Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້14
mod_vvisit_counterມື້ວານ17
mod_vvisit_counterອາທິດນີ້31
mod_vvisit_counterອາທິດແລ້ວນີ້102
mod_vvisit_counterເດືອນນີ້346
mod_vvisit_counterເດືອນແລ້ວນີ້491
mod_vvisit_counterລວມທັງຫມົດ91303

Online (20 minutes ago): 1
Your IP: 23.20.25.122
,
Today: ກ. ກ. 23, 2018

Who's Online

ເຮົາມີ 1 ບຸກຄົນທົ່ວໄປ ອອນໄລນ
ມະຕິກອງປະຊຸມໃຫຍ່ຄັ້ງທີ່ II ຂອງກຳມະບານຮາກຖານພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ PDF ພິມ ອີເມລ
ຂຽນໂດຍ ອໍລະນີ ສີສົມສຸກ   
ມື້ສຸກທີ່ 16 ມີນາ 2018 ເວລາ 11: 31

ໃນທ່າມກາງບັນຍາກາດແຫ່ງຄວາມເບີກບານມ່ວນຊື່ນ, ຟົດຟື້ນເຕັມໄປດ້ວຍຄວາມໝາຍຄວາມສຳຄັນ ແລະ ໜັກແໜ້ນ ຂອງກອງ ປະຊຸມໃຫຍ່ຄັ້ງທີ່ II ຂອງກຳມະບານຮາກຖານ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ໄດ້ໄຂຂຶ້ນຢ່າງເປັນທາງ ການ ໃນເວລາ 1:30 ໂມງ ຂອງວັນທີ່ 07 ມີນາ 2018 ກອງປະຊຸມໄດ້ດຳເນີນໄປເປັນເວລາເຄິ່ງວັນ ທີ່ຫ້ອງປະຊຸມຂອງຫ້ອງການປົກຄອງ ແຂວງຄຳມ່ວນ, ມີຜູ້ແທນສົມບູນ 119 ສະຫາຍ,ຍິງ 49 ສະຫາຍ,ພ້ອມດ້ວຍບັນດາທ່ານຕາງໜ້າອົງການຈັດຕັ້ງມະຫາຊົນ ແລະ ແຂກທີ່ຖືກເຊີນກໍ່ເປັນກຽດເຂົ້າຮ່ວມກອງປະຊຸມໃຫຍ່ ໄດ້ມີຄວາມເປັນເອກະພາບ ແລະ ໄດ້ຮັບຜົນສຳເລັດໃນໜ້າວຽກຕ່າງໆ.

ກອງປະຊຸມໃຫຍ່ຖືເປັນກຽດຄຳນັບຮັບຕ້ອນທ່ານ ໂຕເຊິນ ອຸດທັດສີ ປະທານສະຫະພັນກຳມະບານແຂວງ, ທ່ານ ສີໄຄ ຄຳສະຫວັດ ເລຂາຄະາະພັກຮາກຖານພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ແລະ ທ່ານ ສິນນະສອນ ແສງຈັນທະວົງ ກຳມະການຄະນະພັກຮາກຖານ ທີ່ໄດ້ເຂົ້າຮ່ວມກອງປະຊຸມໃນຄັ້ງນີ້. ທ່ານ ໂຕເຊິນ ອຸດທັດສີ ປະທານສະຫະພັນກຳມະບານແຂວງ ໄດ້ມີຄຳເຫັນຕໍ່ກອງປະຊຸມໃຫຍ່ເຊິ່ງໄດ້ເປັນເຂັມທິດເຍືອງທາງອັນສຳຄັນໃຫ້ບັນດາສະຫາຍສະມາຊິກກຳມະບານໃນການສືບຕໍ່ປະຕິບັດແນວທາງປ່ຽນແປງໃໝ່ຮອບດ້ານມີຫຼັກການຂອງພັກ,ກໍ່ຄືມະຕິກອງປະຊຸມໃຫຍ່ຄັ້ງທີ່ II ຂອງກຳມະບານຮາກຖານໃຫ້ປະກົດຜົນເປັນຈິງ.

ເພື່ອຮັບປະກັນການນຳພາໃນ 3 ປີຕໍ່ໜ້າ,ກອງປະຊຸມໃຫຍ່ໄດ້ຄັດເລືອກເອົາຄະນະກຳມະບານສະໄໝທີ່ II ຈຳນວນ 7 ສະຫາຍ,ແບ່ງຄວາມຮັບຜິດຊອບໃນຄະນະໂດຍອີງໃສ່ຄວາມຮູ້,ຄວາມສາມາດ,ວິໃສທັດຂອງແຕ່ລະສະຫາຍ,ເປັນບ່ອນອີງໃນການຈັດແບ່ງວຽກງານເຊິ່ງມີລາຍລະອຽດດັ່ງນີ້:

  1. ສະຫາຍ ສຸກຂະຖາ ວັນນະລາດ  ເປັນປະທານກຳມະບານຮາກຖານ
  2. ສະຫາຍ ແກ້ວບຸນຂວັນ ໄຊຍະວົງສາ  ເປັນຮອງປະທານ,ປະທານກວດກາ-ຕິດຕາມ
  3. ສະຫາຍ ນ. ເທບສຸດາ ບຸນຊະນະ ເປັນຮອງປະທານ,ຮັບຜິດຊອບສະຖິຕິ-ເສດຖະກິດການເງິນ
  4. ສະຫາຍ ເດດສັກດາ ຊົມພູສີ  ເປັນກຳມະການ
  5. ສະຫາຍ ເຂັມເພັດ ເທບພະກັນ  ເປັນກຳມະການ
  6. ສະຫາຍ ປະລິນຍາ ອິນທະວົງ  ເປັນກຳມະການ
  7. ສະຫາຍ ບຸນເພັງ ໄຊນະສິນ  ເປັນກຳມະການ

ກອງປະຊຸມດັ່ງກ່າວໄດ້ເປີດບັ້ນແຂ່ງຂັນ 5 ເປັນເຈົ້າເຊິ່ງໄດ້ຈັບມືແຂ່ງຂັນກັນໃນ 8 ຂະແໜງການເຊິ່ງໄດ້ວາງຄາດໝາຍສູ້ຊົນຕາມທິດທາງເປົ້າໝາຍຂອງກົມກອງຂອງຕົນຂຶ້ນກັບວາງອອກ ແລະ ໄດ້ຍ້ອງຍໍຊົມເຊີຍກຳມະບານທີ່ມີຜົນງານດີເດັ່ນໃນໄລຍະ 3 ປີຜ່ານມາ,ເຊິ່ງມີແຕ່ລະປະເພດດັ່ງນີ້:

  1. ກຳມະບານດີເດັັ່ນປະເພດ 1 ມີຈຳນວນ 52 ສະຫາຍ, ຍິງ 16 ສະຫາຍ
  2. ກຳມະບານດີເດັ່ນປະເພດ 2 ມີຈຳນວນ 58 ສະຫາຍ, ຍິງ 24 ສະຫາຍ
  3. ບຸກຄົນດີເດັ່ນທີ່ໄດ້ຮັບການຢັ້ງຢືນສະມາຊິກກຳມະບານ 5 ເປັນເຈົ້າມີຈຳນວນ 27 ສະຫາຍ,ຍິງ 15 ສະຫາຍ

ກອງປະຊຸມໄດ້ຮຽກຮ້ອງມາຍັງສະມາຊິກກຳມະບານ,ພະນັກງານ,ກຳມະກອນ ທຸກໆພາກສ່ວນຈົ່ງໄດ້ປະກອບສ່ວນເຮື່ອແຮງສະຕິປັນຍາ ເພື່ອສຳເລັດພາລະກິດປະຕິວັດກໍ່ຄືຜົນສຳເລັດຂອງກອງປະຊຸມຄັ້ງນີ້ ແລະ ພ້ອມກັນຂະຫຍາຍມູນເຊື້ອຮັກຊາດ,ຮັກຄວາມເປັນເອກະລາດ,ຄວາມສົມບູນພູນສຸກຂອງພະນັກງານ,ກຳມະກອນກໍ່ຄືປະຊາຊົນບັນດາເຜົ່າ ກອງປະຊຸມໄດ້ດຳເນີນໄປພາຍໃຕ້ບັນຍາກາດອັນດີຕັ້ງແຕ່ຕົ້ນຈົນຈົບ ແລະ ໄດ້ປິດລົງໃນເວລາ 5:30 ໂມງ.

LAST_UPDATED2