Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້33
mod_vvisit_counterມື້ວານ29
mod_vvisit_counterອາທິດນີ້96
mod_vvisit_counterອາທິດແລ້ວນີ້118
mod_vvisit_counterເດືອນນີ້384
mod_vvisit_counterເດືອນແລ້ວນີ້663
mod_vvisit_counterລວມທັງຫມົດ82546

Online (20 minutes ago): 1
Your IP: 54.166.203.17
,
Today: ກ. ຍ. 18, 2018

Who's Online

ເຮົາມີ 2 ບຸກຄົນທົ່ວໄປ ອອນໄລນ
ແຂວງບໍລິຄໍາໄຊ ເອົາໃຈໃສ່ໃນການຄຸ້ມຄອງປ່າໄມ້ ກັບການຈັດຕັ້ງປະຕິບັດ ໂຄງການຄຸ້ມຄອງປ່າປ້ອງກັນແຫ່ງຊາດ ນໍ້າມ່ວນ-ນໍ້າຍ້ວງ PDF ພິມ ອີເມລ
ຂຽນໂດຍ Mr bounlome Jhounlamountee   
ມື້ເສົາທີ່ 08 ກຸມພາ 2014 ເວລາ 20: 30

 

ພິທີເຊັນສັນຍາໃຫ້ທຶນໂຄງການຄຸ້ມຄອງປ່າປ້ອງກັນແຫ່ງຊາດ ນໍ້າມ່ວນ-ນໍ້າຍ້ວງ ທີ່ ແຂວງບໍລິຄໍາໄຊ

ປ່າ​ປ້ອງ​ກັນ​ແຫ່ງ​ຊາດ ​ນໍ້າ​ມ່ວນ-ນໍ້າ​ຍ້ວງ ​ແມ່ນ​ເຂດພື້ນທີ່ປ່າ​ໄມ້​​ໜຶ່ງທີ່​ ​ລັດຖະບານ​ ສາທາລະນະລັດ ປະຊາທິປະໄຕ ປະຊາຊົນລາວ ໄດ້​ໃຫ້​ຄວາມ​ສໍາຄັນ​ແລະ​ເອົາ​ໃຈ​ໃສ່​ຢ່າງ​ຕັ້ງໜ້າ​ໃນ​ການ​ຄຸ້ມ​ຄອງ ແລະ ປົກ​ປັກ​ຮັກສາຊັບພະຍາກອນປ່າໄມ້, ຊີວະນາໆ ພັນ ໃຫ້ມີຄວາມອຸດົມສົມບູນ ແລະ ຮັກສາແຫລ່ງນໍ້າ ເພື່ອຕອບສະໜອງນໍ້າໃຫ້ແກ່ການຜະລິດກະສິກໍາ ແລະ ການຜະລິດພະລັງງານກະແສໄຟຟ້າ ຊຶ່ງໃນເຂດພື້ນທີ່ດັ່ງກ່າວນີ້ມີຫລາຍສາຍນໍ້າທີ່ເປັນສາຂາສໍາຄັນຂອງ ສາຍນໍ້າມ່ວນ, ສາຍນໍ້າຍ້ວງ ແລະ ສາຍນໍ້າເທີນ-ນໍ້າກະດິງ  ຊຶ່ງໃນປະຈຸບັນ ລັດຖະບານ​ ສາທາລະນະລັດ ປະຊາທິປະໄຕ ປະຊາຊົນລາວ​ ໄດ້ກໍານົດ​ເອົາເຂດພື້ນທີ່ດັ່ງກ່າວ ສະເໜີຕໍ່ ສະພາ​ແຫ່ງ​ຊາດ (ໃບສະເໜີ​ເລກທີ 5497/ກຊສ, ລົງ​ວັນ​ທີ 16 ສິງຫາ 2012) ​​ເພື່ອສ້າງຕັ້ງ​ເປັນ ​ປ່າ​ປ້ອງ​ກັນ​ແຫ່ງ​ຊາດ. ປ່າປ້ອງກັນແຫ່ງຊາດ ນໍ້າມ່ວນ-ນໍ້າຍ້ວງ ມີເນື້ອທີ່​ທັງໝົດ 524,409 ​ເຮັກຕາ ກວມ​ເອົາປະມານ 100 ໝູ່ບ້ານ; 3 ​ເມືອງ ຄື: ເມືອງໄຊຈໍາພອນ, ເມືອງຄໍາເກີດ ​ແລະ ເມືອງວຽງທອງ ແຂວງບໍລິຄໍາໄຊ.​​

 

 

 

ຍ້ອນເຫັນໄດ້ຄວາມສໍາຄັນດັ່ງກ່າວ, ແຂວງບໍລິຄໍາໄຊ ໄດ້ຖືເອົາ ປ່າປ້ອງກັນແຫ່ງຊາດ ນໍ້າມ່ວນ-ນໍ້າຍ້ວງ ເປັນພື້ນທີ່ປ່າໄມ້ບູລິມະສິດຂອງແຂວງ ຊຶ່ງທຸກພາກສ່ວນຈະຕ້ອງໄດ້ມີສ່ວນຮ່ວມໃນການຄຸ້ມຄອງ ແລະ ປົກປັກຮັກສາປ່າໄມ້ ແລະ ຊີວະນາໆ ພັນ ໃນເຂດນີ້. ຈຶ່ງໄດ້ສ້າງໂຄງການຂຶ້ນມາເພື່ອຄຸ້ມຄອງປ່າປ້ອງກັນແຫ່ງຊາດ ດັ່ງກ່າວນີ້ ເອີ້ນວ່າ: ໂຄງການຄຸ້ມຄອງປ່າປ້ອງກັນແຫ່ງຊາດ ນໍ້າມ່ວນ-ນໍ້າຍ້ວງໃນປະຈຸບັນໂຄງການດັ່ງກ່າວ ໄດ້ຮັບການສະນັບສະໜຸນທຶນປະກອບສ່ວນ ຈໍານວນ 1,9 ຕື້ກີບ ຈາກ ​ບໍລິສັດ ​ເທີນ-​ຫີນ​ບູນ ພາວເວີ ຈໍາກັດ (NTPC) ໃຫ້ແກ່ກອງທຶນປົກປັກຮັກສາສິ່ງແວດລ້ອມ ແລະ ສັງຄົມ ໃນການປົກປັກຮັກສາສິ່ງແວດລ້ອມ ແລະ ສັງຄົມ ຕາມ​ສັນຍາ​ສໍາ​ປະທານ ໂຄງການກໍ່ສ້າງເຂື່ອນໄຟຟ້າ ເທີນ-ຫີນບູນ ພາກຂະຫຍາຍ (NG8) ຊຶ່ງເປັນພື້ນທີ່ສ່ວນໜຶ່ງ ປະມານ 50.000 ກວ່າເຮັກຕາ ຫລືເທົ່າກັບ 10 % ຂອງ ພື້ນທີ່ປ່າປ້ອງກັນແຫ່ງຊາດ ນໍ້າມ່ວນ-ນໍ້າຍ້ວງ ເອີ້ນວ່າ : ເຂດຄຸ້ມຄອງອ່າງໂຕ່ງ ນໍ້າຍ້ວງ ຕອນໃຕ້ (NGs), ​ໄລຍະ​ເວລາໃນການຈັດຕັ້ງປະຕິບັດໂຄງການ ປະ​ມານ 2,5 ປີ (ນັບ​ແຕ່ມື້​ເຊັນ​ສັນຍາ​ໃນ​ວັນ​ທີ 21/6/2013 ຮອດວັນ​ທີ 31/12/2015) ໄລຍະເບື້ອງຕົ້ນ ຈໍານວນ 9 ໝູ່ບ້ານ; 3 ເມືອງ ຄື :

-       ເມືອງຄໍາເກີດ : ບ້ານຫລັກ 5, ບ້ານຫາງນາ, ບ້ານນາເຮືອງ;

-       ເມືອງໄຊຈໍາພອນ : ບ້ານນໍ້າອ້ອນ, ບ້ານວັງບານ, ບ້ານໂພນຄຳ; ແລະ

-       ເມືອງວຽງທອງ : ບ້ານຜາບໍ່, ບ້ານນາຕັນ ແລະ ບ້ານນາຍາງ.

ໂດຍແມ່ນ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງບໍລິຄໍາໄຊ ເປັນ​ອົງ​ການໃນການ​ຈັດ​ຕັ້ງ​ປະ​ຕິ​ບັດໂຄງການ ຕາມລະບົບສາມສ້າງ. ໂຄງ​ການ​ດັ່ງ​ກ່າວແນ​ໃສ່​ການ​ວາງ​ແຜນຄຸ້ມຄອງໃນ​ໄລ​ຍະ​ຍາວ ດ້ວຍຮູບແບບການມີສ່ວນຮ່ວມ​ຂອງປະຊາຊົນ​ຊົນ ​ໃນ​ການ​ອະ​ນຸ​ລັກ​ຊັບພະຍາກອນປ່າໄມ້ທຳ​ມະ​ຊາດ ຕິດພັນກັບ​ການ​ພັດ​ທະ​ນາ​ຊີ​ວິດ​ການ​ເປັນ​ຢູ່ຂອງປະຊາຊົນ ໄປພ້ອມໆກັນ ຊຶ່ງກິດຈະກໍາຫລັກຂອງໂຄງການ ປະກອບດ້ວຍ 4 ​ກິດ​ຈະ​ກຳ​ ເຊັ່ນ:

  1. ກິດຈະກໍາສົ່ງເສີມປູກຈິດສໍານຶກໃນດ້ານການອະນຸລັກຊັບພະຍາກອນປ່າໄມ້ທໍາມະຊາດໃຫ້ແກ່ຊຸມຊົນ ແລະ ເຍົາວະຊົນ.
  2. ກິດຈະກໍາວາງແຜນການນໍາໃຊ້ທີ່ດິນກະສິກໍາ ແລະ ກໍານົດເຂດຟື້ນຟູປ່າໄມ້
  3. ກິດຈະກໍາພັດທະນາ ແລະ ປັບປຸງຊີວິດການເປັນຢູ່ຂອງຊຸມຊົນ
  4. ກິດຈະກໍາສົ່ງເສີມກອງທຶນບ້ານ

ການຈັດຕັ້ງປະຕິບັດໂຄງການໄລຍະ 6 ເດືອນ ຜ່ານມາແມ່ນຍັງຢູ່ໃນຂັ້ນຕອນຂອງການວາງແຜນນຳໃຊ້ທີ່ດິນຮ່ວມກັບບ້ານແລະກໍານົດເຂດຟື້ນຟູປ່າໄມ້ບ່ອນທີ່ຖືກທໍາລາຍຜ່ານມາຢູ່ໃນເຂດຄຸ້ມຄອງຂອງແຕ່ລະບ້ານ ໃນບ້ານເປົ້າ ໝາຍໂຄງການ 9 ບ້ານ, ສໍາເລັດແລ້ວ 6 ບ້ານ ຄື: ບ້ານຜາບໍ່, ບ້ານນາຕັນ, ບ້ານນາຍາງ ເມືອງວຽງທອງ; ບ້ານຫລັກ 5, ບ້ານຫາງນາ, ບ້ານນາເຮືອງ ເມືອງຄຳເກີດ ແລະກໍາລັງກະກຽມດໍາເນີນກິດຈະກໍາດັ່ງກ່າວນີ້ ຢູ່ ເມືອງໄຊຈຳພອນ ຈໍານວນ 3 ບ້ານ ຄາດວ່າຈະສໍາເລັດພາຍໃນ ເດືອນກຸມພາ 2014 ນີ້.

ວຽກງານພັດທະນາບ້ານ ຢູ່ໃນຂັ້ນຕອນການເກັບກໍາຂໍ້ມູນເພື່ອວາງແຜນພັດທະນາບ້ານແບບມີສ່ວນຮ່ວມຂອງປະຊາຊົນ ຊຶ່ງສາມາດດໍາເນີນໄປແລະສໍາເລັດແລ້ວ 1 ບ້ານ ຂອງເມືອງວຽງທອງ ຄາດວ່າຈະໃຫ້ສໍາເລັດພາຍໃນ ເດືອນເມສາ 2014 ນີ້.

LAST_UPDATED2