ກອງປະຊຸມສະຫຼຸບວຽກງານຊາວໜຸ່ມ ປະຈຳປີ 2015-2016

 

 

 

 

    ໃນວັນທີ 27 ກຸມພາ 2017, ຂອງໜ່ວຍຊາວໜຸ່ມ ກົມ ອຸຕຸນິຍົມ ແລະ ອຸທົກກະສາດ ໄດ້ຈັດກອງປະຊຸມສະຫຼຸບວຽກງານປະຈຳປີ 2015-2016 ຂື້ນຢ່າງເປັນທາງການ ທີ່ຫ້ອງປະຊຸມ ກົມ ອຸຕຸນິຍົມ ແລະ ອຸທົກກະສາດ ໃນທ່າມກາງບັນຍາກາດ ທີ່ທົ່ວພັກທົ່ວປວງຊົນລາວທັງຊາດ ພວມຈັດຕັ້ງຜັນຂະຫຍາຍ ມະຕິ X ຂອງພັກ ປະຊາຊົນປະຕິວັດລາວ ເປັນຕົ້າແມ່ນ ວຽກງານຊາວໜຸ່ມ ແມ່ນພວມຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VII ຂອງຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ, ພວມອອກແຮງແຂ່ງຂັນເພື່ອຄຳນັບຮັບຕ້ອນວັນສຳຄັນຂອງຊາດ.

     ໜ່ວຍຊາວໜຸ່ມ ກົມ ອຸຕຸນິຍົມ ແລະ ອຸທົກກະສາດ ມີສະມາຊິກທັງໝົດ 47 ສະຫາຍ, ຍິງ 24 ສະຫາຍ. ລະດັບວິຊາສະເພາະ  ຊັ້ນປະລິນຍາຕີ 21 ສະຫາຍ, ຍິງ 12 ສະຫາຍ, ຊັ້ນສູງ 23 ສະຫາຍ, ຍິງ 13 ສະຫາຍ ແລະ ຊັ້ນກາງ 3 ສະຫາຍ, ຍິງ 2 ສະຫາຍ.

     ໃຫ້ກຽດເປັນປະທານໂດຍ ສະຫາຍ ຂັນມະນີ ຂຸນພົນ ຄະນະພັກກະຊວງ ກຊສ, ເລຂາໜ່ວຍພັກ, ຫົວໜ້າ ກົມ ອຸຕຸນິຍົມ ແລະ ອຸທົກກະສາດ, ສະຫາຍ ລັດດາພອນ ສີສະອາດ ຄະນະຊາວໜຸ່ມກະຊວງ  ກຊສ, ທັງເປັນຜູ້ຊີ້ນຳວຽກງານ 4 ບຸກຂອງ ກຊສ, ຜູ້ຕາງໜ້າຈາກໜ່ວຍ ກຳມະບານ, ແມ່ຍິງຂອງກົມ ພ້ອມດ້ວຍ ສະມາຊິກ ພາຍໃນ ກົມ ອຸຕຸນິຍົມ ແລະ ອຸທົກກະສາດ ແລະ ແຂກທີ່ຖຶກເຊີນ ເຂົ້າຮ່ວມ.

ກອງປະຊຸມໄດ້ ຜ່ານ ແລະ ຮັບຮອງເອົາບົດສະຫຼຸບຕີລາຄາການເຄື່ອນໄຫວນຳພາການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງໜ່ວຍຊາວໜຸ່ມ ກົມ ອຸຕຸນິຍົມ ແລະ ອຸທົກກະສາດ ໃນສົກປີ 2015-2016  ແລະ ທິດທາງແຜນການສົກປີ 2016-2017, ເຊິ່ງບົດສະຫຼຸບ ດັ່ງກ່າວໄດ້ສະຫຼຸບຕີລາຄາ ແລະ ສ່ອງແສງເຖິງການເຄື່ອນໄຫວວຽກງານ ໃນແຕ່ລະດ້ານຂອງໜ່ວຍຊາວໜຸ່ມ ກົມ ອຸຕຸນິຍົມ ແລະ ອຸທົກກະສາດ ໃນໄລຍະ ຜ່ານມາ ພ້ອມທັງຍົກໃຫ້ເຫັນ ດ້ານດີ, ດ້ານອ່ອນ ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ພ້ອມກັນນັ້ນ ກໍຍັງໄດ້ວາງທິດທາງ ແລະ ແຜນການ ໃນຕໍ່ໜ້າ, ຈາກນັ້ນ ສະຫາຍ ລັດດາພອນ ສີສະອາດ ຄະນະຊາວໜຸ່ມກະຊວງ  ກຊສ ກໍ່ໄດ້ເນັ້ນເຖິງບັນຫາວຽກງານ 4 ບຸກ, ເຊັ່ນ:  ບຸກທາງດ້ານແນວຄິດ, ບຸກທາງດ້ານວຽກງານຝຶກຝົນຫຼໍ່ຫຼອມຮ່ຳຮຽນ, ວຽກງານການຈັດຕັ້ງ ແລະ ບຸກທະລຸທາງດ້ານເສດຖະກິດ, ຫຼັງຈາກນັ້ນກໍ່ໄດ້ຮັບຄຳໂອ້ລົມ ແລະ ທິດເຍືອງທາງ ສະຫາຍ ຂັນມະນີ ຂຸນພົນ ຄະນະພັກກະຊວງ ກຊສ, ເລຂາໜ່ວຍພັກ, ຫົວໜ້າ ກົມ ອຸຕຸນິຍົມ ແລະ ອຸທົກກະສາດ ນຳອິກ.       

ຄະນະບໍລິຫານງານ ຊປປລ, ກຊສ ຊຸດທີI