EnglishLao(ລາວ)

Emsp Tools

Data Catalogue

Temperature in Lao PDR

Login Form



Statistics

Members : 23
Content : 211
Web Links : 6
Content View Hits : 349830

Who's Online

We have 6 guests online

Search

dsc01832.jpg

Facebook

Joomla Templates and Joomla Extensions by ZooTemplate.Com

jTweeter

Provincial Profile Xayabouli
Written by Amkha VAYAPHATH   
Thursday, 22 March 2012 13:36

ແຂວງ​ໄຊ​ຍະ​ບູລີ ຕັ້ງ​ຢູ່​ຝັ່ງ​ຂວາ​ແມ່ນ້ຳຂອງ ນອນ​ໃນ​ເສັ້ນ​ຂະໜານ 17o28’ ຫາ 19o56’​ເໜືອ ​ແລະ ​ເສັ້ນ​ແວງ 100o23’ ຫາ 101o55’ ຕາເວັນອອກ,  ຊາຍແດນຕິດຈອດກັບບັນດາແຂວງ ແລະ ປະເທດ ໃກ້ຄຽງດັ່ງນີ້: ທິດຕາເວັນອອກຕິດກັບ ແຂວງ ຫຼວງພະບາງ ແລະ ແຂວງວຽງຈັນ; ທິດ   ເໜືອຕິດກັບ ແຂວງ ບໍ່ແກ້ວ ແລະ ແຂວງ ອຸດົມໄຊ, ທິດໃຕ້ ແລະ ທິດ ຕາເວັນຕົກຕິດກັບ 6 ແຂວງຂອງຣາຊະອານາຈັກໄທ ມີເສັນຊາຍແດນ 645 ກິໂລ ແມັດ  ( ໃນນັ້ນ ເປັນດິນຕໍ່ແຜ່ນ 517 ກິໂລແມັດ ແລະ ຕາມສາຍນ້ຳ ເຫືອງ 128 ກິໂລ ແມັດ )

​​ເນື້ອ​ທີ່ ທັງ​ໝົດ ຂອງ​ແຂວງ​ມີ 16.389 ກິ​ໂລ​ຕາ​ແມັດ, ລັກສະນະ​ພູມ​ສັນຖານ ສາມສ່ວນສີ່ (¾) ​ຂອງ​ເນື້ອ​ທີ່ ​ເປັນ​ພູ​ສູງ ​ແລະ ຄ່ອຍ​ຕໍ່າລົງ ​ແຕ່​ທິດຕາ​ເວັນ​ຕົກ​ຫາ​ທິດຕາ​ເວັນ​ອອກ ​ແລະ ​ແຕ່​ເໜືອ​ລົງ​ຫາ​ໃຕ້, ຄວາມ​ສູງ​ສະ​ເລ່ຍປະມານ 655 ແມັດຈາກ​ລະດັບ​ໜ້າ​ນ້ຳ​ທະ​ເລ​ປານ​ກາງ, ຈອມ​ພູ​ສູງ​ສຸດ 2.105 ແມັດ ຢູ່​ທາງ​ທິດຕາ​ເວັນ​ຕົກ​ຂອງ​ເມືອງ​ໄຊ​ຍະ​ບູລີ, ຕໍ່າ​ສຸດ 193 ແມັດ ຢູ່​ເທດສະບານ​ເມືອງ ​ແກ່ນ​ທ້າວ, ສະພາບ​ພື້ນ​ທີ່​ຂອງ ​ແຂວງ ​ແບ່ງ​ອອກ​ເປັນ 3 ລັກ​ຊະນະ​ຕົ້ນຕໍ​ເຊັ່ນ: ພື້ນ​ທີ່​ພູ​ສູງ​ຊັນ​ຫຼາຍ, ພູ​ສູງ​ປານ​ກາງ - ສູງ, ​ໂນນ​ພູ​ຕໍ່າ​ສະ​ລັບ​ລ້ອງ​ຮ່ອມ​ພູ​ແຄບ ​ແລະ ​ເຂດ​ທົ່ງພຽງ, ປະກອບ​ມີ ສີ່ ທົ່ງພຽງໃຫ່ຍ ແລະ ໜຶ່ງທົ່ງພຽງນ້ອຍ ຄື: ທົ່ງພຽງ​ເມືອງ​ພຽງ, ທົ່ງພຽງເມືອງໄຊ​ຍະ​ບູລີ, ທົ່ງພຽງ​ເມືອງຫົງ​ສາ; ທົ່ງພຽງ ​ເມືອງ​ຊຽງ​ຮ່ອນ ແລະ ເມືອງທົ່ງມີໄຊ; ບັນດາ ທົ່ງພຽງ​ຕ່າງໆ ທັງ​ໝົດເລົ່ານັ້ນ ສາມາດ​ບຸກ​ເບິ​ກເປັນ​ເນື້ອ​ທີ່​ການ​ຜະລິດ​ກະສິກຳໄດ້ ປະມານ 124.143 ​ເຮັກຕາ ​ເທົ່າ​ກັບ ປະມານ 7,57% ຂອງ​ເນື້ອທີ່​ທັງ​ໝົດ (​ໃນ​ນັ້ນ​ໄດ້​ບຸກ​ເບິ​ກ​ ແລະ ສາມາດດຳເນີນການຜະລິດກະສິກຳ ເຊັ່ນເຮັດນາ, ໄຮ່, ປູກພືດ ແລ້ວ 106.300 ​ເຮັກຕາ), ​​ເນື້ອ​ທີ່ປ່າ​ໄມ້​ ປະມານ 53% ​ແລະ ຍັງ​ມີ​ຄວາມ​ອຸດົມສົມບູນ ​ໄປ​ດ້ວຍຊັບພະຍາກອນ ​ແຫຼ່ງນ້ຳ, ທຳ​ມະ​ຊາດ ​ແລະ ຊີວະ​ນາໆ​ພັນ.

ດ້ານການປົກຄອງ

ທົ່ວ​ແຂວງ ປະກອບ​ມີ 11 ​ເມືອງ ( ສ້າງ​ຕັ້ງ​ໃໝ່ 1 ​ເມືອງ ປີ 2009 ​ເມືອງ ​ໄຊຊະ​ຖານ ), ມີ 448 ບ້ານ,67.010 ຄອບຄົວ, ປະຊາກອນ​ທັງ​ໝົດ 360.195 ຄົນ, ຍິງ 178.301ຄົນ, ຄວາມ​ໜາ​   ແໜ້ນ​ສະ​ເລ່ຍ 22 ​ຄົນ​ຕໍ່​ກິ​ໂລ​ຕາ​ແມັດ, ປະກອບ​ດ້ວຍ 8 ຊົນ​ເຜົ່າ​ຄື: ​ເຜົ່າ​ລາວ​ກວມ​ເອົາ 61,18%, ​ເຜົ່າ​​ກືມມຸ​ເອົາ 10,26%, ເຜົ່າ​ລື້​ກວມ​ເອົາ 8,07%, ເຜົ່າ​ມົ້ງ​ກວມ​ເອົາ 7,92%, ເຜົ່າ​​ໄປຼ່​ກວມ​ເອົາ 6,31%, ເຜົ່າ​ຍວນ​ກວມ​ເອົາ 4,23%, ເຜົ່າ​ອິວມຽນ​ກວມ​ເອົາ.​​0,90%, ເຜົ່າ​ຜູ່​ໄຕ​ກວມ​ເອົາ 0,35%,  ນອກ​ນັ້ນ​ຍັງ​ມີ​ຊົນ​ເຜົ່າ​ສ່ວນ​ນ້ອຍ ​ແລະ ຕ່າງ​ດ້າວ ອາ​ໃສ​ປົນ ຢູ່​ກັບ​ບັນດາ​ເຜົ່າມີ 0,78%; ການ​ດຳລົງ​ຊີ​ວິດຂອງ​ປະຊາຊົນ: 89 ບ້ານ ຢູ່​ໃນ​ຕົວ​ເມືອງ ​ກວມ​ເອົາ 19,86% ຂອງ​ຈຳນວນ​ບ້ານ​ໃນ​ທົ່ວ​ແຂວງ, 255 ບ້ານ ຢູ່​ເຂດ​ທົ່ງພຽງ(ຊານ​ເມືອງ) ກວມ​ເອົາ 56,91% ຂອງ​ຈຳນວນ​ບ້ານ, 104 ບ້ານ ຢູ່​ເຂດ​ຊົນນະບົດ​ຫ່າງ​ໄກ​ສອກຫຼີກ ກວມ​ເອົາ 23,21%ຂອງ​ຈຳນວນ​ບ້ານ​ທົ່ວ​​ແຂວງ (1)

ການປະກອບອາຊີບ: ເປັນແຂວງໜື່ງທີ່ມີພື້ນຖານການຜະລິດ ທາງດ້ານກະສິກຳ ແລະ ປ່າໄມ້ ປະຊາຊກອນ​ສ່ວນ​ໃຫຍ່ ປະກອບ​ອາຊີບ ​ເປັນ​ຊາວ​ກະສິກອນ

 

ດ້ານເສດຖະກິດ

ໂຄງ​ປະກອບພື້ນຖານ​ເສດຖະກິດ ຂອງ ​ແຂວງ ຍັງ​ແມ່ນ​ຂະ​ແໜງ​ການ​ກະສິກຳ ​ແລະ​ ປ່າ​ໄມ້ກວມ​ອັດຕາ​ມສ່ວນ​ສູງ, ອຸດສາຫະກຳ​ໄດ້​ຄ່ອຍໆມີ​ການ​ພັດທະນາ, ການ​ບໍລິການ ກໍ່​ເລີ່​ມມີ​ໜໍ່​ແໜ່ງຂື້ນ, ການ​ພັດທະນາ ​ໄດ້ອີງ​ຕາມ​ ທ່າ​ແຮງ​ ທາງ​ດ້ານ​ທຳ​ມະ​ຊາດ​ ​ແລະ ວັດທະນາ​ທຳ ​ແຕ່ລະ​ເຂດ ພາຍ​ໃນ​ແຂວງ, ຄວາມສາມາດລົງທຶນ ທັງພາກ ລັດ-ເອກະຊົນ ( ອັດ ຕາສ່ວນການລົງ ທຶນໄດ້ເພີ່ມຂື້ນແຕ່ລະປີ ) ​ໃນອັດຕາການເຕິບໂຕທາງດ້ານເສດຖະ ກິດຂອງແຂວງ ໄດ້ຂະຫຍາຍຕົວ ຢ່າງຕໍ່ເນື່ອງ, ​ ສະເລ່ຍໃນ 5 ປີ ຜ່ານມາ ( 2006-2010 ) 8,5% ຕໍ່ປີ, ໃນສົກ​ປີ 2009-2010 ​ໃນ​ລະດັບ 8,5%, ລວມຍອດຜະລິດຕະພັນ ພາຍ​ໃນ ບັນລຸໄດ້ 3.237 ຕື້ກີບ, ສະ​ເລ່ຍລາຍ​ໄດ້ ຕໍ່​ຄົນ 1.057 ​US$ ໃນນັ້ນ: ຂະແໜງກະສິກຳ ​ແລະ ປ່າ​ໄມ້ກວມ 40%, ຂະແໜງອຸດສາຫະກຳ​ກວມ​ 31​%, ຂະ​ແໜງ​ ບໍລິການກວມ 28% .

 

Joomla Templates and Joomla Extensions by ZooTemplate.Com
Last Updated on Thursday, 06 June 2013 15:22