ຊປປລ ກຊສ ຈັດການແຂ່ງຂັນກິລາບານເຕະ ຊິງຂັນ ເລຂາຄະນະພັກ ກຊສ

 

 ທ່ານ ປອ. ໄຊນະຄອນ ອິນທະວົງ  ຄະນະພັກປະຈຳ ກຊສ, ເລຂາຄະນະບໍລິຫານງານ ຊາວໜຸ່ມ ປະຊາຊົນປະຕິວັດລາວ ກຊສ, ພ້ອມດ້ວຍຄະນະນຳ ກຊສ ແລະ ແຂກທີ່ຖືກເຊີນ, ມີບັນດາຄະໜ່ວຍຊາວໜຸ່ມຂອງ ກົມ, ກອງ, ສູນ ແລະ ສະຖາບັນ ພາຍໃນ ກຊສ ເຂົ້າຮ່ວມ,

ໃນພິທີ ສະຫາຍ ປອ. ໄຊນະຄອນ ອິນທະວົງ  ຄະນະພັກປະຈຳ ກຊສ, ເລຂາຄະນະບໍລິຫານງານ ຊາວໜຸ່ມ ປະຊາຊົນປະຕິວັດລາວ ກຊສ, ໄດ້ໃຫ້ຮູ້ວ່າ ການແຂ່ງຂັນກິລາໃນຄັ້ງນີ້ກໍ່ເພື່ອ ຊົມເຊີຍ ວັນຊາດ ວັນທີ 02 ທັນວາ ຄົບຮອບ 41 ປີ ແລະ ວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 61 ປີ ທີ່ໄດ້ໝູນວຽນມາເຖີງ ໃຫ້ເປັນຂະບວນການຢ່າງກ້ວາງຂວາງ ພ້ອມກັນນັ້ນກໍ່ທັງເປັນການຮັດ    ແໜ້ນຄວາມສາມັກຄີໄມຕີຈິດ ມິດຕະພາບ, ຄວາມຮັກແພງເຂົ້າອົກເຂົ້າໃຈເຊິ່ງກັນ ແລະ ກັນ ຂອງບັນດາຄະນະນຳ ແລະ ສະມາຊິກຊາວໜຸ່ມທົ່ວກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ.

ເຊັ່ນ ການແຂ່ງຂັນໃນຄັ້ງນີ້ ກໍ່ມີບັນດາຊາວໜຸ່ມອ້ອມຂ້າງ 14 ທີມ ແລະ ທີມ ຍິງມີ 4  ທີມມາຈາກແຕ່ລະກົມ, ກອງ ແລະ ຜົນຂອງການແຂ່ງຂັນ ປະກົດວ່າທີມ ຊະນະເລີດທີມຊາຍໄດ້ແກ່ ທີມຊາວໜຸ່ມຈາກກົມ ຄຸ້ມຄອງຊັບພະຍາກອນນ້ຳ, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 1 000 000ກິບ,

ອັນດັບທີ 2 ໄດ້ແກ່ ທີມຊາວໜຸ່ມຈາກກົມ ຄຸ້ມຄອງທີ່ດິນ, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 800 000 ກິບ,

ອັນດັບທີ 3 ໄດ້ແກ່ ທີມຊາວໜຸ່ມຈາກ ສະຖາບັນ,           ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 600 000 ກິບ, ແລະ ລາງວັນທີ 4 ໄດ້ແກ່ ທີມຊາວໜຸ່ມຈາກກົມ ຈັດສັນ ແລະ ພັດທະນາທີ່ດິນ,        ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 400 000 ກິບ,

ສ່ວນປະເພດບານເຕະທີມຍິງ ໄດ້ສະນະເລີດ ໄດ້ແກ່ ທີມຊາວໜຸ່ມຈາກກົມ ຄຸ້ມຄອງທີ່ດິນ, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 1 000 000 ກິບ, 

ອັນດັບທີ 2 ໄດ້ແກ່ ທີມຊາວໜຸ່ມຈາກກົມ ສົ່ງເສີມຄຸນນະພາບສິ່ງແວດລ້ອມ, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 800 000 ກິບ,

ອັນດັບທີ 3 ໄດ້ແກ່ ທີມຊາວໜຸ່ມຈາກກົມ ແຜນການ ແລະ ການຮ່ວມມື,           ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 600 000 ກິບ, ແລະ ລາງວັນທີ 4 ໄດ້ແກ່ ທີມຊາວໜຸ່ມຈາກກົມ ຄຸ້ມຄອງຊັບພະຍາກອນນ້ຳ, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 400 000 ກິບ,

        ໂດຍການໃຫ້ກຽດມອບຂັນລາງວັນໂດຍທ່ານທ່ານ ສົມມາດ ພົລເສນາ ເລຂາຄະນະພັກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ