ກອງປະຊຸມສະຫຼຸບການເຄື່ອນໄຫວວຽກງານປະຈໍາປີ 2015-2016 ແລະ ທິດທາງແຜນການປີ 2017 ຂອງໜ່ວຍຊາວໜຸ່ມ ກົມຄຸ້ມຄອງທີ່ດິນ

 

ກອງປະຊຸມ ໄດ້ຜ່ານ ແລະ ຮັບຮອງ ເອົາບົດສະຫຼຸບຕີລາຄາ ການເຄື່ອນໄຫວ ນຳພາການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງໜ່ວຍ ຊາວໜຸ່ມ ໃນສົກປີ 2015-2016  ແລະ ທິດທາງແຜນການສົກປີ 2016-2017, ເຊິ່ງບົດສະຫຼຸບ ດັ່ງກ່າວໄດ້ສະຫຼຸບຕີລາຄາ ແລະ ສ່ອງແສງເຖິງການເຄື່ອນໄຫວວຽກງານ ໃນແຕ່ລະດ້ານ ຂອງ ໜ່ວຍຊາວໜຸ່ມ ກົມຄຸ້ມຄອງທີ່ດິນ ໃນໄລຍະ ຜ່ານມາ ພ້ອມທັງຍົກໃຫ້ເຫັນ ດ້ານດີ, ດ້ານອ່ອນ ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ພ້ອມກັນນັ້ນ ກໍຍັງໄດ້ວາງທິດທາງ ແລະ ແຜນການ ໃນຕໍ່ໜ້າ.

 

ຫຼັງຈາກນັ້ນ ສະຫາຍ ລັດດາພອນ ສີສະອາດ ຄະນະບໍລິຫານງານ ຊາວໜຸ່ມ  ກຊສ ກໍ່ໄດ້ໃຫ້ຄຳໂອ້ລົມ ແລະ ເນັ້ນເຖິງບັນຫາວຽກງານ 4 ບຸກ ເຊັ່ນ: ບຸກທາງດ້ານແນວຄິດ,ບຸກທາງດ້ານວຽກງານຝຶກຝົນຫຼໍ່ຫຼອມຮ່ຳຮຽນ, ວຽກງານການຈັດຕັ້ງ ແລະ ບຸກທະລຸທາງດ້ານເສດຖະກິດ ຫຼັງຈາກສຳເລັດ ກອງປະຊຸມແລ້ວ ໜ່ວຍຊາວໜຸ່ມ ກົມຄຸ້ມຄອງທີ່ດິນ ກໍໄດ້ມີການຈັດພາເຂົ້າສາມັກຄີ ພ້ອມດ້ວຍ ແຂ່ງຂັນ ກິລາ ເປຕັງ ພາຍໃນ ເພື່ອຊີງຂັນລາງວັນຈາກ ເລຂາໜ່ວຍພັກກົມຄຸ້ມຄອງທີ່ດິນອີກດ້ວຍ.