Joom!Fish config error: Default language is inactive!
 
Please check configuration, try to use first active language

ກອງປະຊຸມ ເຜີຍແຜ່ຜົນສໍາເລັດຂອງກອງປະຊຸມວຽກງານກວດກາ ທົ່ວປະເທດ ປະຈຳປີ 2014
ກອງປະຊຸມ ເຜີຍແຜ່ຜົນສໍາເລັດຂອງກອງປະຊຸມວຽກງານກວດກາ ທົ່ວປະເທດ ປະຈຳປີ 2014 Print
Written by ນາງ ບູດສະດີ ຈັນດາທານີ   
Monday, 04 May 2015 14:32

ໃນວັນທີ 30 ເມສາ 2015 ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດກອງປະຊຸມເຜີຍແຜ່ເອກະສານຜົນສຳເລັດຂອງກອງປະຊຸມວຽກງານ ກວດກາ ທົ່ວປະເທດ ປະຈຳປີ 2014 ໂດຍການເປັນປະທານຂອງ ທ່ານ ສີສະຫວັດ ວິທະໄຊ ລັດຖະມົນຕີຊ່ວຍວ່າການ, ປະທານກວດກາ ກະຊວງຊັບພະຍາກອນທຳມະ ຊາດ ແລະ ສິ່ງແວດລ້ອມ. ໂດຍມີບັນດາທ່ານ ຄະນະກົມ, ຄະນະພະແນກ ແລະ ສະມາຊິກພັກ ພາຍໃນ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເຂົ້າ ຮ່ວມ ຈຳນວນ 101 ທ່ານ;

 

ກອງປະຊຸມໃນຄັ້ງນີ້ຈັດຂຶ້ນ ເພື່ອເຮັດໃຫ້ສະມາຊິກພັກ - ພະນັກງານຫຼັກແຫຼ່ງ ຂອງຂະແໜງຊັບພະຍາກອນທຳມະຊາດ ແລະ ສິ່ງແວດລ້ອມ  ມີ ຄວາມເຂົ້າໃຈ ແລະ ກຳໄດ້ທິດທາງ, ແນວນທາງນະໂຍບາຍຂອງພັກຕໍ່ກັບວຽກງານກວດກາໃນໄລຍະໃໝ່. ເຊິ່ງເອກະສານທີ່ນຳມາເຜີຍແຜ່ໃນຄັ້ງນີ້ ລວມມີ:

  1. ບົດໂອ້ລົມຂອງສະຫາຍ ບຸນຍັງ ວໍລະຈິດ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ ຕໍ່ກອງປະຊຸມວຽກງານກວດກາ ປະຈຳປີ 2014 ຄັ້ງວັນທີ 07 ມັງກອນ 2015;
  2. ບົດສະຫຼຸບວຽກງານກວດກາ ປະຈຳປີ 2014 ແລະ ທິດທາງແຜນການ ປີ 2015  ຂອງຄະນະກວດກາສູນກາງພັກ ສະບັບເລກທີ 34/ຄກສພ, ລົງວັນທີ 26 ມັງກອນ 2015;
  3. ດຳລັດຂອງລັດຖະບານ ສະບັບເລກທີ 01/ລບ, ວັນທີ 06 ມັງກອນ 2015 ວ່າດ້ວຍການຕິດຕາມກວດກາໂຄງການລົງທຶນຂອງລັດ ເລີ່ມແຕ່ຫົວທີ;
  4. ບົດແນະນຳການຈັດຕັ້ງປະຕິບັດດຳລັດຂອງລັດຖະບານ ວ່າດ້ວຍການຕິດຕາມໂຄງການລົງທຶນຂອງລັດ ເລີ່ມແຕ່ຫົວທີ ສະບັບເລກທີ 46/ອກລ, ລົງວັນທີ 02 ມີນາ 2015.
  5. ບົດສະຫລຸບວຽກງານກວດກາ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ປະຈຳປີ 2013-2014.
Last Updated on Monday, 11 May 2015 16:35