜ້າພະແນກຊັບພະຍາກອນທໍາມະຊາດ ແລະ ສີ່ງແວດລ້ອມ ນະຄອນຫຼວງວຽງຈັນ.

ກອງປະຊຸມດັ່ງກ່າວ ທ່ານ ບຸນຊົມ ຊົງວິໄລ ກຳມະການພັກ ນະຄອນຫຼວງວຽງຈັນ, ເລຂາຄະນະພັກຮາກຖານ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ ໄດ້ລາຍງານສະພາບການຈັດຕັ້ງປະຕິບັດ ຜົນສຳເລັດ ບັນດາທິດທາງຄາດໝາຍທີ່ໄດ້ກຳນົດໄວ້ ຢູ່ໃນແຜນພັດທະນາເສດຖະກິດ-ສັງຄົມ ແລະ ວຽກງານອື່ນໆ ທີ່ພົ້ນເດັ່ນໃນປີ 2022, ພ້ອມກັນນີ້ທ່ານຍັງໄດ້ມີຄຳເຫັນຕອບຂໍ້ຊັກຖາມທີ່ສະມາຊິກສະພາປະຊາຊົນ ນະຄອນຫຼວງວຽງຈັນ ໄດ້ມີຄຳຖາມເຈາະຈີ້ມ