Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້19
mod_vvisit_counterມື້ວານ29
mod_vvisit_counterອາທິດນີ້81
mod_vvisit_counterອາທິດແລ້ວນີ້153
mod_vvisit_counterເດືອນນີ້282
mod_vvisit_counterເດືອນແລ້ວນີ້700
mod_vvisit_counterລວມທັງຫມົດ47843

Online (20 minutes ago): 1
Your IP: 54.166.249.93
,
Today: ພ. ຈ. 13, 2018

Who's Online

ເຮົາມີ 1 ບຸກຄົນທົ່ວໄປ ອອນໄລນ
ຍິນດີຕ້ອນຮັບ ເຂົ້າສູ່ເວບໄຊ ຂອງ ພຊສ ແຂວງ ວຽງຈັນ
ຄະນະນຳ ກຊສ ລົງເຄື່ອນໄຫວຊຸກຍູ້ວຽກງານຊັບພະຍາກອນທຳມະຊາດ ແລະ ສິ່ງແວດລ້ອມຢູ່ແຂວງວຽງຈັນ PDF ພິມ ອີເມລ
ຂຽນໂດຍ ຂະ​ແໜງ​ແຜນ​ການ-ສະ​ຖິ​ຕິ ແລະ ຂໍ້​ມູນ​ຂ່າວ​ສານ   
ມື້ຈັນທີ່ 15 ຕຸລາ 2018 ເວລາ 11: 48

ໃນຄັ້ງວັນທີ 9 ຕຸລາ 2018 ຜ່ານມາ ທ່ານ ບຸນມີ ພຸດທະວົງ ຮອງລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດ ລ້ອມ ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້ການຈັດຕັ້ງປະຕິບັດວຽກງານຂົງເຂດຊັບພະຍາກອນທຳມະຊາດ ແລະ ສິ່ງແວດ ລ້ອມແຂວງວຽງຈັນ ເຊິ່ງກອງປະຊຸມຄົ້ນຄວ້າ, ປຶກສາຫາລື ແລະ ຕີລາກ່ຽວກັບຜົນການຈັດຕັ້ງປະຕິບັດວຽກງານດັ່ງກ່າວໄດ້ຈັດຂຶ້ນທີ່ຫ້ອງປະຊຸມສະໂມສອນເມືອງຫີນເຫີບ, ມີບັນດາຄະນະກົມ, ຄະນະນຳ ພຊສ, ບັນດາ ຫຊສ 11 ເມືອງ ແລະ ບັນດາຫ້ອງ ການອ້ອມຂ້າງເມືອງຫີນເຫີບເຂົ້າຮ່ວມທັງໝົດ 65 ທ່ານ, ຍິງ 16 ທ່ານ.

ຕາມການລາຍງານຂອງ ທ່ານ ກອງຄຳ ອິນໄພຍະລາດ ຫົວໜ້າ ພຊສ ແຂວງວຽງຈັນ ໃນ 9 ເດືອນຕົ້ນປີຂົງເຂດວຽກງານຊັບພະຍາ ກອນທຳມະຊາດ ແລະ ສິ່ງແວດລ້ອມ ແຂວງວຽງຈັນ ມີພະນັກງານ-ລັດຖະກອນທັງໝົດ 280 ຄົນ, ຍິງ 85 ຄົນ, ຂັ້ນແຂວງມີ 91 ຄົນ, ຍິງ 28 ຄົນ ແລະ ຂັ້ນເມືອງມີ 189 ຄົນ, ຍິງ 57 ຄົນ, ທົ່ວແຂວງມີອາສາສະມັກທັງໝົດ 52 ຄົນ, ຍິງ 35 ຄົນ, ຢູ່ຂັ້ນແຂວງມີ 12 ຄົນ, ຍິງ 11 ຄົນ. ວຽກງານທີ່ດິນຈັດຕັ້ງປະຕິບັດອອກໃບຕາດິນຖາວອນໄດ້ 2.460 ຕອນ ເທົ່າກັບ 30,75% (ແຜນການ 8.000 ຕອນ), ຈົດທະບຽນນິຕິກຳກ່ຽວກັບທີ່ດິນໄດ້ 1.865 ຕອນ ລວມເປັນເງິນຄ່າທໍານຽມທັງໝົດ 1,31 ຕື້ກວ່າກີບ, ທົ່ວແຂວງມີສະຖິຕິຕອນດິນທັງໝົດ 193.102 ຕອນ; ວຽກງານສິ່ງແວດລ້ອມ ໄດ້ລົງຕິຕາມຊຸກຍູ້ບັນດາກິດຈະການທີ່ເຄື່ອນໄຫວຜ່ານມາແຕ່ບໍ່ມີບົດປະເມີນຜົນກະທົບດ້ານສິ່ງແວດລ້ອມເບື້ອງຕົ້ນຈຳນວນ 106 ກິດຈະການ ສຳເລັດ 36 ກິດຈະການ, ອອກໃບຢັ້ງຢືນດ້ານສິ່ງແວດລ້ອມປະຈຳປີໄດ້ທັງໝົດ 95 ກິດຈະການ, ອອກໃໝ່ 10 ກິດຈະການ ແລະ ສືບຕໍ່ 85 ກິດຈະການ, ເຂົ້າຮ່ວມເປັນກອງເລຂາເກັບກຳຂໍ້ມູນຜົນກະທົບໂຄງການກໍ່ສ້າງທາງລົດໄຟລາວ-ຈີນ (ຜ່ານແຂວງວຽງຈັນ) ສຳເລັດ ມີຈຳນວນ 60 ບ້ານ, ໂຄງການກໍ່ສ້າງທາງດ່ວນ (ນະຄອນຫຼວງ-ວັງວຽງ) 40 ບ້ານ; ລົງກວດກາຄຸນນະພາບນໍ້າທີ່ປ່ອຍອອກມາຈາກບັນດາໂຮງງານໄດ້ 14 ກິດຈະການ ແລະ ຕິດຕາມອາກາດໄດ້ 2.340 ຊົ່ວໂມງ; ຈັດຕັ້ງປະຕິບັດລາຍຮັບງົບປະມານວິຊາການຂັ້ນແຂວງໄດ້ 97% ແລະ ຂັ້ນເມືອງໄດ້ 84%; ສ່ວນວຽກງານ 3 ສ້າງກໍ່ໄດ້ແບ່ງວຽກງານອອກໃບຕາດິນແບບເປັນລະບົບ ແລະ ການອອກອະນຸຍາດດ້ານສິ່ງແວດລ້ອມສຳລັບຫົວໜ່ວຍທຸລະກິດຄອບຄົວໃຫ້ຂັ້ນເມືອງຄຸ້ມຄອງ.

 

ອ່ານເພິ່ມເຕິມ...
 
ໂຄງການກໍ່ສ້າງທາງດ່ວນ ວາງຄາດໝາຍສຳເລັດການມອບຄ່າຊົດເຊີຍໃນ 3 ເມືອງຂອງແຂວງວຽງຈັນ ໃນທ້າຍເດືອນ 11/2018 PDF ພິມ ອີເມລ
ຂຽນໂດຍ ຂະແໜງຂໍ້ມູນ-ຂ່າວສານ   
ມື້ສຸກທີ່ 21 ກັນຍາ 2018 ເວລາ 17: 09

ໃນຕອນເຊົ້າຂອງວັນທີ 20 ກັນຍາ 2018 ທີ່ຫ້ອງປະຊຸມຫ້ອງວ່າການປົກຄອງເມືອງໂພນໂຮງ ໄດ້ມີພິທີມອບ-ຮັບຄ່າຊົດເຊີຍຜົນກະທົບຈາກໂຄງການກໍ່ສ້າງທາງດ່ວນນະຄອນຫຼວງວຽງຈັນ-ວັງວຽງ ໂດຍມີທ່ານ ດາວເຮືອງ ນັນທະວົງ ຮອງເຈົ້າແຂວງໆວຽງຈັນ, ຜູ້ຊີ້ນຳວຽກງານການກໍ່ສ້າງທາງດ່ວນແຂວງວຽງຈັນ, ທ່ານ ນາງ ອິ່ນຄຳ ພັນດາລາ ເຈົ້າເມືອງໆໂພນໂຮງ ແລະ ທ່ານ ສືຊິ່ງ ຕາງໜ້າບໍລິສັດຮ່ວມທຶນພັດທະນາທາງດ່ວນລາວ-ຈີນ ຈຳກັດ ເປັນປະທານຮ່ວມ, ມີຄະນະຊີ້ນຳຂັ້ນແຂວງ ແລະ ຂັ້ນເມືອງ ພ້ອມທັງອຳນາດການປົກຄອງບ້ານ ແລະ ປະຊາຊົນບ້ານທີ່ຖືກຜົນກະທົບພາຍເມືອງໂພນໂຮງເຂົ້າຮ່ວມຢ່າງພ້ອມພຽງ.

ທ່ານ ສິດທິພົງ ແສງສຸລິຍາ ຮອງປະທານບໍລິສັດທີ່ປຶກສາດ້ານສິ່ງແວດລ້ອມ ລາວຈຳກັດ ກໍ່ໄດ້ຂຶ້ນລາຍງານກ່ຽວກັບໂຄງ ການກໍ່ສ້າງທາງດ່ວນນະຄອນຫຼວງວຽງຈັນ-ບໍ່ເຕັນ ເຊິ່ງໄດ້ເຮັດບົດບັນທຶກຄວາມເຂົ້າໃຈລະຫວ່າງກຸ່ມບໍລິສັດກໍ່ສ້າງ-ລົງ ທຶນ ແລະ ຖືຫຸ້ນຈຳກັດແຂວງຢູນານ ສປ ຈີນ ແລະ ກະຊວງໂຍທາທິການ ແລະຂົນສົ່ງ, ມີຄວາມຍາວ 460 ກິໂລແມັດ ແລະ ແບ່ງອອກເປັນ 4 ຊ່ວງຄື: ນະຄອນຫຼວງວຽງຈັນ-ວັງວຽງ, ວັງວຽງ-ຫຼວງພະບາງ, ຫຼວງພະບາງ-ອຸດົມໄຊ ແລະ ອຸດົມໄຊ-ບໍ່ເຕັນ. ສຳລັບຊ່ວງນະຄອນຫຼວງວຽງຈັນ-ວັງວຽງ ມີຄວາມຍາວ 113,5 ກິໂລແມັດ (ເລີ່ມກໍ່ສ້າງ 2017-2020) ແລະ ຜ່ານ 3 ເມືອງຂອງແຂວງວຽງຈັນຄື: ໂພນໂຮງ, ຫີນເຫີບ ແລະ ວັງວຽງ;  ລວມມີ 40 ບ້ານ, 623 ຄອບຄົວ, ທີ່ດິນ 1.024 ຕອນ ເນື້ອທີ່ 4.836.513,30 ຕາແມັດ. ໃນນັ້ນ, ໄດ້ສຳເລັດການເຮັດບົດບັນທຶກຮັບເອົາຄ່າຊົດເຊີຍຕາມຫົວໜ່ວຍລາຄາຊົດເຊີຍສຳເລັດແລ້ວ 482 ຄອບຄົວ ລວມເປັນເງິນຊົດເຊີຍທີ່ດິນ, ຜົນລະປູກ ແລະ ສິ່ງກໍ່ສ້າງທັງໝົດ 72.418 ລ້ານກວ່າກີບ, ແຕຍັງ 141 ຄອບຄົວ ຈະຕ້ອງໄດ້ສືບຕໍ່ໄກ່ເກ່ຍ ແລະ ຊົດເຊີຍໃຫ້ສຳເລັດພາຍໃນ 11/2018 ນີ້.

 

LAST_UPDATED2
ອ່ານເພິ່ມເຕິມ...
 
ກອງ​ປະ​ຊຸມ​ເຜີຍ​ແຜ່​ກົດ​ໝາຍ​ນ້ຳ ແລະ ຊັບ​ພະ​ຍາ​ກອນ​ນໍ້​ງ(ສະ​ບັບ​ປັບ​ປຸງ​ປີ2017) PDF ພິມ ອີເມລ
ຂຽນໂດຍ ພອນໄຊ ເດດທະວົງ   
ມື້ອັງຄານທີ່ 14 ສິງຫາ 2018 ເວລາ 13: 58

ໃນຕອນເຊົ້າຂອງວັນທີ 10 ສິງຫາ 2018 ທີ່ສະໂມສອນຫ້ອງວ່າການແຂວງວຽງຈັນ, ໄດ້ຈັດກອງປະຊຸມເຜີຍແຜ່ກົດໝາຍນໍ້າ ແລະ ຊັບພະຍາກອນນໍ້າ ໂດຍເປັນປະທານຂອງທ່ານກອງຄຳ ອິນໄພຍະລາດ ກຳມະການພັກແຂວງ, ຫົວໜ້າພະແນກຊັບພະຍກອນທຳມະຊາດ ແລະ ສິ່ງແວດລ້ອມແຂວງວຽງຈັນ ແລະ ທ່ານ ກິ່ງຄຳ ມະນີວົງຮອງຫົວໜ້າກົມຊັບພະຍາກອນນໍ້າ, ມີບັນດາທ່ານເຈົ້າເມືອງ, ຮອງເຈົ້າເມືອງ, ມີບັນດາຫົວໜ້າ, ຮອງຫົວໜ້າພະແນກອ້ອມຂ້າງແຂວງ, ຫົວໜ້າ, ຮອງຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ, ຕາງໜ້າບໍລິສັດ, ລັດວິສາຫະກິດ, ຫົວໜ້າ,ຮອງຫົວໜ້າຂະແໜງ, ພ້ອມພະນັກງານທີ່ກ່ຽວຂ້ອງຈາກພະແນກການ ແລະ ພະນັກງານທັງໝົດຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມເຂົ້າຮ່ວມທັງໝົດ 102 ທ່ານ, ຍິງ 26 ທ່ານ.

ກອງປະຊຸມໄດ້ເຜີຍແຜ່ກົດໝາຍນໍ້າ ແລະ ຊັບພະຍາກອນນໍ້າສະບັບປັບປຸງ, ຊື່ງໄດ້ມີມະຕິຮັບຮອງຈາກສະພາແຫ່ງຊາດ, ໃນວັນທີ 11 ພຶດສະພາ 2017 ແລະ ປະກາດໃຊ້ໂດຍປະທານປະເທດໃນວັນທີ 22ມິຖຸນາ 2017, ການເຜີຍແຜ່ກົດໝາຍນໍ້າ ແລະ ຊັບພະຍາກອນນໍ້າໃນຄັ້ງນີ້ ເຊິ່ງມີຈຸດປະສົງໃຫ້ບັນດາການນຳຂັ້ນແຂວງ, ຂັ້ນເມືອງ, ພະນັກງານ-ລັດຖະກອນ ຕະລອດຮອດ​ຜູ້​ພັດ​ທະ​ນາ​ໂຄງ​ການ​ຢູ່​ແຂວງວຽງ​ຈັນໄດ້ຮັບຮູ້ ແລະ ເຂົ້າໃຈກ່ຽວກັບການປະຕິບັດກົດໝາຍນໍ້າ ແລະຊັບພະຍາກອນນໍ້າເຊິ່ງກົດໝາຍດັ່ງກ່າວລວມມີ 14 ພາກ, ມີ 8 ໝວດ, 103ມາດຕາ, ຜ່ານການຮັບຟັງເຫັນໄດ້ວ່າມີຜູ້ສົນໃຈຫລາຍ ເປັນຕົ້ນແມ່ນການຄຸ້ມຄອງແຫຼ່ງນໍ້າ,ການ​ປົກ​ປັກ​ຮັກ​ສາ​ນ້ຳ ແລະ ຊັບ​ພະ​ຍາ​ກອນ​ນ້ຳ, ເຂດ​ສະ​ຫງວນ​ນ້ຳ ​ແລະ ການຊົມໃຊ້ນໍ້າ ແລະ​ອື່ນໆ ​ສິ່ງ​ສຳ​ຄັນ​ແມ່ນເພື່ອ​ເຮັດ​ໃຫ້​ຊັນ​ພະ​ຍາ​ກອນ​ນ້ຳ​ມີ​ຄວາມ​ຍືນ​ຍົງ.

LAST_UPDATED2
ອ່ານເພິ່ມເຕິມ...
 
ກົມຄຸ້ມຄອງທີ່ດິນ, ກຊສ ຈັດຝຶກອົບຮົມວຽກງານສຳຫຼວດ-ວັດແທກ ແລະ ອອກໃບຕາດິນ ຢູ່ເມືອງຊະນະຄາມ ແຂວງວຽງຈັນ. PDF ພິມ ອີເມລ
ຂຽນໂດຍ ຂະແໜງແຜນການ-ສະຖິຕິ ແລະ ຂໍ້ມູນ-ຂ່າວສານ   
ມື້ຈັນທີ່ 25 ມິຖຸນາ 2018 ເວລາ 11: 11

ໃນຕອນເຊົ້າຂອງວັນທີ 21 ມິຖຸນາ 2018 ຜ່ານມາ ທີ່ສະໂມສອນຫ້ອງວ່າການປົກຄອງເມືອງຊະນະຄາມ ແຂວງວຽງຈັນ ໄດ້ຈັດກອງປະຊຸມເປີດບັ້ນຝຶກອົບຮົມວຽກງານສຳຫຼວດ-ວັດແທກ ແລະ ອອກໃບຕາດິນຂຶ້ນ ໂດຍການເປັນປະ ທານຂອງ ທ່ານ ບຸນມີ ພຸດທະວົງ ຮອງລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ກອງຄຳ ອິນໄພຍະລາດ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນ ແລະ ທ່ານ ສະໝານ ວິເສດຍະວົງ ເຈົ້າເມືອງໆຊະນະຄາມ, ມີ ທ່ານ ຮອງເຈົ້າເມືອງ, ຄະນະນຳ ແລະ ວິຊາການທີ່ດິນ ຫ້ອງການ ຊສ ບັນດາເມືອງພາຍໃນແຂວງວຽງຈັນ, ທີມງານຄູຝຶກຈາກກົມທີ່ດິນ, ວິຊາການຈາກ ພຊສ ແຂວງ, ຄະນະນຳຫ້ອງການກ່ຽວຂ້ອງ, ຄະນະນຳ ແລະ ທີ່ດິນບ້ານອ້ອມຂ້າງເມືອງເຂົ້າຮ່ວມທັງໝົດ 83 ທ່ານ, ຍິງ 11 ທ່ານ.

ບັ້ນຝຶກອົບຮົມທີ່ຈັດໂດຍກົມຄຸ້ມຄອງທີ່ດິນຄັ້ງນີ້ແມ່ນຈະໃຊ້ເວລາ 2 ອາທິດ ນັບແຕ່ວັນທີ 21 ມີຖຸນາ ຫາ 13 ກໍລະກົດ 2018 ເຊິ່ງຈຸດປະສົງຕົ້ນຕໍແມ່ນເລັ່ງໃສ່ສ້າງຄວາມເຂັ້ມແຂງໃຫ້ແກ່ພະນັກງານວິຊາການຜູ້ຮັບຜິດຊອບວຽກງານທີ່ດິນຂັ້ນແຂວງ ແລະ ຂັ້ນເມືອງໃນການສຳຫຼວດ-ວັດແທກ ແລະ ຂຶ້ນທະບຽນອອກໃບຕາດິນຢູ່ບັນດາເມືອງທົ່ວແຂວງວຽງຈັນໃຫ້ບັນລຸຕາມແຜນການໂດຍນຳໃຊ້ລະບົບຖານຂໍ້ມູນທະບຽນທີ່ດິນ (Lao Land Reg).

 

LAST_UPDATED2
ອ່ານເພິ່ມເຕິມ...
 
ພິທີມອບ-ຮັບຄວາມຮັບຜິດຊອບວຽກງານຄຸ້ມຄອງການເຊົ່າ-ສຳປະທານທີ່ດິນຂອງລັດຢູ່ແຂວງວຽງຈັນ PDF ພິມ ອີເມລ
ຂຽນໂດຍ ຂະແໜງແຜນການ-ສະຖິຕິ ແລະ ຂໍ້ມູນ-ຂ່າວສານ   
ມື້ພຸດທີ່ 21 ມີນາ 2018 ເວລາ 13: 29

ປະຕິບັດຕາມແຈ້ງການສະບັບເລກທີ 4558/ກງ ລົງວັນທີ 27/12/2017 ຂອງທ່ານຮອງນາຍົກລັດຖະມົນຕີ (ລັດຖະມົນຕີກະຊວງການເງິນ), ໃນຕອນເຊົ້າວັນທີ 20 ມີນາ ຜ່ານມາ ທີ່ຫ້ອງປະຊຸມພະແນກການເງິນແຂວງວຽງຈັນ ໄດ້ມີພິທີເຊັນມອບ-ຮັບຄວາມຮັບຜິດຊອບວຽກງານການເຊົ່າ-ສຳປະທາທີ່ດິນຂອງລັດ ລະຫວ່າງພະແນກຊັບພະຍາກອນທຳມະຊາດ ແລະສິ່ງແວດລ້ອມ (ພຊສ) ແລະ ພະແນກການເງິນ ໂດຍການເປັນປະທານຂອງຮ່ວມຂອ ງທ່ານ ກອງຄໍາ ອິນໄພຍະລາດ ກໍາມະການພັກແຂວງ ຫົວໜ້າພະແນກ ຊສ ແຂວງ ແລະ ທ່ານ ຄຳເຫຼັກ ທອງສະຫວັນ ຮອງຫົວໜ້າພະແນກການເງິນປະຈຳແຂວງວຽງຈັນ, ມີຄະນະນຳຈາກຫ້ອງວ່າການປົກຄອງແຂວງ, ຈາກພະແນກການອ້ອມຂ້າງ ແລະ ຈາກ 2 ພະແນກການກ່ຽວຂ້ອງເຂົ້າຮ່ວມເພື່ອເປັນສັກຂີພິຍານ.

ເນື້ອໃນວຽກງານທີ່ມອບ-ຮັບກັນຄັ້ງນີ້ປະກອບມີ ຂໍ້ມູນສະຖິຕິ ແລະ ສັນຍາເຊົ່າ-ສຳປະທານຈຳນວນ 69 ໂຄງການ ໃນນັ້ນ ມີ 41 ໂຄງການແມ່ນມີສັນຍາຄົບຖ້ວນຕາມລັດຖະບັນຍັດ ເລກທີ 02/ປປທ, ລົງວັນທີ 18 ພະຈິກ 2009 ແລະ ຍັງມີ 28 ໂຄງການທີ່ຈະຕ້ອງໄດ້ສືບຕໍ່ປັບປຸງສັນຍາ, ແລະ ມອບໃຫ້ພະແນກການເງິນ (ຫ້ອງການຄຸ້ມຄອງຊັບສິນຂອງລັດ) ເປັນຜູ້ຈັດຕັ້ງປະຕິບັດການຄົ້ນຄວ້າຮ່າງເນື້ອໃນສັນຍາເຊົ່າ-ສຳປະທານທີ່ດິນທີ່ຕິດພັນກັບລາຍຮັບ, ລົງນາມຄູ່ສັນຍາ, ການເລັ່ງທວງເກັບຄ່າເຊົ່າ-ສຳປະທານ ແລະ ສະເໜີລາຍງານໃຫ້ຂັ້ນເທິງຍົກເລີກໃນກໍລະນີທີ່ມີການລະເມີດສັນຍາ. ສຳລັບ ພຊສ ແຂວງ (ຂະແໜງຄຸ້ມຄອງທີ່ດິນ) ແມ່ນຮັບຜິດຊອບຈັດຕັ້ງປະຕິບັດໃນການສຳຫຼວດ ແລະ ອອກແຜນທີ່ຕອນດິນ, ການຄົ້ນຄວ້າດ້ານການອະນຸຍາດເຊົ່າ-ສຳປະທານ ແລະ ບັນດາເອກະສານອ້າງອີງຕ່າງໆເພື່ອຄັດຕິດໃນສັນຍາຢ່າງຄົບຖ້ວນ ພ້ອມທັງເປັນຜູ້ຕິດຕາມກວດການນຳໃຊ້ທີ່ດິນຕາມເປົ້າ ໝາຍທີ່ກຳນົດໄວ້. ໃນກໍລະນີການປະຕິບັດພັນທະບໍ່ໄປຕາມສັນຍາ, ເນື້ອທີ່ບໍ່ຊັດເຈນ ແລະ ອື່ນໆ ທັງສອງພະແນກການຕ້ອງໄດ້ປະສານສົມທົບ ຄົ້ນຄວ້າປຶກສາຫາລືຮ່ວມກັນ ເພື່ອຊອກຫາວິທີການແກ້ໄຂຕາມລະບຽບຫຼັກການ.

ພາຍຫຼັງໄດ້ມີການອ່ານຜ່ານເນື້ອໃນການມອບ-ຮັບແລ້ວ ທັງສອງພະແນກການກໍ່ໄດ້ຕົກລົງເຫັນດີ ແລະ ລົງນາມຮັບຮອງເອົາບົດບັນທຶກການມອບ-ຮັບຄັ້ງນີ້ ເພື່ອເປັນບ່ອນອີງໃນການຈັດຕັ້ງປະຕິບັດຢ່າງເປັນເອກະພາບກັນໃນຕໍ່ໜ້າ. ພິທີມອບ-ຮັບດັ່ງກ່າວ ໄດ້ສຳເລັດລົງໃນຕອນເຊົ້າຂອງວັນດຽວກັນ.

LAST_UPDATED2
 
ພຊສ ແຂວງວຽງຈັນ ສຳເລັດກອງປະຊຸມດຳເນີນຊີວິດການເມືອງປັບປຸງປົວແປງພັກ PDF ພິມ ອີເມລ
ຂຽນໂດຍ ພອນໄຊ ເດດທະວົງ   
ມື້ອັງຄານທີ່ 08 ສິງຫາ 2017 ເວລາ 10: 23

ປະຕິບັດຕາມທິດຊີ້ນຳຂອງອົງຄະນະພັກ ແຂວງວຽງຈັນ, ໃນຄັ້ງວັນທີ 24-28 ກໍລະກົດ 2017 ຜ່ານມາ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນ ໄດ້ເປີດບັ້ນດໍາເນີນຊີວິດການເມືອງປັບປຸງປົວແປງພັກຂື້ນ ຢູ່ທີ່ຫ້ອງປະຊຸມສູນວັດທະນະທໍາ ແຂວງວຽງຈັນ, ໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ວິນັດ ສີສຸວົງ ຄະນະປະຈໍາພັກແຂວງ, ປະທານກວດກາພັກ, ຫົວໜ້າພະແນກກວດກາລັດ ແຂວງວຽງຈັນ, ມີສະຫາຍ ກອງຄໍາ ອິນໄພຍາລາດ, ກໍາມະການພັກແຂວງ, ເລຂາຄະນະພັກຮາກຖານ, ຫົວໜ້າພະແນກ ຊສ ແຂວງວຽງຈັນ ພ້ອມດ້ວຍຄະນະພັກຮາກຖານ, ບັນດາເລຂາໜ່ວຍພັກ, ສະມາຊິກພັກສົມບູນ ແລະ ສໍາຮອງຂອງພະແນກ ຊສ ເຂົ້າຮ່ວມທັງໝົດ 65 ສະຫາຍ, ຍິງ 17 ສະຫາຍ.

ອ່ານເພິ່ມເຕິມ...
 
ແຈ້ງການ ການກວດກາຄືນບັນຫາການອອກໃບຕາດີນ... PDF ພິມ ອີເມລ
ຂຽນໂດຍ ສົມອຸລາ ຍະພິຈິດ   
ມື້ອັງຄານທີ່ 30 ພຶດສະພາ 2017 ເວລາ 09: 22
ແຈ້ງການ ເລກທີ 2121/ກຊສ, ລົງວັນທີ 26 ພຶດສະພາ 2017
ເລື້ອງ: ການກວດກາຄືນບັນຫາການອອກໃບຕາດີນ ຫລື ການມີເອກະສານ ສິດນໍາໃຊ້ທີ່ດີນ ຊໍ້າຊ້ອນກັນ
alt
ອ່ານເພິ່ມເຕິມ...
 
ພິທີມອບ-ຮັບ ວຽກງານ ລະຫ່ວາງ ພຊສ ແຂວງວຽຈັນ ກັບ ພະແນກກະສິກຳປ່າໄມ້ ແລະ ພະແນກພະລັງງານ - ບໍ່ແຮ່ ແຂວງວຽງຈັນ PDF ພິມ ອີເມລ
ຂຽນໂດຍ ທ້າວ ພູວົງ ເດດລາດສະວົງ   
ມື້ອັງຄານທີ່ 01 ພະຈິກ 2016 ເວລາ 10: 47

 

ໃນຕອນເຊົ້າຂອງວັນທີ 11 ຕຸລາ 2016 ຜ່ານມານີ້ ທີ່ຫ້ອງປະຊຸມພະແນກການເງິນແຂວງວຽງຈັນ ໄດ້ມີພິທີມອບ - ຮັບວຽກງານຄຸ້ມຄອງຊັບພະຍາກອນປ່າໄມ້ ແລະ ທໍລະນີສາດ - ແຮ່ທາດ, ລະຫວ່າງ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນ(ຜູ້ມອບ) ກັບ ພະແນກກະສິກຳປ່າໄມ້(ຜູ້ຮັບ) ແລະ ພະແນກພະລັງງານ-ບໍ່ແຮ່ແຂວງວຽງຈັນ(ຜູ້ຮັບ), ໂດຍການເປັນປະທານຂອງ ທ່ານ ອຸ່ນແສງ ແກ້ວດາວັນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງວຽງຈັນ.

LAST_UPDATED2
ອ່ານເພິ່ມເຕິມ...
 
ພຊສ ແຂວງວຽງຈັນສໍາເລັດບັ້ນຮໍ່າຮຽນເຊຶ່ອມຊຶມກົດລະບຽບຂອງພັກປະຊາຊົນປະຕິວັດລາວສະໄໝທີ X ແລະກົດໝາຍຈໍານວນໜຶ່ງ PDF ພິມ ອີເມລ
ຂຽນໂດຍ ທ້າວ ພູວົງ ເດດລາດສະວົງ   
ມື້ອັງຄານທີ່ 01 ພະຈິກ 2016 ເວລາ 10: 05

 

ປະຕິບັດຕາມມະຕິຕົກລົງຂອງຄະນະປະຈໍາພັກແຂວງໆວຽງຈັນ ສະບັບເລກທີ 273 / ຄປພ.ວຈ, ລົງວັນທີ 8 / 09 / 2016 ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງວຽງຈັນ ໄດ້ຈັດກອງປະຊຸມຮໍ່າຮຽນກົດລະບຽບຂອງພັກປະຊາຊົນ ປະຕິວັດລາວສະໄໝທີ X ແລະ ກົດໝາຍຈໍານວນໜຶ່ງໃຫ້ ພະນັກງານສະມາຊິກພັກຂອງຕົນຂື້ນໃນຄັ້ງວັນທີ 04 ຕຸລາ ປີ 2016 ຜ່ານມາ, ໂດຍການເປັນປະທານຂອງ ທ່ານ ບົວພັນ ກອນດາວົງ ຮອງຫົວໜ້າ ພຊສ ແຂວງ ແລະ ທ່ານ ສອນໄຊ ຫຼວງອາໄພ ຮອງຫົວໜ້າຄະນະຈັດຕັ້ງແຂວງ ແລະ ທ່ານ ຄໍາຫຼ້າ ແສງວົງ ຮອງຫົວໜ້າພະແນກພາຍໃນແຂວງ ເປັນປະທານຮ່ວມ ແລະ ທັງເປັນຜູ້ບັນຍາຍ

LAST_UPDATED2
ອ່ານເພິ່ມເຕິມ...
 
ບົດຄວາມ ອື່ນ ໆ...
<< ເລີ່ມຕົ້ນ < ຖອຍຫຼັງ 1 2 3 4 ຕໍ່ໄປ > ສຸດທ້າຍ >>

Page 1 of 4