Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້36
mod_vvisit_counterມື້ວານ29
mod_vvisit_counterອາທິດນີ້131
mod_vvisit_counterອາທິດແລ້ວນີ້141
mod_vvisit_counterເດືອນນີ້299
mod_vvisit_counterເດືອນແລ້ວນີ້700
mod_vvisit_counterລວມທັງຫມົດ47860

Online (20 minutes ago): 2
Your IP: 54.144.100.123
,
Today: ພ. ຈ. 13, 2018

Who's Online

ເຮົາມີ 3 ບຸກຄົນທົ່ວໄປ ອອນໄລນ
ກົມຄຸ້ມຄອງທີ່ດິນ, ກຊສ ຈັດຝຶກອົບຮົມວຽກງານສຳຫຼວດ-ວັດແທກ ແລະ ອອກໃບຕາດິນ ຢູ່ເມືອງຊະນະຄາມ ແຂວງວຽງຈັນ. PDF ພິມ ອີເມລ
ຂຽນໂດຍ ຂະແໜງແຜນການ-ສະຖິຕິ ແລະ ຂໍ້ມູນ-ຂ່າວສານ   
ມື້ຈັນທີ່ 25 ມິຖຸນາ 2018 ເວລາ 11: 11

ໃນຕອນເຊົ້າຂອງວັນທີ 21 ມິຖຸນາ 2018 ຜ່ານມາ ທີ່ສະໂມສອນຫ້ອງວ່າການປົກຄອງເມືອງຊະນະຄາມ ແຂວງວຽງຈັນ ໄດ້ຈັດກອງປະຊຸມເປີດບັ້ນຝຶກອົບຮົມວຽກງານສຳຫຼວດ-ວັດແທກ ແລະ ອອກໃບຕາດິນຂຶ້ນ ໂດຍການເປັນປະ ທານຂອງ ທ່ານ ບຸນມີ ພຸດທະວົງ ຮອງລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ກອງຄຳ ອິນໄພຍະລາດ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນ ແລະ ທ່ານ ສະໝານ ວິເສດຍະວົງ ເຈົ້າເມືອງໆຊະນະຄາມ, ມີ ທ່ານ ຮອງເຈົ້າເມືອງ, ຄະນະນຳ ແລະ ວິຊາການທີ່ດິນ ຫ້ອງການ ຊສ ບັນດາເມືອງພາຍໃນແຂວງວຽງຈັນ, ທີມງານຄູຝຶກຈາກກົມທີ່ດິນ, ວິຊາການຈາກ ພຊສ ແຂວງ, ຄະນະນຳຫ້ອງການກ່ຽວຂ້ອງ, ຄະນະນຳ ແລະ ທີ່ດິນບ້ານອ້ອມຂ້າງເມືອງເຂົ້າຮ່ວມທັງໝົດ 83 ທ່ານ, ຍິງ 11 ທ່ານ.

ບັ້ນຝຶກອົບຮົມທີ່ຈັດໂດຍກົມຄຸ້ມຄອງທີ່ດິນຄັ້ງນີ້ແມ່ນຈະໃຊ້ເວລາ 2 ອາທິດ ນັບແຕ່ວັນທີ 21 ມີຖຸນາ ຫາ 13 ກໍລະກົດ 2018 ເຊິ່ງຈຸດປະສົງຕົ້ນຕໍແມ່ນເລັ່ງໃສ່ສ້າງຄວາມເຂັ້ມແຂງໃຫ້ແກ່ພະນັກງານວິຊາການຜູ້ຮັບຜິດຊອບວຽກງານທີ່ດິນຂັ້ນແຂວງ ແລະ ຂັ້ນເມືອງໃນການສຳຫຼວດ-ວັດແທກ ແລະ ຂຶ້ນທະບຽນອອກໃບຕາດິນຢູ່ບັນດາເມືອງທົ່ວແຂວງວຽງຈັນໃຫ້ບັນລຸຕາມແຜນການໂດຍນຳໃຊ້ລະບົບຖານຂໍ້ມູນທະບຽນທີ່ດິນ (Lao Land Reg).

 

ໃນວາລະທຳອິດຂອງກອງປະຊຸມ ທ່ານ ສະໝານ ວິເສດຍະວົງ, ເຈົ້າເມືອງໆຊະນະຄາມ ກໍ່ໄດ້ຂຶ້ນຜ່ານບົດລາຍງານຫຍໍ້ກ່ຽວກັບຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໃນ 1 ປີຜ່ານມາຂອງເມືອງຊະນະຄາມ ຄື: ເມືອງຊະນະຄາມມີຊາຍແດນຕິດກັບເມືອງແມດ, ເມືອງໝື່ນ, ເມືອງແກ່ນທ້າວ ແລະ ເມືອງປາກລາຍແຂວງໄຊຍະບູລີ, ອຳເພີຊຽງຄານ (ປະເທດໄທ), ທົ່ວເມືອງມີເນື້ອທີ່ 1.894 ກິໂລຕາແມັດ, ມີ 34 ບ້ານ, 8.568 ຫຼັງຄາ ແລະ 8.342 ຄອບຄົວ, ພົນລະເມືອງ 40.346 ຄົນ, ຍິງ 20.261 ຄົນ, ການຂະຫຍາຍຕົວທາງດ້ານເສດຖະກິດ 8,5-9,5%, ລາຍຮັບສະເລ່ຍຕໍ່ຫົວຄົນ 1.755 ໂດລາສະຫາລັດຕໍ່ຄົນຕໍ່ປີ. ສະເພາະວຽກງານຄຸ້ມຄອງທີ່ດິນ, ໃນປະຈຸບັນທົ່ວເມືອງມີດິນປຸກສ້າງທັງໝົດ 8.736 ຕອນ, ເນື້ອທີ່ 6.488.361,69 ຕາແມັດ, ດິນກະສິກໍາ 22.044 ຕອນ ເນື້ອທີ່ 33.658,12 ເຮັກຕາ, ດິນຄຸ້ມຄອງຕາມປະເພນີ 279 ຕອນ ເນື້ອທີ່ 894,98 ຮຕ, ຍັງມີທີ່ດິນເຊື່ອງອໍາບໍ່ເສຍພາສີທີ່ດິນ 620 ຕອນ ເນື້ອທີ່ 1.240 ເຮັກຕາ. ໃນສົກປີຜ່ານມາ ການອອກໃບຕາດິນເປັນລະບົບສາມາດຈັດຕັ້ງປະຕິບັດການສຳຫຼວດ-ວັດແທກ ແລະ ອອກໃບຕາດິນໄດ້ທັງໝົດ 989 ຕອນ ເນື້ອທີ່ 1.142.842 ຕາແມັດ.

ຫຼັງຈາກນັ້ນກອງປະຊຸມ ກໍ່ໄດ້ຮັບຟັງການລາຍງານຂອງທ່ານ ກອງຄຳ ອິນໄພຍະລາດ ກຳມະການພັກແຂວງ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນ ກ່ຽວກັບການຈັດຕັ້ງປະຕິບັດວຽກງານ ແລະ ສິ່ງທ້າທາຍຕ່າງໆກ່ຽວກັບການອອກຕາດິນໃນໄລຍະຜ່ານມາ. ໃນ ສົກປີ 2018 ທາງພະແນກແມ່ນໄດ້ຮັບຕົວເລກແບ່ງປັນຈາກກະຊວງ ເພື່ອອອກໃບຕາດິນໃຫ້ໄດ້ 8.000 ຕອນໃນທົ່ວແຂວງ ແຕ່ໃນ 6 ເດືອນຕົ້ນປີ ສາມາດຈັດຕັ້ງປະຕິບັດໄດ້ພຽງ 1.922 ຕອນ ຫຼື ເທົ່າກັບ 24% ຂອງແຜນການ ທັ້ງນີ້ກໍ່ມີຜົນເນື່ອງມາຈາກຫຼາຍປັດໃຈ ເປັນຕົ້ນແມ່ນດ້ານບຸກຄະລາກອນຍັງບໍ່ທັນພຽງພໍ, ອຸປະກອນຮັບໃຊ້, ພາຫະນະ ແລະ ງົບປະມານຍັງຈໍາກັດ, ກົນໄກການເກັບຄ່າທຳນຽມ ແລະ ຄ່າບໍລິການຕ່າງໆຍັງບໍ່ທັນມີຄວາມເປັນເອກະພາບກັນກັບຂະແໜງການທີ່ກ່ຽວຂ້ອງ ແລະ ອື່ນໆ. ນອກຈາກນີ້, ຄວາມຕື່ນຕົວຂອງປະຊາຊົນໃນການເຂົ້າຮ່ວມກໍ່ຍັງບໍ່ທັນສູງ ໂດຍສະເພາະແມ່ນເຂດບ້ານຫ່າງໄກສອກລີກ. ຕໍ່ບັນຫາດັ່ງ ກ່າວ ທ່ານຫົວໜ້າພະແນກແມ່ນຕີລາຄາສູງ ແລະ ຄາດຫວັງວ່າການຝຶກອົບຮົມໃນຄັ້ງນີ້ ຈະສ້າງຄວາມເປັນເອກະພາບໃນການແກ້ໄຂບັນຫາສິ່ງກີດຂວາງຕ່າງໆ ແລະ ເຮັດໃຫ້ການອອກໃບຕາດິນຢູ່ແຂວງວຽງຈັນ ສາມາດບັນລຸຕາມລະດັບຄາດໝາຍ.

ຈາກນັ້ນ ທ່ານ ເພັດລາໄຊ ຫົວໜ້າພະແນກສຳມະໂນ-ຂໍ້ມູນຂ່າວສານ ຈາກກົມທີ່ດິນ ກໍ່ໄດ້ຂື້ນຜ່ານເນື້ອໃນ ແລະ ແຜນ ການຝຶກອົບຮົມຕໍ່ກອງປະຊຸມ ພ້ອມທັງຍົກໃຫ້ເຫັນຂໍ້ດີຕ່າງໆຂອງການອອກໃບຕາດິນດ້ວຍລະບົບລາວແລນແລ໋ກ​(Lao Land Reg or LLR) ເຊິ່ງລະບົບດັ່ງກ່າວ ແມ່ນຈະໄດ້ນຳໃຊ້ກ້ອງ RTK ໃນການລົງສຳຫຼວດ-ວັດແທກ ເກັບກຳຂໍ້ມູນຕອນດິນພາກສະໜາມເພື່ອສ້າງແຜນທີ່ຕາດິນ ແລະ ສັງລວມເຂົ້າໃນຖານຂໍ້ມູນຢ່າງເປັນລະບົບ ເຮັດໃຫ້ການຕິດຕາມກວດກາ ແລະ ປະເມີນຜົນມີປະສິດທິຜົນຍິ່ງຂຶ້ນ ຄິດສະເລ່ຍ ກ້ອງ RTK ຊຸດໜຶ່ງຈະສາດສຳຫຼວກ-ວັດແທກ ແລະ ເກັບກຳຂໍ້ມູນຂອງຕອນດິນໄດ້ 8 ຕອນ/ມື້ ສຳລັບດິນປຸກສ້າງ ແລະ 5 ຕອນ/ມື້ ສຳລັບທີ່ດິນກະສິກຳ ເຊິ່ງຄ່າໃຊ້ຈ່າຍໃນການດຳເນີນງານຈະຢູ່ໃນລະຫວ່າງ 155,000 ກີບ ຫາ 178,000 ກີບຕໍ່ໃບຕາດິນ 1 ໃບ ແລະ ໃນສົກປີ 2018 ນີ້ ພຊສ ແຂວງວຽງຈັນ ກໍ່ໄດ້ມອບກ້ອງ RTK ໃຫ້ບັນດາ ຫຊສ ເມືອງຄຸ້ມຄອງນໍາໃຊ້ແລ້ວຈໍານວນ 5 ຊຸດ. ລະບົບ LLR ໄດ້ເລີ່ມຕົ້ນພັດທະນາໃນປີ 2010 ແລະ ສາມາດເຊື່ອມໂຍງ ຮັບເອົາຂໍ້ມູນຕອນດິນຢູ່ບັນດາຖານຂໍ້ມູນຕ່າງໆທີ່ຖືກນຳໃຊ້ຜ່ານມາເຊັ່ນວ່າ: ລະບົບຖານຂໍ້ມູນ BC Account ແລະ ອື່ນໆ ເຊິ່ງໃນປະຈຸບັນກຳລັງສືບຕໍ່ພັດທະ ນາ ແລະ ເປີດນຳໃຊ້ແລ້ວໃນ 11 ແຂວງທົ່ວປະເທດ. ພາຍຫຼັງສຳເລັດບັ້ນຝຶກອົບຮົມຄັ້ງນີ້ແລ້ວ ນັກສຳມະນາກອນຈະໄດ້ລົງເຄື່ອນໄຫວຕົວຈິງຢູ່ບ້ານເປົ້າໝາຍຂອງເມືອງຊະນະຄາມເພື່ອໃຫ້ມີຄວາມຊຳນານ ຫຼັງນັ້ນກໍ່ນຳໄປຈັດຕັ້ງປະຕິບັດຢູ່ເມືອງຂອງຕົນຕໍ່ໄປ. ພ້ອມດຽວກັນນັ້ນ, ທ່ານຫົວໜ້າພະແນກສຳມະໂນ ແລະ ຂໍ້ມູນຂ່າວສານ ກໍ່ຍັງໄດ້ຍົກໃຫ້ເຫັນສິ່ງທ້າທາຍທີ່ ແລະ ປັດໄຈກີດຂວາງວຽກງານອອກໃບຕາດິນ ແລະ ສະເໜີໃຫ້ທີ່ປະຊຸມຄົ້ນຄວ້າປະກອບຄຳເຫັນເພື່ອສ້າງຄວາມເປັນເອກະພາບກັນໃນການແກ້ໄຂຢ່າງເໝາະສົມ ເພື່ອເຮັດໃຫ້ການອອກໃບຕາດິນມີຄວາມສະດວກ ແລະ ສາມາດບັນລຸໄດ້ຕາມແຜນການທີ່ວາງໄວ້.

ພາຍຫຼັງທີ່ໄດ້ຮັບຟັງການປະກອບຄຳເຫັນຈາກບັນດາຜູ້ເຂົ້າຮ່ວມກອງປະຊຸມ ແລະ ແລກປ່ຽນຄຳຄິດຄຳເຫັນຢ່າງກົງໄປກົງມາແລ້ວ ໃນຕອນທ້າຍຂອງກອງປະຊຸມ ທ່ານ ບຸນມີ ພຸດທະວົງ ຮອງລັດຖະມົນຕີກະຊວງຊັບພະຍາກອນທຳມະ ຊາດ ແລະ ສິ່ງແວດລ້ອມ ຜູ້ຊີ້ນຳວຽກງານທີ່ດິນ ກໍ່ໄດ້ມີຄຳເຫັນໂອ້ລົມຕໍ່ກອງປະຊຸມ ເຊິ່ງໃນເບື້ອງຕົ້ນ ທ່ານ ຮອງລັດ ຖະມົນຕີ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນງານໃນການຈັດຕັ້ງປະຕິບັດແຜນພັດທະນາເສດຖະ ກິດ-ສັງຄົມທີ່ທາງເມືອງຊະນະຄາມ ຍາດມາໄດ້ໃນໄລຍະຜ່ານມາ ໂດຍສະເພາະແມ່ນວຽກງານຄຸ້ມຄອງຊັບພະຍາກອນ ທຳມະຊາດ ແລະ ສິ່ງແວດລ້ອມຢູ່ຂັ້ນເມືອງ ກໍ່ຄືການເອົາໃຈໃສ່ຊຸກຍູ້ສົ່ງເສີມຈາກພະແນກ ຊສ ຂັ້ນແຂວງ. ແຕ່ເພື່ອເປັນການຊີ້ທິດເຍືອງທາງໃນການຈັດຕັ້ງປະຕິບັດໃນຕໍ່ໜ້ານັ້ນ ທ່ານ ຮອງລັດຖະມົນຕີກໍ່ໄດ້ເນັ້ນຄືນຕໍ່ກັບຕົວເລກຄາດໝາຍສູ້ຊົນທີ່ທາງສະພາແຫ່ງຊາດໄດ້ຮັບຮອງແລ້ວ ແຕ່ນີ້ຫາປີ 2020 ການຂຶ້ນທະບຽນອອກໃບຕາດິນຕ້ອງບັນລຸໃຫ້ໄດ້ 400,000 ຕອນທົ່ວປະເທດ, ຕົວເລກດັ່ງກ່າວແມ່ນມີຄວາມທ້າທາຍທີ່ສຸດ ເຊິ່ງທາງກະຊວງເອງກໍ່ໄດ້ສຸມໃສ່ປັບປຸງ ແລະ ສ້າງບັນດານິຕິກຳກ່ຽວກັບທີ່ດິນໃຫ້ມີຄວາມຄົບຖ້ວນ ສອດຄ່ອງ ແລະ ຮັດກຸມ ເພາະວ່າວຽກງານທີ່ດິນແມ່ນຕິດພັນກັບຫຼາຍຂົງເຂດ ແລະ ເປັນພື້ນຖານໃຫ້ແກ່ການພັດທະນາພື້ນຖານໂຄງລ່າງ, ການສົ່ງເສີມການລົງທຶນ ແລະ ການພັດທະນາຊີວິດການເປັນຢູ່ຂອງປະຊາຊົນ. ດັ່ງນັ້ນ, ການລົງເຄື່ອນໄຫວອອກໃບຕາດິນແບບເປັນລະບົບຢູ່ຂັ້ນເມືອງຕ້ອງເຮັດຢ່າງມີຈຸດສຸມ ເຊັ່ນດຽວກັນກັບວຽກງານກໍ່ສ້າງຮາກຖານ ເຊິ່ງທຸກພາກສ່ວນຕ້ອງມີສ່ວນຮ່ວມໃນການກຳນົດເຂດປະເພດການນຳໃຊ້ທີ່ດິນທັງ 8 ປະເພດຢ່າງລະອຽດເພື່ອຫຼີກລ່ຽງປະກົດການຫຍໍ້ທໍ້ຕ່າງໆ ຂັ້ນແຂວງ ແລະ ຂັ້ນເມືອງຕ້ອງເອົາໃຈໃສ່ໃນການລົງໂຄສະນາເຜີຍແຜ່ ປະຊາສຳພັນໃຫ້ປະຊາຊົນຮັບຮູ້ ແລະ ເຂົ້າໃຈຢ່າງຈະແຈ້ງຕໍ່ແນວທາງນະ ໂຍບາຍກ່ຽວກັບທີ່ດິນ ໂດຍສະເພາະແມ່ນວຽກງານຂຶ້ນທະບຽນອອກໃບຕາດິນ. ໃນການຈັດຕັ້ງປະຕິບັດວຽກງານພາກສະໜາມຕ້ອງມີຄວາມລະອຽດ ຊັດເຈນ ສັງລວມເຂົ້າຖານຂໍ້ມູນຢ່າງເປັນລະບົບ, ຂໍ້ມູນ-ຂ່າວສານຕ້ອງຄົບຖ້ວນ ແລະ ປີ່ນອ້ອມທຸກຂົງເຂດວຽກງານ, ເອົາໃສ່ດ້ານຂອດປະສານງານລະຫວ່າງຂະແໜງການກ່ຽວຂ້ອງ ແລະ ບຸກຄະລາກອນຕ້ອງມີຄວາມພ້ອມໃນການປະກອບສ່ວນຢ່າງຕັ້ງໜ້າ. ນອກຈາກນີ້, ທ່ານ ຮອງລັດຖະມົນຕີຍັງໄດ້ເນັ້ນໜັກໃຫ້ບັນດາຄະນຳຈາກ ພຊສ ແຂວງ, ຂະແໜງທີ່ດິນ, ຫ້ອງການ ຊສ ບັນດາເມືອງທີ່ເຂົ້າຮ່ວມ ຕ້ອງໄດ້ເອົາໃຈໃສ່ຊີ້ນຳວິຊາການຂອງຕົນໃນການສຶກສາຮໍ່າຮຽນເອົາຄວາມຮູ້ ແລະ ປະສົບການໃນການຝຶກອົບຮົມ ແລະ ເຮັດຕົວຈິງຢູ່ເມືອງຊະນະຄາມໃນຄັ້ງນີ້ ໃຫ້ມີຄວາມຊຳນານ ເພື່ອໄປໝູນໃຊ້ເຂົ້າໃນການຈັດຕັ້ງປະຕິບັດວຽກງານສຳຫຼວດ-ວັດແທກ ແລະ ຂຶ້ນທະ ບຽນທີ່ດິນຢູ່ເມືອງຂອງຕົນຢ່າງມີປະສິດທິຜົນ ແລະ ບັນລຸໃຫ້ໄດ້ຕົວເລກຄາດໝາຍທີ່ທາງຂັ້ນເທິງມອບໝາຍໃຫ້.

ໃນຕອນທ້າຍຂອງກອງປະຊຸມທ່ານ ສະໝານ ວິເສດຍະວົງ ເຈົ້າເມືອງໆຊະນະຄາມ ກໍ່ໄດ້ຂຶ້ນກ່າວຮັບຄຳໂອ້ລົມ ພ້ອມທັງສະແດງຄວາມຮູ້ບຸນຄຸນ ແລະ ຂອບໃຈມາຍັງທ່ານ ຮອງລັດຖະມົນຕີ, ຄະນະທີມງານຈາກກົມທີ່ດິນ ແລະ ພຊສ ແຂວງ ທີ່ໄດ້ເລືອກເອົາເມືອງຊະນະຄາມເປັນເມືອງຕົວແບບໃນການສຳຫຼວດ-ວັດແທກ ແລະ ຂຶ້ນທະບຽນອອກໃບຕາດິນດ້ວຍລະບົບລາວແລນແລ໋ກ ຢູ່ແຂວງວຽງຈັນ ແລະ ຄະນະນຳຂອງເມືອງເອງກໍ່ຈະຕັ້ງໜ້າສືບຕໍ່ຊີ້ນຳວຽກງານດັ່ງກ່າວຢູ່ເມືອງຊະນະຄາມໃຫ້ໄດ້ຮັບຜົນດີ.

ກອງປະຊຸມເປີດບັ້ນຝຶກອົບຄັ້ງນີ້ ໄດ້ປິດລົງໃນຕອນເຊົ້າຂອງວັນດຽວກັນ ແລະ ການຝຶກອົບຮົມ ແລະ ທົດລອງໃນພາກສະໜາມຕົວຈິງ ຈະໄດ້ສືບຕໍ່ຈົນຮອດວັນທີ 13 ກໍລະກົດ 2018.

 

 

 

 

 

LAST_UPDATED2