English (United Kingdom)Lao
ຍິນດີຕ້ອນຮັບ ເຂົ້າສູ່ເວບໄຊ ຂອງ ກົມຄວບຄຸມມົນລະພິດ
PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ອັງຄານທີ່ 08 ຕຸລາ 2013 ເວລາ 10: 38

ການຜັນຂະຫຍາຍຄູ່ມື ກ່ຽວກັບ ຕົວເມືອງທີ່ມີຄວາມຍືນຍົງທາງດ້ານສິ່ງແວດລ້ອມ

ໃນວັນທີ 4-6 ມີນາ ທີ່ແຂວງ ອຸດົມໄຊ.

ໃນລະຫວ່າງ ວັນທີ 4-6 ມີນາ 2013, ທີ່ ສະໂມສອນ ແຂວງ ອຸດົມໄຊ, ກົມຄວບຄຸມມົນລະພິດ ກຊສ ແລະ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ປະຈຳ ແຂວງ ອຸດົມໄຊ ໄດ້ຈັດກອງປະຊຸມ ເຜີຍແຜ່ຄູ່ມື ແນະນຳ ກ່ຽວກັບ ການສ້າງຕົວເມືອງ ທີ່ມີຄວາມຍືນຍົງ ດ້ານສິ່ງແວດລ້ອມ. ເຊິ່ງໄດ້ຮັບກຽດເຂົ້າຮ່ວມກ່າວເປີດ ກອງປະຊຸມ ໂດຍ ທ່ານ ນາງ ສົມລີ ສຸພັນທອງ ຄະນະປະຈຳພັກແຂວງ ຮອງເຈົ້າແຂວງ ອຸດົມໄຊ ແລະ ນຳພາການດຳເນີນ ກອງປະຊຸມໂດຍ ທ່ານ ນາງ ແກ້ວບັງອາ ແກ້ວລາ ຫົວໜ້າ ກົມຄວບຄຸມມົນລະພິດ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ. ມີຜູ້ເຂົ້າຮ່ວມຈາກ ກະຊວງ ແຜນການ ແລະ ການລົງທຶນ, ກະຊວງ ໂຍທາທິການ ແລະ ຂົນສົ່ງ, ບັນດາ ຫ້ອງວ່າການແຂວງ, ພະແນກຊັບພະຍາກອນທຳມະຊາດ ແລະ ສິ່ແວດລ້ອມ, ພະແນກໂຍທາທິການ ແລະ ຂົນສົ່ງ, ອົງການບໍລິຫານ ແລະ ພັດທະນາຕົວເມືອງ ທີ່ມາຈາກ 8 ແຂວງ ພາກເໜືອ, ຄະນະຮັບຜິດຊອບຈັດຕັ້ງປະຕິບັດ ແຜນງານ LPPE ແລະ ຊ່ຽວຊານຈາກ ອົງການ JICA ປະຈໍາລາວ ເຂົ້າຮ່ວມ ຈຳນວນ 101 ທ່ານ.

ກອງປະຊຸມຄັ້ງນີ້ຈັດຂື້ນ ເພື່ອເຜີຍແຜ່ຄູ່ມືແນະນຳ ກ່ຽວກັບ ການສ້າງຕົວເມືອງ ທີ່ມີຄວາມຍືນຍົງດ້ານສິ່ງແວດລ້ອມ ໃຫ້ແກ່ 8 ແຂວງພາກເໜືອ ເພື່ອກຳນົດວິໃສທັດ, ເປົ້າໝາຍ ແລະ ຍຸດທະສາດ ສຳລັບ ການສ້າງຕົວເມືອງ ໃຫ້ມີຄວາມຍືນຍົງ ທາງດ້ານສິ່ງແວດລ້ອມ ແລະ ເປັນການປຶກສາຫາລື ປະກອບຄຳເຫັນ ໃສ່ຮ່າງຄູ່ມືສະບັບດັ່ງກ່າວ ໃຫ້ຄົບຖ້ວນ ສົມບູນ ແລະ ສາມາດຮັບຮອງເປັນທາງການ ໃນທົ່ວປະເທດ ໄດ້ໃນປີ 2015.

LAST_UPDATED2
 
PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ອັງຄານທີ່ 06 ພຶດສະພາ 2014 ເວລາ 10: 54

ສປ ຈີນ ​ແລະ ສປປ ລາວ ຂະຫຍາຍ​ການ​ຮ່ວມ​ມື​ອະນຸ​ລັກ​ຊີວະ​ນາໆ​ພັນ​ຂ້າມ​ຊາຍ​ແດນ

(ຂ່າວ​ຈາກ www.gms-eoc.org)

ພະນັກງານ​ດ້ານສິ່ງ​ແວດ​ລ້ອມ ຂອງ ສປ ຈີນ ​ແລະ ສປປ ລາວ​ ໄດ້​ຕົກລົງກັນ​ ກ່ຽວ​ກັບ ​ແຜນການ 3 ປີ ​ເພື່ອ​ຮ່ວມ​ມື​​ໃນການ​ອະນຸລັກ​ຂ້າມ​ຊາຍ​ແດນ ​ໃນ​ຂອບ​ເຂດ​ແມ່​ນ້ຳຂອງ​ຕອນ​ເທິງ.

​ນັບ​ຕັ້ງ​ແຕ່​ປີ 2006 ​ເປັນ​ຕົ້ນ​ມາ ສອງ​ປະ​ເທດ​ ຈີນ-ລາວ ​ໄດ້ຮ່ວມ​ມືກັນ ​ເພື່ອ​ປ້ອງ​ກັນ​ພື້ນ​ທີ່ອະນຸລັກ​ຊີວະ​ນາໆ​ພັນ ປະມານ 200,000 ​ເຮັກຕາ​ ຂອງ​ປ່າ​ເຂດ​ຮ້ອນ ທີ່​ເປັນ​ທີ່ຢູ່​ອາ​ໄສ​ທີ່​ສຳຄັນຂອງ​ສັດປ່າ​ທີ່​ຫາ​ຍາກ ​ແລະ ​ໃກ້​ຈະ​ສູນພັນ ​ເຊັ່ນ: ຊ້າງ​ອາຊີ, ​ເສືອ, ງົວ​ກະທິງ ​ແລະ ກະທິງ​ອິນ​ເດຍ.

ພະນັກງານ​ສິ່ງ​ແວດ​ລ້ອມ ຈາກ​ແຂວງ ຢູນານ ຂອງ​ ສປ ຈີນ, ​ແຂວງ​ຜົ້ງ​ສາລີ, ຫຼວງ​ນ້ຳ​ທາ ​ແລະ ອຸດົມ​ໄຊ ​​ໄດ້​ປຶກສາ​ຫາລືຮ່ວມ​ກັນ​ເປັນ​ປະຈຳ​ທຸກໆ​ປີ, ຊຶ່ງ​ກອງ​ປະຊຸມ​ຄັ້ງ​ນີ້ໄດ້ຈັດ​ຂື້ນ​ ວັນ​ທີ 27-29 ​ເດືອນ 11 ປີ 2013 ທີ​​ເຂ​ດ ສິບ​ສອງ​ພັນ​ນາ ​ແຂວງ​ຢູນນານ ຂອງ ສປ ຈີນ.

LAST_UPDATED2
ອ່ານເພິ່ມເຕິມ...
 
PDF ພິມ ອີເມລ
ຂຽນໂດຍ ຄິດສະຫວາດ ບຸດດີ   
ມື້ພຸດທີ່ 05 ມີນາ 2014 ເວລາ 09: 37

ກອງ​ປະຊຸມ​ປຶກສາ​ຫາລື ກ່ຽວ​ກັບ

ຂໍ້​ຕົກລົງ​ວ່າ​ດ້ວຍ ການ​ແຕ່ງ​ຕັ້ງ​ຄະນະ​ວິຊາ​ການ NSU

ໃນ​ວັນ​ທີ 25 ກຸມພາ 2014 ກົມ​ຄວບ​ຄຸມ​ມົນ​ລະ​ພິດ, ກຊສ ​ໄດ້ຈັດ ກອງ​ປະຊຸມ​ປຶກສາ​ຫາລືກ່ຽວ​ກັບຂໍ້​ຕົກລົງ​ວ່າ​ດ້ວຍ ການ​ແຕ່ງ​ຕັ້ງຄະນະວິຊາການ​ ຊອງໜ່ວຍ​ງານ​ສະໜັບສະໜູນ​​ວິຊາ​ການ ພາຍ​ໃຕ້ແຜນ​ງານ​ຫຼັກດ້ານ​ສິ່ງ​ແວດ​ລ້ອມ​ໃນ​ໄລຍະ 2 ທີ່ຫ້ອງ​ປະຊຸມ ກຊສ, ໂດຍ​ການ​ເປັນ​ປະທານ​ຂອງ​ທ່ານ ​ເພັດ​ສະໝອນ ດາລາ​ລົມ ຮອງ​ຫົວໜ້າ ກົມ​ຄວບ​ຄຸມ​ມົນ​ລະ​ພິດ, ກຊສ ​​ເຊິ່ງມີຜູ້​ເຂົ້າ​ຮ່ວມ​ຈາກ​ຂະ​ແໜງ​ການທີ່ກ່ຽວຂ້ອງ ທີ່ໄດ້ແຕ່ງຕັ້ງເປັນຜູ້​ປະສານ​ງານ​ຂອງ​ໜ່ວຍງານ​ສະໜັບສະໜູນ​ແຜນ​ງານ​ຫຼັກ​ດ້ານ​ສິ່ງ​ແວດ​ລ້ອມ ​ພ້ອມ​ດ້ວຍ​ພະນັກງານ​ວິຊາ​ການພະ​ແນ​ກສົ່ງ​ເສີມ​ວິຊາ​ການ ລວມທັງ​ໝົດ 22 ທ່ານ.

ຈຸດປະສົງ​​ແມ່ນ ​ເພື່ອ​ແຕ່ງ​ຕັ້ງ​ຄະນະ​ນວິຊາ​ການ​ຂອງ​ໜ່ວຍ​ງານ​ສະໜັບສະໜູ​ນວິຊາ​ການ (NSU) ພາຍ​ໃຕ້​ແຜນ​ງານ​ຫຼັກ​ດ້ານ​ສິ່ງ​ແວດ​ລ້ອມ​ໄລຍະ 2, ​ໃນ​ການ​ກຳນົດ​ໜ້າ​ທີ່ ​ແລະ ຄວາມ​ຮັບຜິດ​ຊອບຂອງ​ຄະນະ​ວິຊາ​ການ ຕາມ​ແຕ່​ລະ​ອົງ​ປະກອບ.

LAST_UPDATED2
 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 9 of 15