English (United Kingdom)Lao
ຂ່າວພາຍໃນ
ກອງປະຊຸມປຶກສາຫາລື ກ່ຽວກັບ ການກໍານົດກອບແນວຄວາມຄິດ ໃນການສ້າງ ຍຸດທະສາດ ວ່າດ້ວຍ ການຄວບຄຸມມົນລະພິດ ແຫ່ງຊາດ PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ຈັນທີ່ 07 ມີນາ 2016 ເວລາ 11: 12

ກອງປະຊຸມປຶກສາຫາລື ກ່ຽວກັບ ການກໍານົດກອບແນວຄວາມຄິດ ໃນການສ້າງ ຍຸດທະສາດ ວ່າດ້ວຍ ການຄວບຄຸມມົນລະພິດ ແຫ່ງຊາດ ເພື່ອເປັນການຜັນຂະຫຍາຍ ມະຕິກອງປະຊຸມໃຫ່ຍ ຄັ້ງທີ່ 10 ຂອງ ພັກ, ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ່ VII (2016-2020) ຕາມທິດ ການພັດທະນາສີຂຽວ ແລະ ຍືນຍົງ ຄ່ຽງຄູ່ກັບການປົກປັກຮັກສາສິ່ງແວດລ້ອມ ໃຫ້ມີຄວາມສົມດຸ່ນ ປັດສະຈາກ ມົນລະພິດ, ຍຸດທະສາດຂະແໜງການຊັບພະຍາກອນທຳມະຊາດ ແລະ ສິ່ງແວດລ້ອມ 2016-2020 ໃຫ້ ຂຽວ, ສະອາດ ແລະ ງາມຕາ. ເນື່ອງຈາກສະພາບໃນປະຈຸບັນ ການພັດທະນາເສດຖະກິດ-ສັງຄົມ ມີການຂະຫຍາຍຕົວຢ່າງໄວວາ ຊຶ່ງສ້າງຜົນກະທົບທາງດ້ານດີ ແລະ ດ້ານອ່ອນ ອັນເນື່ອງມາຈາກມີການຂຸດຄົ້ນ, ການທຳການຜະລິດ ແລະ ການນໍາໃຊ້ແຫຼ່ງຊັບພະຍາກອນທຳມະຊາດ ລວມທັງ ຂະບວນການຜະລິດຂອງໂຮງຈັກໂຮງງານຕ່າງໆ ທີ່ສົ່ງຜົນກະທົບ ທາງລົບຕໍ່ ອາກາດ, ດິນ, ນໍ້າ ແລະ ແລວພູມີທັດ.

LAST_UPDATED2
ອ່ານເພິ່ມເຕິມ...
 
ກອງປະຊຸມຄັ້ງທີ 11 ຂອງແຜນງານສິ່ງແວດລ້ອມໃນອາຊີ (WEPA) PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ຈັນທີ່ 01 ກຸມພາ 2016 ເວລາ 11: 04

ໃນວັນທີ 25 - 27 ມັງກອນ 2016 ກົມຄວບຄຸມມົນລະພິດ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ຮ່ວມກັບສູນຖ່າຍໂອນເຕັກໂນໂລຊີ ສຳລັບສິ່ງແວດ ລ້ອມສາກົນ,​ ກະຊວງ ສິ່ງແວດລ້ອມ ປະເທດຍີປຸ່ນ ໄດ້ຈັດກອງປະຊຸມຄັ້ງ 11 ຂອງແຜນງານ ສິ່ງແວດລ້ອມນ້ຳ (ການຄຸ້ມຄອງມົນລະພິດທາງນໍ້າ) ໃນອາຊີ (WEPA) ຂື້ນທີ່ໂຮງແຮມວັນຊະນະລິເວີໄຊ, ນະຄອນຫຼວງວຽງຈັນ. ກອງປະຊຸມໄດ້ດຳເນີນພາຍໃຕ້ການເປັນປະທານຮ່ວມ ຂອງທ່ານ ຄຳພັນ ນັນທະວົງ ຫົວໜ້າກົມຄວບຄຸມມົນລະພິດ,​ ກຊສ ແລະ ທ່ານ Eisuke Futamura ຫົວໜ້າພະແນກ ສິ່ງແວດລ້ອມນໍ້າ, ກົມສິ່ງແວດລ້ອມ ກະຊວງສິ່ງແວດ ລ້ອມປະເທດຍີປຸ່ນ ເຊີ່ງມີຜູ້ເຂົ້າຮ່ວມທີ່ມາຈາກ 13 ປະເທດສະມາຊິກ WEPA ແລະ ຂະແໜງການທີ່ກ່ຽວຂ້ອງຈາກ ສປປ ລາວເຂົ້າຮ່ວມ ຈຳນວຍທັງໝົດ 47 ທ່ານ.

LAST_UPDATED2
ອ່ານເພິ່ມເຕິມ...
 
ກອງປະຊຸມປຶກສາຫາລືແລກປ່ຽນບົດຮຽນການເຄື່ອນໄຫວກິດຈະກຳ ພາຍໃຕ້ແຜນງານຫຼັກດ້ານສິ່ງແວດລ້ອມໄລຍະ 2 PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ຈັນທີ່ 28 ທັນວາ 2015 ເວລາ 15: 27

ໃນ​ວັນ​ທີ 24 ທັນວາ 2015 ຢູ່​ທີ່ ​ເມືອງ​ວັງ​ວຽງ ​ແຂວງ​ວຽງ​ຈັນ, ກົມ​ຄວບ​ຄຸມ​ມົນ​ລະ​ພິດ​ ໃນ​ນາມ​ຈຸດ​ປະສານ​ງານ​ແຜນ​ງານຫຼັກ​ດ້ານ​ສິ່ງ​ແວດ​ລ້ອມ ​ໄລຍະ 2 ​ໄດ້​ຈັດ​ກອງ​ປະຊຸມ​ປຶກ​ສາ​ຫາລື​  ​ແລະ  ​ເພື່ອ​ເປັນ​ການ​ເຜີຍ​ແຜ່​ຜົນຂອງ​ການ​ເຂົ້າ​ຮ່ວມ​ກອງ​ປະຊຸມ​ວິຊາ​ການ ຄັ້ງ​ທີ 20 ຂອງ​ໜ່ວຍ​ປະຕິບັດ​ງານ​ດ້ານ​ສິ່ງ​ແວດ​ລ້ອມ (WGE), ວຽກ​ງານ​ແລວ​ພູມ​ມີ​ທັດ, ວຽກ​ງານ IPPS ​ແລະ ​ແຜນການ​ເຄື່ອນ​ໄຫວ​ກິດຈະກຳ​ຕ່າງໆ ພາຍ​ໃຕ້​ແຜນ​ງານ​ຫຼັກດ້ານ​ສິ່ງ​ແວດ​ລ້ອມ​ໄລຍະ 2 ຂອງ​ອະນຸ​ພາກ​ພື້ນ​ແມ່​ນ້ຳຂອງ, ​ໂດຍ​ການ​ເປັນ​ປະທານ ຂອງ ທ່ານ ​ເພັດ​ສະໝອນ ດາລາ​ລົມ ຮອງ​ຫົວໜ້າ ກົມ​ຄວບ​ຄຸມ​ມົນ​ລະ​ພິດ ​ແລະ ມີ​ຜູ້​ຕາງໜ້າ​ຈາກ​ກົມ​ກອງ, ສະ​ຖາ​ບັນ ທັງພາຍ​ໃນ ​ແລະ ກະຊວງທີ່ກ່ຽວຂ້ອງທີ່​ເປັນ​ຄະນະ​ທິມງານ​ສະໜັບສະໜູນ​ວິຊາ​ການ ​ເຊັ່ນ: ກົມ​ພັດທະນາ​ການທ່ອງທ່ຽວ ກະຊວງ ຖະ​ແຫຼ​ງຂ່າວ ວັດທະນະທຳ-ທ່ອງ​ທ່ຽວ, ກົມ​ຂົນ​ສົ່ງ ກະຊວງ​ໂຍທາ​ທີ່​ການ​ ​ແລະ ຂົນ​ສົ່ງ, ກົມ​ນະ​ໂຍພາບ ​ແລະ ​ວາງ​ແຜນ​ພະລັງງານ ກະຊວງ ພະລັງງານ ​ແລະ ບໍ່​ແຮ່, ຄະນະ​ວິ​ທະຍາ​ສາດ​ສິ່ງ​ແວດ​ລ້ອມ ມຊ, ກົມ​ປ່າ​ໄມ້ ກະຊວງ ກະສິກຳ ​ແລະ ປ່າ​ໄມ້, ສະຫະພັນ​ແມ່ຍິງ​ລາວ, ສະ​ຖາ​ບັນ​ຄົ້ນຄວ້າ​ວິ​ທະຍາ​ສາດ ກະຊວງ​ວິ​ທະຍາ​ສາດ ​ແລະ ​​ເຕັກ​ໂນ​ໂລ​ຊີ, ກົມ​ວາງ​ແຜນ ​ແລະ ພັດທະນາ​ທິ່ດິນ ກຊສ, ກົມ​ຄູ້​ມຄອງ​ໄພ​ພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ ກຊສ, ສູນ​ຂໍ້​ມູນ​ຂ່າວສານຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ກຊສ, ກົມ​ຄຸ້ມ​ຄອງ​ຊັບພະຍາກອນ​ປ່າ​ໄມ້ ກຊສ ​ແລະ ຜູ້ຕາງໜ້າ​ຈາກ ຄະນະ​ພັດທະນາ​ຊົນນະບົດ ​ແລະ ລົບລ້າງ​ຄວາມທຸກ​ຍາກ. ລວມທັງ​ໝົດ 35 ທ່ານ.

LAST_UPDATED2
 
PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ອັງຄານທີ່ 24 ພະຈິກ 2015 ເວລາ 14: 57

ເພື່ອ​ເປັນ​ການ​ສ້າງ​ຂະ​ບວນການຂ່ຳນັບ​ຮັບ​ຕ້ອນ 02 ​ວັນ​ສຳຄັນ​ປະຫວັດສາດ  ສປປ ລາວ ສະຖາປະນາ ຄົບຮອບ 40 ປີ ແລະ ວັນສ້າງຕັ້ງພັກປະຊາຊົນປະຕິວັດລາວຄົບຮອບ 60 ປີ  ທີ່​ຈະ​ມາ​ເຖິງ​ນີ້, ສາມ​ອົງການ​ຈັດ​ຕັ້ງ​ມະຫາຊົນ ຂອງ​ກົມ​ຄວບ​ຄຸມ​ມົນ​ລະ​ພິດ, ກຊສ ​ໄດ້​ອອກ​ແຮງ​ງານ​ ອານາ​ໄມຖາງ​ຫຍ້າຢູ່​ຕາມ​ຂອບ​​ເຂດບໍລິເວນກົມ​ຄວບ​ຄຸມ​ມົນ​ລະ​ພິດ ​ໃນ​ວັນ​ທີ 20 ພະຈິກ 2015, ​ເວລາ 14:00-16:00.

 

LAST_UPDATED2
 
PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ພຸດທີ່ 18 ກຸມພາ 2015 ເວລາ 13: 57

ກອງປະຊຸມຄະນະວິຊາການແຜນງານຕົວແບບຮ່ວມມື 3 ຝ່າຍ ຄັ້ງທີ 8 ທີ່ ແຂວງ ຫຼວງພະບາງ

ກອງປະຊຸມໄດ້ຈັດຂຶ້ນທີ່ ຫ້ອງປະຊຸມປະແນກກະສິກໍາ ແລະ ປ່າໄມ້ ແຂວງ ຫຼວງພະບາງ ໂດຍການເປັນປະທານຮ່ວມຂອງ ທ່ານ ເພັດສະໝອນ ດາຣາລົມ ຮັກສາການ ຫົວໜ້າກົມຄວບຄຸມມົນລະພິດ ແລະ ທ່ານ ຈັນທະວົງ  ຜົນນະຈິດ ຮອງຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງຫຼວງພະບາງ ມີຜູ້ເຂົ້າຮ່ວມຈາກ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ກະຊວງໂຍທາທິການ ແລະ ຂົນສົ່ງ, ກະຊວງສາທາລະນະສຸກ, ອົງການໄຈກາ, ຫ້ອງການ LPP ປະຈໍາລາວ ແລະ ພາກສ່ວນກ່ຽວຂ້ອງ ຈາກ ພະແນກຊັບພະຍາກອນທໍາມະຊາດ ແລະ ສິ່່ງແວດລ້ອມ, ອົງການ ພັດທະນາ ແລະ ບໍລິຫານຕົວເມືອງ, ພະແນກໂຍທາທິການ ແລະ ຂົນສົ່ງ ແລະ ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ ລວມເຖິງຕົວແທນຈາກບ້ານຕົວແບບ ລວມທັງໝົດ 77 ທ່ານ. ກອງປະຊຸມໄດ້ຮັບຟັງການລາຍງານການຈັດຕັ້ງປະຕິບັດວຽກງານໃນ 6 ເດືອນຜ່ານມາ ນັບແຕ່ເດືອນກັນຍາ 2014 - ເດືອນມັງກອນ 2015 ຂອງ 3 ເມືອງຕົວແບບຄື: ເມືອງຫຼວງພະບາງ, ເມືອງໄຊຍະບຸລີ ແລະ ນະຄອນຫຼວງວຽງຈັນ ແລະ ໄດ້ແລກປ່ຽນບົດຮຽນ ກ່ຽວກັບ ການຈັດຕັ້ງປະຕິບັດໃນໄລຍະຜ່ານມາ ພ້ອມກັບປຶກສາຫາລືກຳນົດແນວທາງແກ້ໄຂຂໍ້ຫຍຸ້ງຍາກ ເພື່ອໃຫ້ການຈັດຕັ້ງປະຕິບັດໂຄງການດັ່ງກ່າວປະສົບຜົນສໍາເລັດ ແລະ ສາມາດຜັນຂະຫຍາຍກິດຈະກໍາຂອງໂຄງ ການໄປຍັງເມືອງອື່ນໆ ຂອງ ສປປ ລາວ.

LAST_UPDATED2
 
<< ເລີ່ມຕົ້ນ < ຖອຍຫຼັງ 1 2 3 4 5 6 ຕໍ່ໄປ > ສຸດທ້າຍ >>

Page 1 of 6