EnglishLao

ຟອມເຂົ້າສູ່ລະບົບ



ຄົ້ນຫາ

ສະຖິຕິຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຈຳນວນຜູ້ເຂົ້າຊົມ ວັນນີ້45
mod_vvisit_counterຈຳນວນຜູ້ເຂົ້າຊົມ ມື້ວານ76
mod_vvisit_counterຈຳນວນຜູ້ເຂົ້າຊົມ ສັບປະດານີ້121
mod_vvisit_counterຈຳນວນຜູ້ເຂົ້າຊົມ ສັບປະດານີ້ຜ່ານມາ647
mod_vvisit_counterຈຳນວນຜູ້ເຂົ້າຊົມ ທັງໝົດເດືອນນີ້1312
mod_vvisit_counterຈຳນວນຜູ້ເຂົ້າຊົມ ທັງໝົດເດືອນຜ່ານມາ1714
mod_vvisit_counterລວມທັງຫມົດ90746

Online (20 minutes ago): 2
Your IP: 54.225.26.44
,
Today: ຕ. ລ. 15, 2018
ສັງລວມຜົນງານລວມໝູ່ ຂອງ ກົມແຜນການ ແລະ ການຮ່ວມມື 5 ປີ (2011-2015) ແລະ 1 ປີ 2017 PDF ພິມ ອີເມລ
ຂຽນໂດຍ ພຸດທະວັນ ວິໄລສານ   
ມື້ຈັນທີ່ 23 ເມສາ 2018 ເວລາ 08: 13


alt

ສັງລວມຜົນງານລວມໝູ່ ຂອງ ກົມແຜນການ ແລະ ການຮ່ວມມື 5 ປີ (2011-2015) ແລະ 1 ປີ 2017

  1. I. ປະຫວັດຫຍໍ້

-    ຊື່ ກົມແຜນການ ແລະ ການຮ່ວມມື ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ;

-    ວັນເດືອນປີສ້າງຕັ້ງ 15 ພຶດສະພາ 2012;

-    ສະຖານທີ່ຕັ້ງປະຈຸບັນ ບ້ານໜອງບຶກ ເມືອງສີໂຄດຕະບອງ ແຂວງນະຄອນຫຼວງວຽງຈັນ.

II. ຜົນງານການເຄື່ອນໄຫວປະຕິບັດໜ້າທີ່ວຽກງານຂອງກົມ

1. ດ້ານການເມືອງ-ແນວຄິດ

ໜ່ວຍພັກຂອງພວກເຮົາ ໄດ້ສ້າງແນວຄິດລິເລີ່ມໃນການເສີມສ້າງຂະຫຍາຍຄວາມສາມັກຄີ, ສົ່ງເສີມຄວາມເປັນເອກະພາບພາຍໃນ ແລະ ການກໍ່ສ້າງພະນັກງານ ແລະ ມະຫາຊົນທີ່ຢູ່ພາຍໃຕ້ການຊີ້ນໍາຂອງ ໜ່ວຍພັກຕົນ. ໜ່ວຍພັກພວກເຮົາໄດ້ສ້າງໂຄງການເຊິ່ງເອີ້ນວ່າ ໂຄງການວັດທະນະທໍາ ກຜຮ ຂຶ້ນ ໃນຕົ້ນປີ 2013 ​ເຊິ່ງປະກອບ​ດ້ວຍ​ຫຼາຍ​ກິດຈະການ​ທີ່​ສໍາຄັນ ​ເປັນ​ຕົ້ນ​ແມ່ນ ການ​ໃສ່​ເສື້ອສີຂາວຢ່າງ​ເປັນ​ເອ​ກະ​ພາບ​ກັນ​ໃນ​ວັນ​ຈັນທຸກໆ​ອາ​ທິດ, ຈັດ​ຕັ້ງ​ການ​ສິດສອນ​ພາສາ​ອັງກິດ​ໃຫ້​ພະນັກງານ​ພາຍ​ໃນ​ກົມ 4 ວັນ​ຕໍ່​ອາທິດ, ການ​ນໍາ​ສະ​ເໜີ​ແລກປ່ຽນຄວາມ​ຮູ້​ທາງ​ດ້ານ​ວິຊາ​ການທີ່​ພະ​ນັກ​ງານ​ໄປ​ປະ​ຊຸມ ຫລື ໄປ ຝຶກ​ອົບ​ຮົມ​ມາ​ຈາກ​ຕ່າງ​ປະ​ເທດ ​ທຸກໆອາທິດ ​ແລະ ການຮ່ວມກິນ​ເຂົ້າ​ສາມັກຄີ​ທົ່ວ 2 ຄັ້ງ ຕໍ່ 1 ​​ເດືອນ.

alt

2. ດ້ານການຈັດຕັ້ງ

ຍ້ອນເຫັນໄດ້ຄວາມສໍາຄັນຂອງວຽກງານອົງການຈັດຕັ້ງມະຫາຊົນ, ໜ່ວຍພັກຈຶ່ງໄດ້ຕົກລົງມອບໝາຍໃຫ້ສະມາຊິກພັກ 1 ສະຫາຍ ເປັນຜູ້ຊີ້ນໍາຂະບວນການຂອງມະຫາຊົນ ໂດຍສະເພາະຂະບວນແຂ່ງຂັນກິລາປະເພດຕ່າງໆ. ນອກນີ້, ໜ່ວຍພັກຍັງໄດ້ເອົາໃຈໃສ່ຊີ້ນໍາ, ຊຸກຍູ້ ແລະ ສ້າງເງື່ອນໄຂ ໃຫ້ອົງການມະຫາຊົນຂອງພັກ ໄດ້ເຄື່ອນໄຫວຕາມພາລະບົດບາດຂອງຕົນ, ສໍາເລັດໜ້າທີ່ວິຊາສະເພາະທີ່ການຈັດຕັ້ງມອບໝາຍ, ຕັ້ງໜ້າປະຕິບັດແຜນການ ຂອງໜ່ວຍພັກວາງອອກ ​ແລະ ​​ຍັງ​ປະກອບ​ສ່ວນວຽກ​ງານ​ສັງຄົມ ​ແລະ ​ການ​ປຸກລະດົມ​ຮິບ​ໂຮມ​ວັດຖຸ​ປັດ​ໃຈ​ຈໍານວນ​ໜຶ່ງ​ໄປ​ຊ່ວຍ​ເຫຼືອ​ຜູ້​ປະສົບໄພ​ນໍ້າ​ຖ້ວມ ​ແລະ ປະຊາຊົນ​ຜູ້​ດ້ອຍ​ໂອກາດ​ທຸກ​ຍາກ ລວມ​ທັງ​ການ​ປະ​ກອບ​ສ່ວນ​ຊ່ວຍ​ເຫລືອ​ສັງ​ຄົມ​ດ້ວຍ​ການ​ຮ່ວມ​ບໍ​ລິ​ຈາກ​ເລືອດ​ທຸກໆ​ປີ ແລະ ກໍ່​ເປັນ​ກົມ ຫລື ໜ່ວຍ​ພັກ ທີ່​ມີ​ຜູ້​ບໍ​ລິ​ຈາກ​ເລືອດ​ຫລາຍກວ່າ​ຫມູ່ (ໂດຍ​ສະ​ເພາະຖ້າ​ທຽບ​ໃສ່​ສັດ​ສ່ວນ​ຂອງ​ຈຳ​ນວນ​ສະ​ມາ​ຊິກ ແລະ ພະ​ນັກ​ງານ). 3 ອົງການ​ຈັດ​ຕັ້ງມະຫາຊົນ ຍັງ​ໄດ້​ເອົາ​ໃຈ​ໃສ່​ການ​ເຄື່ອນ​ໄຫວ​ຂະ​ບວນການປິ່ນ​ອ້ອມ ​ເປັນ​ຕົ້ນ​ ແມ່ນການ​ອອກ​ແຮງງານ, ກິລາກາຍະກຳ, ສິນລະປະ, ການປ້ອງກັນຄວາມສະຫົງບ ແລະ ອື່ນໆ. ທັງ​ໝົດ​ນີ້​ໄດ້​ປະກອບ​ສ່ວນ​ໂດຍ​ກົງ ​ໃນ​ການຈັດ​ຕັ້ງ​ປະຕິບັດ ບັ້ນ​ຂະ​ບວນການ​ແຂ່ງຂັນ “ຮັກ​ຊາດ ​ແລະ ພັດທະນາ”, ຂະ​ບວນການ​ກໍ່ສ້າງ​ໜ່ວຍ​ພັກ​​ເຂັ້ມແຂງ-ຮູ້​ນໍາພາ​ຮອບດ້ານ.

  1. ດ້ານວຽກງານປ້ອງກັນຊາດ-ປ້ອງກັນຄວາມສະຫງົບ

ໜ່ວຍ​ພັກ​ພວກ​ເຮົາ​ກໍ່​ໄດ້​ແຕ່ງຕັ້ງຫົວ​ໜ້າຄະ​ນະ​ຮັບ​ຜິດ​ຊອບດ້ານວຽກງານປ້ອງກັນຊາດ-ປ້ອງກັນຄວາມສະຫງົບເບິ່ງວຽກ​ດັ່ງ​ກ່າວ​ນີ້ ຢ່າງ​ເປັນ​ປັກ​ກະ​ຕິ ແລະ ທັງ ການ​ສ່ອງ​ແສງ ຮ່ວມ​ຊີ​ວິດ​ການ​ເມືອງ​ໃນ​ໜ່ວຍ​ພັກ ກໍ່​ໄດ້​ເນັ້ນ​ໜັກ ສ່ອງ​ແສງ​ບັນ​ຫາ​ນີ້ ຢ່າງ​ເປັນ​ປະ​ຈຳ. ຄະ​ນະ​ໜ່ວຍ​ພັກ ໄດ້​ເຜີຍ​ແຜ່ ແລກ​ປ່ຽນ​ຂໍ້​ມູນ​ຂ່າວ​ສານ ສະ​ພາບ​ການ​ໂລກ, ສະ​ພາບ​ການ​ພາຍ​ໃນ ແລະ ສະ​ຕິ​ຄວາມ​ເ​ປັນ​ເຈົ້າ​ການ ໃນ​ບັນ​ຫາ ປ້ອງ​ກັນ​ຊາດ-ປ້ອງ​ກັນ​ຄວາມ​ສະ​ຫງົບ ແລະ ວຽກ​ປ້ອງ​ກັນ​ພາຍ​ໃນ​ໄປ​ພ້ອມໆ​ກັນ.

4. ດ້ານເສດຖະກິດ ແລະ ວັດທະນະທໍາ-ສັງຄົມ

  • ດ້ານເສດຖະກິດ ແກ້ໄຂຊີວິດການເປັນຢູ່

ໜ່ວຍພັກ ກຜຮ ເປັນໜ່ວຍພັກທີ່ສັງກັດໃນລະບົບກົງຈັກລັດບໍລິຫານວິຊາການ, ຊຶ່ງເຄື່ອນໄຫວວຽກງານຕາມພາລະບົດບາດ, ໜ້າທີ່ ແລະ ສິດຂອງຕົນ ຊຸກຍູ້ໃຫ້ສະມາຊິກພັກ, ພະນັກງານ ສ້າງເສດຖະກິດຄອບຄົວທີ່ບໍ່ຂັດກັບລະບຽບຂອງພັກ ແລະ ກົດໝາຍຂອງລັດ. ການແກ້ໄຂຊີວິດການເປັນຢູ່ຂອງພະນັກງານ-ລັດຖະກອນພາຍໃນ ກຜຮ ນັ້ນ  ນອກຈາກເງິນເດືອນທີ່ໄດ້ຮັບໃນແຕ່ລະເດືອນແລ້ວ ພະນັກງານ-ລັດຖະກອນຍັງໄດ້ຮັບເງິນນະໂຍບາຍຕ່າງໆ ຕາມ​ຄວາມ​ເຫມາະ​ສົມ ຈາກ​ຄັງ ຂອງ​ອົງ​ການ​ຈັດ​ຕັ້ງ​ມະ​ຫາ​ຊົນ ເຊັ່ນ: ເກີດ​ລູກ, ການ​ສ້າງ​ຄອບ​ຄົວ ແລະ ໄ​ປ​ຮ​່ຳ​ຮຽນ ເຊິ່ງ ເຮັດ​ໃຫ້​ພະ​ນັກ​ງານ-ລັດຖະກອນ ມີແນວຄິດອຸ່ນອ່ຽນທຸ່ນທ່ຽງໃນການປະຕິບັດໜ້າທີ່ວຽກງານໄດ້ດີສົມຄວນ. ນອກ​ນັ້ນ ໜ່ວຍ​ພັກ ກໍ່​ໄດ້​ສົ່ງ​ເສີມ​ແລກ​ປ່ຽນ ບົດ​ຮຽນ​ຂອງ​ພະ​ນັກ​ງານ ຜູ້​ທີ່​ມີ​ບົດ​ຮຽນ, ມີ ແນວ​ຄວາມ​ຄິດ ວິ​ທີ​ການ ຕົວ​ຈີງ ໃນ​ການ​ສ້າງ​ເສດ​ຖະ​ກິດ​ຄອບຄົວ ເຊັ່ນ: ເຮັດ​ກ​ະ​ສິ​ກຳ ແລະ ຄ້າ​ຂາຍ ສ້າງ​ລາຍ​ຮັບ ທີ່ຖືກຕ້ອງຕາມລະບຽບ-ກົດໝາຍ ນອກ​ໂມງ​ການ ຕື່ມ​ອີກ.

  • ດ້ານວັດທະນະທຳ-ສັງຄົມ

ໜ່ວຍ​ພັກ​ໄດ້​ເອົາ​ໃຈ​ໃສ່ ບັນ​ຫາ​ວຽກ​ງານ​ສັງ​ຄົມ-ວັດ​ທະ​ນາ​ທຳ ໃຫ້​ມີ​ຄວາມ​ສອດ​ຄ່ອງ ຈົບ​ງາມ ແລະ ຖືກ​ຕ້ອງ​ຕາມຮີດຄອງປະເພນີ ແລະ ວັດທະນະ. ສະມາຊິກ​ພັກ​ທຸກ​ສະຫາຍ​ເປັນ​ເຈົ້າ​ການ​ໃນ​ການ​ເຄົາລົບ ແລະ ​ປະຕິບັດ​ລະບຽບ​ກົດໝາຍ, ​ສົ່ງ​ເສີມ​ວັດທະນະທຳລາວ​, ຮີດຄອງ​ປະ​ເພນີອັນ​ດີ​ງາມ​ຂອງ​ຊາດ. ຜ່ານ​ມາ​ບໍ່​ມີ​ບັນຫາ​ຫຍໍ້​ທໍ້​ໃດໆ​ເກີດ​ຂຶ້ນຢູ່​ໃນ​ຖັນ​ແຖວ​ສະມາຊິກ​ພັກ ແລະ ​ຄອບຄົວ​ບັນດາ​ສະຫາຍສະມາຊິກ. ພ້ອມດຽວກັນນັ້ນຍັງໄດ້ຊີ້ນຳສະມາຊິກພັກ-ລັດຖະກອນໃຫ້ເອົາໃຈໃສ່ສົ່ງເສີມລູກຫຼານຂອງຕົນເຂົ້າໂຮງຮຽນ ຈົບສາຍສາມັນ, ມີວິຊາອາຊີບໃດໜຶ່ງ, ບໍ່ໃຫ້ສ້າງສິ່ງບໍ່ດີໃຫ້ເກີດຂຶ້ນ ເຊັ່ນ: ການຫຼີ້ນກິນຟູມເຟືອຍ, ພົວພັນສິ່ງເສບຕິດ ຫຼື ອື່ນໆທີ່ສົ່ງຜົນສະທ້ອນອັນບໍ່ດີຕໍ່ສັງຄົມກໍ່ຄືຮີດຄອງປະເພນີອັນດີງາມຂອງຊາດ.

5. ຕໍ່ກັບການເຄື່ອນໄຫວທີ່ຕໍ່ເນື່ອງ ແລະ ຫ້າວຫັນ ກົມກໍຄື ໜ່ວຍພັກພວກເຮົາມີຜົນງານ ດັ່ງນີ້:

alt

1)   ໄດ້ຮັບນາມມະຍົດເປັນໜ່ວຍພັກເຂັ້ມແຂງ-ຮູ້ນໍາພາຮອບດ້ານ ຈາກອົງຄະນະພັກ ກະຊວງຊັບພະຍາກອນ ທໍາມະຊາດ ແລະ ສິ່ງແວດລ້ອມ ສະບັບເລກທີ 490/ຄພ.ກຊສ, ລົງວັນທີ 13 ກໍລະກົດ 2015;

2)   ໄດ້ຮັບຫຼຽນໄຊແຮງງານ ຊັ້ນ I ສໍາລັບກົມ ທີ່ມີຜົນງານ, ຄຸນງາມຄວາມດີ ປະກອບສ່ວນເຫື່ອແຮງ, ສະຕິປັນຍາ ເຂົ້າໃນການປະຕິບັດໜ້າທີ່ວຽກງານ ວິຊາສະເພາະ ຕະຫຼອດໄລຍະ 5 ປີ (2011-2015) ສະບັບເລກທີ 101/ປປທ, ທະບຽນເລກທີ 154 ລົງວັນທີ 04 ເມສາ 2018;

3)   ໄດ້ຮັບໃບຍ້ອງຍໍ ຂອງ ລັດຖະມົນຕີ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ປະເພດ I ທີ່ມີຜົນງານດີເດັ່ນໃນການປະຕິບັດໜ້າທີວຽກງານ ປະຈໍາປີ 2017 ຕາມຂໍ້ຕົກລົງ ສະບັບເລກທີ 1535/ກຊສ, ລົງວັນທີ 11 ເມສາ 2018;

4)   ໄດ້ຮັບລາງວັນ ປະເພດໜຶ່ງ 3 ປີຊ້ອນ (2016, 2017 ແລະ 2018) ໃນການແຂ່ງຂັນ ຟ້ອນສິນລະປະແມ່ຍີິງ ຂອງກະຊວງ;

5)   ໄດ້ຮັບລາງວັນ ກິລາເຕະບານ ປະເພດ 3 ປີ 2016 ແລະ ປີ 2017.

ນະຄອນຫຼວງວຽງຈັນ, ວັນທີ 19 ເມສາ 2018