English (United Kingdom)Lao

Login Form



ສະຖິຕິຜູ້ເຂົ້າຊົມ

ສະມາຊິກ : 3
Content : 132
ເວັບລິງ : 6
Content View Hits : 193291
ເຮົາມີ 3 ບຸກຄົນທົ່ວໄປ ອອນໄລນ
ກອງປະຊຸມ ປຶກສາ​ຫາລື ​ການ​ກະກຽມການ​ປະ​ເມີນ​ຄວາມ​ບອບ​ບາງ ​ແລະ ການປັບຕົວເຂົ້າກັບການປ່ຽນແປງດິນຟ້າອາກາດ, PDF ພິມ ອີເມລ
ຂຽນໂດຍ ຕິ້ວ ພີມທອງ   
ມື້ຈັນທີ່ 05 ມີນາ 2018 ເວລາ 11: 25

ກອງປະຊຸມ ປຶກສາ​ຫາລື ​ການ​ກະກຽມການ​ປະ​ເມີນ​ຄວາມ​ບອບ​ບາງ ​ແລະ ການປັບຕົວເຂົ້າກັບການປ່ຽນແປງດິນຟ້າອາກາດ, ພາຍ​ໃຕ້​ໂຄງການ ສ້າງ​ບົດ​ສື່ສານ ​ແຫ່ງ​ຊາດ ກ່ຽວກັບ ການ​ປ່ຽນ​ແປງ​ດິນ​ຟ້າ​ອາກາດ ສະບັບ​ທີ 3 ຂອງ ສປປ ລາວ ໃນຄັ້ງວັນທີ 18 ກັນຍາ 2017, ຢູ່ທີ່ຫ້ອງ​ປະຊຸມ ກົມ​ສົ່ງ​ເສີມ​ຄຸນ​ນະພາ​ບສີ່​ງ​ແວດ​ລ້ອມ, ກຊສ, ນະຄອນຫຼວງວຽງຈັນ

ໃນຕອນ​ເຊົ້າ​ຂອງວັນທີ 18 ກັນຍາ 2017, ກົມຄຸ້ມຄອງການປ່ຽນແປງດິນຟ້າອາກາດ, ກຊສ ໄດ້ຈັດກອງປະຊຸມປຶກສາຫາລື.​ການ​ກະກຽມການ​ປະ​ເມີນ​ຄວາມ​ບອບ​ບາງ ​ແລະ ການປັບຕົວເຂົ້າກັບການປ່ຽນແປງດິນຟ້າອາກາດພາຍ, ​ໃຕ້​ໂຄງການ ສ້າງ​ບົດ​ສື່ສານ ​ແຫ່ງ​ຊາດ ກ່ຽວກັບ ການ​ປ່ຽນ​ແປງ​ດິນ​ຟ້າ​ອາກາດ ສະບັບ​ທີ 3 ຂອງ ສປປ ລາວ ຂຶ້ນ. ພາຍ​ໃຕ້​ການເປັນປະທານ​ໂດຍ ທ່ານ ສີ​ອຳພອນ ​ແສງ​ຈັນ​ດາລາ, ຮອງຫົວໜ້າກົມ ຄຸ້ມຄອງການປ່ຽນແປງດິນຟ້າອາກາດ. ຊຶ່ງມີຜູ້ເຂົ້າຮ່ວມຈາກຂະແໜງການຕ່າງໆທີ່ກ່ຽວຂ້ອງຄື: ສະ​ຖາ​ບັນ ຊັບພະຍາກອນ​ທຳ​ມະ​ຊາດ ​ແລະ ສີ່​ງ​ແວດ​ລ້ອມ; ກົມ​ແຜນການ ​ແລະ ການ​ຮ່ວມ​ມື; ກົມຊັບພະຍາກອນນໍ້າ; ກົມ​ອຸຕຸນິຍົມ ​ແລະ ອຸ​ທົກກະສາ​ດ, ກຊສ, ກອງ​ສຳຫຼວດ ​ແລະ ວາງ​ແຜນ​ປ່າ​ໄມ້; ສະ​ຖາ​ບັນ​ຄົ້ນຄວ້າ​ກະສິກຳ ​ແລະ ປ່າ​ໄມ້; ກົມ​ພັດທະນາ ​ແລະ ວາງ​ແຜນ​ດິນ​ກະສິກຳ; ກົມ​ປ່າ​ໄມ້; ກະຊວງ ກະສິກຳ-ປ່າໄມ້, ຄະນະ​ວິທະຍາສາດ​ປ່າ​ໄມ້; ຄະນະ​ວິທະຍາສາດ​ສີ່​ງ​ແວດ​ລ້ອມ; ຄະນະ​ຊັບພະຍາກອນ​ນໍ້າ, ມຊ ລວມທັງໝົດ 25 ທ່ານ.

ຈຸດປະສົງຂອງກອງປະຊຸມແມ່ນເພື່ອ: ປຶກສາຫາລື ​ໃນການ​ກະກຽມສ້າງ​ບົດ​ລາຍ​ງານ ການ​ປະ​ເມີນ​ຄວາມ​ບອບ​ບາງ ​ແລະ ການປັບຕົວເຂົ້າກັບການປ່ຽນແປງດິນຟ້າອາກາດ, ພາຍ​ໃຕ້​ໂຄງການ ສ້າງ​ບົດ​ສື່ສານ ​ແຫ່ງ​ຊາດ ກ່ຽວກັບ ການ​ປ່ຽນ​ແປງ​ດິນ​ຟ້າ​ອາກາດ ສະບັບ​ທີ 3 ຂອງ ສປປ ລາວ.

ກອງ​ປະຊຸມ​ໄດ້ນຳ​ສະ​ເໜີ ກ່ຽວກັບ ປະຫວັດ​ຄວາມ​ເປັນ​ມາ​ຂອງ​ໂຄງການ​ໂດຍ​ຫຍໍ້, ບົດ​ລາຍ​ງານ ກ່ຽວກັບ ຄວາມ​ບອບ​ບາງ ​ແລະ ການ​ປັບ​ຕົວ​ເຂົ້າ​ກັບ​ການ​ປ່ຽນ​ແປງ​ດິນ​ຟ້າ​ອາກາດ ​ໃນ​ບົດ​ສື່ສານ ​ແຫ່ງຊາດ ສະບັບ​ທີ 2, ສະ​ເໜີ​ໂດ​ຍຫຍໍ້ ກ່ຽວກັບ ບັນດາ​ນິຕິ​ກຳ​ຕ່າງໆ​ເຊັ່ນ: ຍຸດ​ທະ​ສາດ, ​ແຜນ​ງານ​ແຫ່ງ​ຊາດ, INDC, ຍຸດ​ທະ​ສາດ​ຂະ​ແໜງກະສິກຳ (ການ​ປູກ​ຢາງພາລາ ​ແລະ ສາລີ), ຍຸດ​ທະ​ສາດ​ຂະ​ແໜງຊັບພະຍາກອນ​ນໍ້າ (ຄວາມ​ຕ້ອງການ​ໃນ​ການ​ປັບ​ຕົວ), ສີ່​ງທ້າ​ທາຍ, ຊ່ອງ​ຫວ່າງ, ຄວາມ​ຕ້ອງ​ການ​ໃນ​ການສະໜັບສະໜູນທາງ​ດ້ານ​ການ​ເງິນ ​ແລະ ວິຊາ​ການ, ການ​ປະ​ເມີນ​ການ​ປ່ຽນ​ແປງ​ດິນ​ຟ້າ​ອາກາດ ​ໃນ ສປປ ລາວ.

ພາຍຫຼັງທີ່ໄດ້ຮັບຟັງການນຳສະເໜີບົດແລ້ວ ບັນດາຜູ້ແທນທີ່​ມາຈາກຂະແໜງການທີ່ກ່ຽວຂ້ອງ ກໍ​ໄດ້ມີ​ການ​ແບ່ງ​ກຸ່ມ​ສົນທະນາ ​ແລກປ່ຽນຄວາມ​ຄິດ​ເຫັນ ກ່ຽວກັບ ຊ່ອງ​ຫວ່າງ, ສິ່ງທ້າທາຍ ​ແລະ ຄວາມ​ຕ້ອງການ​ ​ຕໍ່​ກັບການປັບຕົວເຂົ້າກັບການປ່ຽນແປງດິນຟ້າອາກາດ ຢູ່​​ໃນຂະແໜງຊັບພະຍາກອນນໍ້າ ​ແລະ ຂະ​ແໜງກະສິກຳ ​ແລະ ປ່າ​ໄມ້, ​ເຊິ່ງ​ເຫັນ​ໄດ້​ວ່າບັນດາ​ຜູ້​ແທນທີ່​ເຂົ້າ​ຮ່ວມກອງ​ປະຊຸມ​ໃນ​ຄັ້ງ​ນີ້ ​​ໄດ້​ມີ​ການ​ແລກປ່ຽນຄວາມ​ຄິດ​ເຫັນ​ແບບ​ກົງ​ໄປ​-ກົງ​ມາ ​ແລະ ທາງທີ​ມງານ​ກອງ​ເລຂາ​ໄດ້ສັງ​ລວມບັນດາ​ຂໍ້​ຄິດ​ເຫັນ ​ເພື່ອປັບປຸງເນື້ອໃນຈຳນວນໜຶ່ງ ແລະ ຈະສົ່ງຮ່າງບົດລາຍງານໃຫ້ບັນດາຂະແໜງການກ່ຽວຂ້ອງປະກອບຄຳເຫັນເພີ່ມເຕີມ. ພ້ອມ​ທັງຈະ​ນຳເອົາ​ເນື້ອ​ໃນ​ຈິດ​ໃຈ​ຂອງກອງ​ປະຊຸມ​ໃນ​ຄັ້ງ​ນີ້ ລາຍ​ງານ​ໃຫ້​ຂັ້ນ​ເທິງ​ພິຈາລະນາ​ຕາມ​ຂັ້ນ​ຕອນ.

 

LAST_UPDATED2