ພຊສ ແຂວງວຽງຈັນສໍາເລັດບັ້ນຮໍ່າຮຽນເຊຶ່ອມຊຶມກົດລະບຽບຂອງພັກປະຊາຊົນປະຕິວັດລາວສະໄໝທີ X ແລະກົດໝາຍຈໍານວນໜຶ່ງ ພິມ
ຂຽນໂດຍ ທ້າວ ພູວົງ ເດດລາດສະວົງ   
ມື້ອັງຄານທີ່ 01 ພະຈິກ 2016 ເວລາ 10: 05

 

ປະຕິບັດຕາມມະຕິຕົກລົງຂອງຄະນະປະຈໍາພັກແຂວງໆວຽງຈັນ ສະບັບເລກທີ 273 / ຄປພ.ວຈ, ລົງວັນທີ 8 / 09 / 2016 ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງວຽງຈັນ ໄດ້ຈັດກອງປະຊຸມຮໍ່າຮຽນກົດລະບຽບຂອງພັກປະຊາຊົນ ປະຕິວັດລາວສະໄໝທີ X ແລະ ກົດໝາຍຈໍານວນໜຶ່ງໃຫ້ ພະນັກງານສະມາຊິກພັກຂອງຕົນຂື້ນໃນຄັ້ງວັນທີ 04 ຕຸລາ ປີ 2016 ຜ່ານມາ, ໂດຍການເປັນປະທານຂອງ ທ່ານ ບົວພັນ ກອນດາວົງ ຮອງຫົວໜ້າ ພຊສ ແຂວງ ແລະ ທ່ານ ສອນໄຊ ຫຼວງອາໄພ ຮອງຫົວໜ້າຄະນະຈັດຕັ້ງແຂວງ ແລະ ທ່ານ ຄໍາຫຼ້າ ແສງວົງ ຮອງຫົວໜ້າພະແນກພາຍໃນແຂວງ ເປັນປະທານຮ່ວມ ແລະ ທັງເປັນຜູ້ບັນຍາຍ

 

 

ມີສະມາຊິກພັກຂອງພະແນກເຂົ້າຮ່ວມທັງໝົດ 70 ສະຫາຍ, ຍີງ 18 ສະຫາຍ; ບັ້ນຮໍ່າຮຽນເຊື່ອມຊຶມຄັ້ງນີ້ໄດ້ດໍາເນີນໄປໃນເວລາເຄິ່ງວັນ ເຊິ່ງເນື້ອໃນທີ່ນໍາມາເຊຶ່ອມຊຶ່ມປະກອບມີ:

- ກົດລະບຽບຂອງພັກປະຊາຊົນປະຕິວັດລາວສະໄໝທີ X ເຊິ່ງປະກອບມີ XIV ໝວດ, 57 ມາດຕາ ແລະ ໃຫ້ກຽດຂື້ນບັນຍາຍໂດຍ        ທ່ານ ສອນໄຊ ຫຼວງອາໄພ ຮອງຫົວໜ້າຄະນະຈັດຕັ້ງ ແຂວງວຽງຈັນ.

- ກົດໝາຍວ່າດ້ວຍ: ພະນັກງານ - ລັດຖະກອນ ສະບັບເລກທີ 74/ສພຊ ລົງວັນທີ 18 ທັນວາ 2015  ປະກອບມີ IX ພາກ, 99 ມາດຕາ ແລະ  ໃຫ້ກຽດຂື້ນບັນຍາຍໂດຍ ທ່ານ ຄໍາຫຼ້າ ແສງວົງ ຮອງຫົວໜ້າພະແນກພາຍໃນແຂວງ.

- ກົດໝາຍວ່າດ້ວຍ: ການປົກຄອງທ້ອງຖີ່ນ (ສະບັບປັບປຸງ), ເລກທີ 68/ສພຊ ລົງວັນທີ 14 ທັນວາ 2015 ປະກອບມີ IX, 96 ມາດຕາ ແລະ ໃຫ້ກຽດຂື້ນບັນຍາຍໂດຍ ທ່ານ ຄໍາຫຼ້າ ແສງວົງ ຮອງຫົວໜ້າພະແນກພາຍໃນແຂວງ.

ບັ້ນຮໍ່າຮຽນເຊື່ອມຊຶ່ມກ່ຽວກັບກົດລະບຽບພັກ ແລະ ບັນດາກົດໝາຍໃນຄັ້ງນີ້ ແມ່ນມີຄວາມໝາຍຄວາມສຳຄັນເປັນຢ່າງຍິ່ງທີ່ຈະຊ່ວຍເຮັດໃຫ້ບັນດາສະມາຊິກພັກ ແລະ ພະນັກງານ - ລັດຖະກອນຂອງພະແນກມີຄວາມເຂົ້າໃຈຢ່າງເລິກເຊິ່ງ, ກຳໄດ້ເນື້ອໃນທີ່ສຳຄັນ ແລະ ສາມາດໝູນໃຊ້ເພື່ອປັບປຸງແບບແຜນວິທີເຮັດວຽກຂອງຕົນໃຫ້ດີຂຶ້ນໃນຕໍ່ໜ້າ.

LAST_UPDATED2