LaoEnglish (United Kingdom)

Left Menu

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້3
mod_vvisit_counterມື້ວານ52
mod_vvisit_counterອາທິດນີ້238
mod_vvisit_counterອາທິດແລ້ວນີ້290
mod_vvisit_counterເດືອນນີ້623
mod_vvisit_counterເດືອນແລ້ວນີ້1908
mod_vvisit_counterລວມທັງຫມົດ87149

Online (20 minutes ago): 2
Your IP: 54.147.142.16
,
Today: ພ. ຈ. 14, 2018

Who's Online

ເຮົາມີ 6 ບຸກຄົນທົ່ວໄປ ອອນໄລນ
ຂ່າວສານປະຊາສຳພັນ
ພິ​ທີ​ປ່ອຍ​ປາ ແລະ ຮ່ວມ​ມື​ກັນ​ປະ​ຕິ​ບັດ​ກົດ​ໝາຍ​ການ​ປະ​ມົງ​ລຸ່ມ​ແມ່ນ້ຳ​ຂອງ-ແມ່​ນ້ຳ​ລ້ານ​ຊ້າງ ລະ​ຫວ່າງ​ລາວ-ຈີນ. PDF ພິມ ອີເມລ
ຂຽນໂດຍ ສົມມີ ພົມປັນຍາ   
ມື້ສຸກທີ່ 02 ພະຈິກ 2018 ເວລາ 11: 44

ໃນ​ລະ​ຫວ່າງວັ​ນ​ທີ 25-27 ຕຸ​ລາ 2018 ທີ່​ຜ່ານ​ມານີ້ ຄະ​ນະ​ຜູ້​ແທນ​ຈາກ​ກະ​ຊວງ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ແລະ ພະ​ແນກຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ພ້ອ​ມດ້ວຍ​ພາກ​ສ່ວນ​ທີ່​ກ່ຽວ​ຂ້ອງ​ພາຍ​ໃນແຂວງຫຼວງ​ນ້ຳ​ທາ ​ໄດ້​ເຂົ້າ​ຮ່ວມພິ​ທີ​ປ່ອຍ​ປາ ແລະ ຮ່ວມ​ມື​ກັນ​ປະ​ຕິ​ບັດ​ກົດ​ໝາຍ​ການ​ປະ​ມົງ​ລຸ່ມ​ແມ່ນ້ຳ​ຂອງ-ແມ່​ນ້ຳ​ລ້ານ​ຊ້າງ ລະ​ຫວ່າງ​ລາວ-ຈີນ ທີ່​ໄດ້​ຈັດ​ຂຶ້ນ​ຢູ່ ນະຄອນຊຽງ​ຮຸ່ງ ກິ່ງ​ແຂວງ 12 ພັນ​ນາ ແຂວງ​ຢູນ​ນານ ສ.ປ ຈີນ.

 

 

​ເຂົ້າ​ຮ່ວມ​ພິ​ທີ​ດັ່ງ​ກ່າວຝ່າຍຈີນ​ມີ: ທ່ານ ຈາງມູ້ ຄະນະພັກ ຮອງຫົວໜ້າພະແນກກະສິກຳຊົນນະບົດ ແຂວງຢູນນານ ພ້ອມພ້ວຍພາກສວ່ນກ່ຽວຂ້ອງ; ຝ່າຍລາວມີ: ທ່ານ ​ຄຳ​ພັນ ນັນ​ທະ​ວົງ ຫົວ​ໜ້າ​ຫ້ອງ​ການ​ກະ​ຊວງຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ, ທ່ານ ຄຳ​ເຫຼັກ ໄຊ​ດາ​ລາ ກຳ​ມະ​ການ​ພັກ​ແຂວງ ເລ​ຂາ​ຄະ​ນະ​ພັກ​ຮາກ​ຖານ ຫົວ​ໜ້າພະ​ແນກຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ແຂວງຫຼວງ​ນ້ຳ​ທາ, ມີ​ບັນ​ດາ​ທ່ານ​ຕ່າງ​ໜ້າ​ພະ​ແນກ​ການ​ອ້ອມ​ຂ້າງ​ແຂວງ ແລະ ພ້ອມ​ດ້ວຍ​ຄະ​ນະ​ທິມ​ງານ​ວິ​ຊາ​ການ​ທີ່​ກ່ຽວ​ຂ້ອງ ເຂົ້າ​ຮ່ວມ​ທັງ​ໝົດ 14 ທ່ານ; ພິເສດ ມີບັນດານັກສຶກສາ ລາວ ທີ່ກກຳລັງສຶກສາຢູ່ນະຄອນຊຽງຮຸ່ງ ກິ່ງແຂວງສິບສອງພັນນາ ແຂວງຢູນນານ ສປ ຈີນ ໄດ້ເຂົ້າຮ່ວມຈຳນວນ 30 ຄົນ.

 

 

 

ເພື່ອ​ເປັນ​ການ​ຊຸກ​ຍູ້​ວຽກ​ງານ​ອະ​ນຸ​ລັກ​ຊັບ​ພະ​ຍາ​ກອນ​ຊີ​ວະ​ນາໆ​ພັນ​ສັດ​ນ້ຳ ຢູ່​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງ ໂດຍ​ການ​ເປັນ​ເຈົ້າ​ພາບ​ຮ່ວມ​ກັນ​ລະຫວ່າງ: ຫ້ອງ​ການ​ຕິດ​ຕາມກວດ​ກາ ແລະ ຄຸ້ມ​ຄອງ​ການ​ປະ​ມົງ​ແມ່​ນ້ຳ​ຍັງ​ຈິ​ຈຽງ​ຂອງ​ກະ​ຊວງ​ກະ​ສິ​ກຳ​ຊົນ​ນະ​ບົດ​ຈີນ, ພະ​ແນກຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ແຂວງຫຼວງ​ນ້ຳ​ທາ ສ​ປ​ປ ລາວ, ພະ​ແນກ​ກະ​ສິ​ກຳ​ຊົນ​ນະ​ບົດ​ແຂວງ​ຢູນ​ນານ ສ​ປ ຈີນ, ​ອຳ​ນາດ​ການ​ປົກ​ຄອງສິບສອງພັນ​ນາ ໄດ້​ຮ່ວມ​ກັນ​ຈັດ​ພິ​ທີ​ປ່ອຍ​ປາ ດັ່ງ​ກ່າວ​ນີ້ຂື້ນ ຢູ່​ແຄມ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງ ທີ່​ນະ​ຄອນ​ຊຽງ​ຮຸງ ສິບ​ສອງ​ພັນ​ນາ ​ທີ່​ມີ​ທິວ​ທັດ​ທຳ​ມະ​ຊາດ​ອັນ​ສວຍ​ງາມ ​ພ້ອມ​ທັງ​ເປັນ​ການຮ່ວມ​ມື​ກັນ​ປະ​ຕິ​ບັດ​ກົດ​ໝາຍ​ການ​ປະ​ມົງ​ລຸ່ມ​ແມ່ນ້ຳ​ຂອງ-ແມ່​ນ້ຳ​ລ້ານ​ຊ້າງ ລະ​ຫວ່າງ​ລາວ-ຈີນ.

ພິທີປ່ອຍປາດັ່ງກ່າວໄດ້ປ່ອຍປາລົງແມ່ນ້ຳຂອງ-ແມ່ນນ້ຳລ້ານຊ້າງ ທັັງໝົດຈຳນວນ 70.000 ໂຕ(ເຈັດສິບພັນ), ໃນນັ້ນມີຊະນິດປາເຄີງ ຈຳນວນ 20.000 ໂຕ ແລະ ປາໄນ ຈຳນວນ 50.000 ໂຕ, ຈຸດປະສົງຂອງການປ່ອຍປາ ແມ່ນ ເພື່ອອະນຸລັກຊັບພະຍາກອນນ້ຳປະເພດປາທ້ອງຖິ່ນທີ່ຫາຍາກຢູ່ແມ່ນນ້ຳຂອງ-ແມ່ນ້ຳລ້ານຊ້າງ ແລະ ເຮັດໃຫ້ປະຊາ ຊົນທີ່ອາໄສຢູ່ລຽບຕາມແມ່ນ້ຳຂອງ ສາມາດນຳໃຊ້ຊັບພະຍາກອນນ້ຳແບບຍືນຍົງ, ພ້ອມກັນນັ້ນ ກິດຈະກຳເທື່ອນີ້ກໍ່ແມ່ນປະຕິບັດທິດທາງທີ່ຢູ່ຮ່ວມມືກັບປະເທດໃກ້ຄຽງເປັນຢ່າງດີ ແລະ ເປັນເພື່ອນມິດທີ່ດີກັບບັນດາປະເທດໃກ້ຄຽງກັນ ໂດຍຕິດພັນກັບນະໂຍບາຍການຕ່າງປະເທດທີ່ມີຄວາມສະໜິດສະໜົມ, ກົມກຽວ ແລະ ຊ່ວຍເຫຼືອເຊິ່ງກັນ ແລະ ກັນ, ເປັນການປະຕິບັດມາດຕະການລະອຽດຂອງການສ້າງສາ ໜຶ່ງແລວທາງ-ໜຶ່ງເສັ້ນທາງ ພ້ອມທັງພະຍາຍາມເປັນເວທີການແລກປ່ຽນຖອດຖອນບົດຮຽນເຊິ່ງກັນ ແລະ ກັນ ລະຫວ່າງລາວ-ຈີນ-ມຽນມາ-ໄທ-ກຳປູເຈຍ ແລະ ຫວຽດນາມ ເພື່ອສ້າງສາຍພົວພັນໄມຕີຈິດ-ມິດຕະພາບອັນດີງານໃຫ້ໝັ້ນຄົງ ພ້ອມກັນປົກປັກຮັກສາ, ຄຸ້ມຄອງ, ອະນຸລັກ ແລະ ນຳໃຊ້ຊັບພະຍາກອນນ້ຳໃນລຸ່ມແມ່ນ້ຳຂອງ ໃຫ້ມີຄວາມຫຼາກຫຼາຍຊະນິດພັນ, ມີຈຳນວນປະຊາກອນສັດນ້ຳເພີ່ມຂຶ້ນ ແລະ ນ້ຳໃຊ້ແບບຍືນຍົງຕະຫຼອດໄຢ.

 

 

>>>facebook.com/LNT.DONRE/ພຊສ ແຂວງຫຼວງນ້ຳທາ

LAST_UPDATED2
 
ພິທີຮັບສະມາຊິກພັກສຳຮອງ ຂອງໜ່ວຍຮາກຖານພັກ ພຊສ ແຂວງຫຼວງນ້ຳທາ PDF ພິມ ອີເມລ
ຂຽນໂດຍ ສົມມີ ພົມປັນຍາ   
ມື້ອັງຄານທີ່ 30 ຕຸລາ 2018 ເວລາ 11: 35

ຕອນແລງ ຂອງວັນທີ 29/10/2018 ເວລາ 13:30ໂມງ, ໜ່ວຍຄະນະພັກຮາກຖານ ພະແນກຊັບພະຍາກອນທຳມະຊາດ ແລະສິ່ງແວດລ້ອມ (ພຊສ) ແຂວງ ຫຼວງນ້ຳທາ ໄດ້ຈັດພິທິຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ຈຳນວນ 10 ສະຫາຍ, ຍິງ 6 ສະຫາຍ ຈາກ 4 ໜ່ວຍພັກທີ່ຂຶ້ນກັບໜ່ວຍພັກຮາກຖານ ພະແນກຊັບພະຍາກອນທຳມະຊາດ ແລະສິ່ງແວດລ້ອມ.

LAST_UPDATED2
ອ່ານເພິ່ມເຕິມ...
 
ກອງປະຊຸມປະເມີນການຈັດຕັ້ງປະຕິບັດຂໍ້ແຂ່ງຂັນ3ດີຮອບທີ IX ແລະ ກອງປະຊຸມໃຫຍ່ຄັ້ງທີ III ຂອງ ສພຍ. ພຊສ PDF ພິມ ອີເມລ
ຂຽນໂດຍ ສົມມີ ພົມປັນຍາ   
ມື້ຈັນທີ່ 22 ຕຸລາ 2018 ເວລາ 15: 42

ກອງປະຊຸມປະເມີນການຈັດຕັ້ງປະຕິບັດຂໍ້ແຂ່ງຂັນ 3 ດີ ຮອບທີ IX ແລະ ກອງປະຊຸມໃຫຍ່ຄັ້ງທີ III ຂອງຮາກຖານສະຫະພັນແມ່ຍິງ ພຊສ ແຂວງຫຼວງນ້ຳທາ.

ໃນຕອນເຊົ້າເວລາ 8:00 ໂມງ ຂອງວັນທີ 19 ຕຸລາ 2018 ໄດ້ເປີດກອງປະຊຸມ ສະຫຼຸບປະເມີນການຈັດຕັ້ງປະຕິບັດຂໍ້ແຂ່ງຂັນ 3 ດີ ຮອບທີ IX ແລະ ກອງປະຊຸມໃຫຍ່ຕັ້ງທີ III ຂອງຮາກຖານສະຫະພັນແມ່ຍິງພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫຼວງນ້ຳທາ, ໂດຍເປັນປະທານຂອງທ່ານ ນາງ ພວງພອນ ເລື່ອງຄຳມາ ປະທານສະຫະພັນແມ່ຍິງຮາກຖານສະຫະພັນແມ່ຍິງພະແນກຊັບພະ ຍາກອນທຳມະຊາດ ແລະ ສິ່ງແວດລ້ອມ, ເປັນກຽດເຂົ້າຮ່ວມໂດຍ:

- ທ່ານ ຮສ ປອ ຄຳເຫຼັກ ໄຊດາລາ ກຳມະການພັກແຂວງ, ເລຂາຄະນະພັກຮາກຖານ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ,

- ຕາງໜ້າສະຫະພັນແມ່ຍິງຈາກ 3 ພະແນກການອ້ອມຂ້າງແຂວງ, ຕາງໜ້າອົງການຈັດຕັ້ງມະຫາຊົນ ພ້ອມດ້ວຍສະມາຊິກສະຫະພັນແມ່ຍິງ ຈາກພະແນກຊັບພະຍາ ກອນທຳມະຊາດ ແລະ ສິ່ງແວດລ້ອມ ເຊິ່ງມີຜູ້ເຂົ້າຮ່ວມທັງໝົດ 34 ທ່ານ, ຍິງ 32 ທ່ານ.

ກອງປະຊຸມໄດ້ຜ່ານບົດສະຫຼຸບ ແລະ ທິດທາງແຜນການເຄື່ອນໄຫວວຽກງານຂໍ້ແຂ່ງຂັນ 3 ດີ, ຕາງຫນ້າຄອບຄົວຕົວແບບ 3 ດີ ຂຶ້ນຜ່ານບົດເກັບກ່ຽວຜົນງານ ແລະ ຜ່ານຂໍ້ຕົກລົງວ່າດ້ວຍການມອບໃບຍ້ອງຍໍ, ໃບຢັ້ງຢືນ ແລະ ໄດ້ຜ່ານບົດສະຫຼຸບ 3 ປີ ແລະ ທິດທາງແຜນການ 5 ປີຕໍ່ໜ້າຂອງຮາກຖາາສະຫະພັນແມ່ຍິງພະແນກຊັບພະ ຍາກອນທຳມະຊາດ ແລະ ສິ່ງແວດລ້ອມ ໃນໂອກາດດຽວກັນນັ້ນ ບັນດາຜູ້ແທນເຂົ້າຮ່ວມກອງປະຊຸມກໍ່ໄດ້ປະກອບຄຳຄິດເຫັນຕໍ່ບົດສະຫຼຸບໃຫ້ມີຄວາມຖືກຕ້ອງຂຶ້ນ ຢ່າງກົງໄປກົງມາເປັນຂະບວນຟົດຟື້ນ.

ກອງປະຊຸມໄດ້ດຳເນີນປ່ອນບັດເລື່ອກຕັ້ງ ເອົາຄະນະບໍລິລິຫານງານສະຫະພັນແມ່ຍິງຮາກຖານ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ຊຸດໃໝ່

- ກອງປະຊຸມປະຖົມມະລຶກ ໄດ້ຕົກລົງເຫັນດີຄັດເລືອກເອົາ ຈຳນວນ 5 ສະຫາຍ ເຊິ່ງມີລາຍຊື່ດັ່ງນີ້:

1. ທ່ານ ນາງ ນິລັນດອນ ແສງມະນີວອນ ເປັນປະທານສະຫະພັນແມ່ຍິງຮາກຖານ,

2. ທ່ານ ນາງ ສອນນາລີ ມີພີມພະຈັນ ເປັນຮອງປະທານສະຫະພັນແມ່ຍິງຮາກຖານ,

3. ທ່ານ ນາງ ສາຄອນ ວິພົນພູໄທ ເປັນຄະນະ,

4. ທ່ານ ນາງ ນຸດຕາ ມາປັນຍາ ເປັນຄະນະ,

ທ່ານ ນາງ ອາລຸນນີ ໜ້າສຸກັນ ເປັນຄະນະ.

ກອງປະຊຸມທີ່ມີຄວາມໝາຍຄັ້ງນີ້ ຍັງໄດ້ຮັບຟັງການໂອ້ລົມ ຈາກ ທ່ານ ນາງ ຄຳແພງ ຫຼວງລືໄຊ ກຳມະການພັກແຂວງ ຄະນະບໍລິຫານງານສະຫະພັນແມ່ຍິງລາວ ປະທານສະຫະພັນແມ່ຍິງແຂວງຫຼວງນ້ຳທາ ເຊິງເປັນເຂັມທິດເຍືອງທາງອັນລ້ຳຄ່າ ໃຫ້ສະຫະພັນແມ່ຍິງ ໃນການສ້າງຂະບວນການປະຕິບັດຂໍ້ແຂ່ງຂັນ 3 ດີໃນຕໍ່ໜ້າໃຫ້ມີຂະບວນຟົດຟື້ນ, ມີໝາກຜົນດີກວ່າເກົ່າ ແລະ ຊຸກຍູ້ໃຫ້ຄະນະບໍລິຫານງານສະຫະພັນແມ່ນຍິງຮາກຖານຊຸດໃໝ່ ສືບຕໍ່ປະຕິບັດໜ້າທີ່ີວຽກງານທີ່ໄດ້ມອບໝາຍໃຫ້ສຳເລັດເປັນກ່າວໆ.

ກອງປະຊຸມໄດ້ປິດລົງໃນວັນດຽວກັນຢ່າງຈົບງາມ.

 

ຂ່າວ/ພາບ: ນາງ ສຸດຖະໝອມ ຈຸລະມະນີ

LAST_UPDATED2
 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 ຕໍ່ໄປ > ສຸດທ້າຍ >>

Page 1 of 8