English (United Kingdom)Lao
ຍິນດີຕ້ອນຮັບ ເຂົ້າສູ່ເວບໄຊ ຂອງ ກົມຄວບຄຸມມົນລະພິດ
PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ພຸດທີ່ 05 ມີນາ 2014 ເວລາ 10: 01

ການ​ວິ​ເຄາະ​ບັນຫາ​ມົນ​ລະ​ພິດ​ທາງ​ນ້ຳ​ທີ່​ເກີດ​ຈາກ​ການ​ດຳ​ເນີນ​ກິດຈະກຳ​ຕ່າງໆ

ໃນ​ລະຫວ່າງ​ວັນ​ທີ 14-15 ມັງກອນ 2014, ກົມ​ຄວບ​ຄຸມ​ມົນ​ລະ​ພິດ, ກຊສ ​ໄດ້​ຈັດຝຶກອົບຮົມພາກສະໜາມ ກ່ຽວກັບ ການວິເຄາະບັນຫາມົນລະພິດທາງນໍ້າ ໃນເຂດນໍ້າຕອນ, ເມືອງສັງທອງ,

ການຝຶກອົບຮົມພາກສະໜາມຄັ້ງນີ້ ຈັດຂື້ນພາຍໃຕ້ ແຜນງານຫຼັກດ້ານສິ່ງແວດລ້ອມ ໄລຍະ 2 ຂອງ ສູນປະຕິ ບັດງານດ້ານສິ່ງແວດລ້ອມ, ທະນາຄານພັດທະນາອາຊີ. ເຂົ້າຮ່ວມການຝຶກອົບຮົມດັ່ງກ່າວ ໂດຍມີ ທ່ານຫົວໜ້າ ກົມຄວບຄຸມມົນລະພິດ, ກຊສ, ທ່ານ ຮອງຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ພ້ອມທັງ ວິຊາການຈາກຂະແໜງສິ່ງແວດລ້ອມ ຂອງ ແຂວງຈຳປາສັກ, ເຊກອງ, ຄຳມ່ວນ,​ ສະຫັວນນະເຂດ, ວຽງຈັນ, ບໍລິຄຳໄຊ, ອັດຕະປື, ຜູ້ຕາງໜ້າຈາກບັນດາກົມກອງພາຍໃນ ກຊສ, ຫ້ອງການ ຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງສັງທອງ ແລະ ທ່ານ ດຣ. Edwin ONGLEY,​ ທີ່ປຶກສາ ຂອງ ສູນປະຕິບັດງານດ້ານ ສິ່ງແວດລ້ອມ, ທະນາຄານພັດທະນາອາຊີ (ເປັນຄູຝຶກ) ເຂົ້າຮ່ວມທັງໝົດຈຳນວນ 55 ທ່ານ.

LAST_UPDATED2
ອ່ານເພິ່ມເຕິມ...
 
PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ສຸກທີ່ 28 ກຸມພາ 2014 ເວລາ 09: 42

ການລົງຢ້ຽມຢາມ​ໂຮງງານຫຼອມ​ເຫຼັກ ຫຼັກ 67 ​ເມືອງ​ທ່າ​ພະ​ບາດ



ໃນ​ວັນ​ທີ 6 ກຸມພາ 2014 ກົມຄວບຄຸມມົນລະພິດ ຂອງກຊສ, ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມນະຄອນຫລວງ ຮ່ວມ​ກັບ ບໍລິສັດ ບຸນ​ນຳ ​ເກັບ​ຊື້​ເຫຼັກ​ເສດ ສ່ວນ​ບຸກຄົນ ​ໄດ້​ລົງ​ຢ້ຽມ​ຢາມ ​ໂຮງງານ​ຫຼອມ​ເຫຼັກ​ໄຊ​ຫຼົງ ທີ່​ບ້ານ​ນາ​ໄຊ, ຫຼັກ 67 ​ເມືອງ​ທ່າ​ພະ​ບາດ, ​ແຂວງ ບໍລິ​ຄຳ​ໄຊ ທີ່​ນຳ​ໃຊ້​ນ້ຳມັນ​ເຄື່ອງ​ເກົ່າ ​ແລະ ນ້ຳມັນກາ​ແລັດ​ດຳ ຄືນ​ໃໝ່ ​ເປັນ​ວັດຖຸ​ເຊື້ອ​ໄຟ​ປ້ອນ​ໂຮງງານ. ນອກ​ນັ້ນ ກໍ່​ໄດ້​ໄປ​ຢ້ຽມຢາມ ບໍລິສັດ Lao Intrac Gateway  ທີ່ ຫຼັກ 35, ​ເມືອງ​ໄຊ​ທານີ, ນະຄອນຫຼວງ​ວຽງ​ຈັນ ທີ່​ກັ່ນ​ນ້ຳມັນ​ເກົ່າ​ທຸກ​ປະ​ເພດ ມາ​ເປັນ​ນ້ຳມັນ​ຊີວະ​ພາບ ​ແລະ ​ເປັນ​ວັດຖຸ​ດິບ​ປ້ອນ​ໂຮງງານ​ອື່ນໆ.

ຜ່ານ ການ​ຢ້ຽມຢາມ​ຄັ້ງ​ນີ້ ກົມ​ຄວບ​ຄຸມ​ມົນ​ລະ​ພິດ​ມະ​ທັດ​ສະ​ນະ​ຄື:

-      ທັງ​ສອງ​ບໍລິສັດ​ດັ່ງກ່າວ ​ແມ່ນ​ໄດ້​ປະຕິບັດ​ຫຼັກການ 3Rs ຄື: ການ​ຫຼຸດຜ່ອນ, ການ​ນຳ​ໃຊ້​ຄືນ​ໃໝ່ ​ແລະ ຜະລິດ​ຄືນ​ໃໝ່ ສື່​ງ​ເສດ​ເຫຼືອ​ເປິ​ເປື້ອນ ດ້ວຍ​ການ​ລົງມື​ປະຕິບັດ​ຕົວ​ຈິງ ທີ່​ສົມຄວນ​ຕ້ອງ​ຊຸກຍູ້​ສົ່ງ​ເສີມ​ພວກ​ກ່ຽວ ​ໃນ​ການ​ສືບ​ຕໍ່​ດຳ​ເນີນ​ທຸລະ​ກິດ​ເຫຼົ່າ​ນີ້, ​ແຕ່​ເຖິງ​ຢ່າງ​ໃດ​ກໍ່ຕາມ ຍັງ​ມີ​ຫຼາຍ​ບັນຫາ​ມົນ​ລະ​ພິດ ທີ່​ຕ້ອງ​​ໄດ້​ຮ່ວມ​ກັນ​ແກ້​ໄຂ​ດັ່ງ​ລຸ່ມ​ນີ້:

  1. ບັນຫາ​ຄັວນດຳ​ຈຳນວນ​ຫຼວງ​ຫຼາຍ ທີ່​ເກີດ​ຂື້ນ​ໃນ​ເວລາ​ເຜົາ​ຫຼອມ​ເຫຼັກ;
  2. ອຸປະກອນ​ໃນ​ການ​ນຳ​ໃຊ້​ເຂົ້າ​ໃນະຂບວນການ​ຜະລິດ, ອຸປະກອນ​ປ້ອງ​ກັນາ​ຄວາມ​ປອດ​ໄພ​ຂອງ​ກຳມະກອນ ລວມທັງ​ເຄື່ອງນຸ່ງ​ຖື​ຍັງ​ເປັນ​ແບບ​ປະຖົມ​ປະ​ຖານ;
  3. ​ສິ່ງ​ເສດ​ເຫຼືອ​ຈາກ​ການ​ເຜົາ​ຍັງ​ບໍ່​ທັນ​ມີ​ລະບົບ​ການ​ເກັບ​ມ້ຽນ;
  4. ​ເຕັກ​ໂນ​ໂລຢີທີ່​ນຳ​ໃຊ້​ໃນ​ການ​ຈູດ ​ແລະ ການ​ກັ່ນ ນ້ຳມັນ​ເກົ່າ​ທຸກ​ປະ​ເພດ ຍັງ​ຫຼ້າ​ຫຼັງ​ບໍ່​ເໝາະ​ສົມ.

LAST_UPDATED2
ອ່ານເພິ່ມເຕິມ...
 
PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ພຸດທີ່ 11 ທັນວາ 2013 ເວລາ 09: 26

 

ກອງປະຊຸມປຶກສາຫາລືການຄ້າຊາຍແດນ ກ່ຽວກັບການຄວບຄຸມ ສານເຄມີທີ່ທຳລາຍຊັ້ນໂອໂຊນ

 

ກອງປະຊຸມດັ່ງກ່າວໄດ້ຈັດຂື້ນໃນວັນທີ 27-29 ພະຈິກ 2013 ທີ່ໂຮງແຮມລ້ານຊ້າງ, ນະຄອນຫຼວງວຽງຈັນ ໂດຍການເປັນປະທານຂອງ   ທ່ານ ອາດສະພັງທອງ ສີພັນດອນ, ຫົວໜ້າກົມພາສີ, ກະຊວງການເງິນ ແລະ ທ່ານ Shaofeng Hu , ຜູ້ປະສານງານເຄື່ອຂ່າຍຂົງເຂດອາຊີຕາເວັນອອກສຽງໃຕ້ ແລະ ປາຊີຟິກ, UNEP ROAP ແລະ ມີຜູ້ເຂົ້າຮ່ວມ ຂອງເຈົ້າໜ້າທີ່ພາສີຈາກ 6 ປະເທດ ອະນຸພາກພື້ນແມ່ນ້ຳຂອງ ຈຳນວນ 37 ທ່ານ,

ຈຸດປະສົງ ຂອງກອງປະຊຸມ ແມ່ນເພື່ອສົ່ງເສີມການຮ່ວມມືອະນຸພາກພື້ນລະຫວ່າງ ໜ່ວຍງານໂອໂຊນ / ພາສີ, ເພື່ອທົບທວນຄືນການຄ້າສານ ODS ແລະ ການຈັດຕັ້ງ ປະຕິບັດການຄວບຄຸມສິນຄ້າຕາມເຂດຊາຍແດນ, ເພື່ອແກ້ໄຂບັນຫາການຄ້າ ODS ທີ່ຜິດກົດໝາຍໂດຍສະເພາະແມ່ນການຄ້າຕາມເຂດຊາຍແດນເປັນຕົ້ນ ແລະ ການສຶກສາກ່ຽວກັບການເຊື່ອມຕໍ່ລະບົບໃບອະນຸຍາດ ຂອງ ສານ ODS ເພື່ອວິເຄາະຄວາມສ່ຽງ ສຳລັບເຈົ້າໜ້າທີ່ພາສີ

LAST_UPDATED2
 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 10 of 15