English (United Kingdom)Lao

Login Form



ສະຖິຕິຜູ້ເຂົ້າຊົມ

ສະມາຊິກ : 3
Content : 132
ເວັບລິງ : 6
Content View Hits : 196833
ເຮົາມີ 5 ບຸກຄົນທົ່ວໄປ ອອນໄລນ
ກອງປະຊຸມຝຶກອົບຮົມ ຄວາມຮູ້ພື້ນຖານກ່ຽວກັບ ການນຳໃຊ້ໂປຼແກຼມ ArcGIS ໃຫ້ແກ່ພະນັກງານວິຊາການ ພາຍໃນ ກພປ, ກຊສ PDF ພິມ ອີເມລ
ຂຽນໂດຍ ຕິ້ວ ພີມທອງ   
ມື້ສຸກທີ່ 02 ມິຖຸນາ 2017 ເວລາ 10: 11

ກອງ​ປະຊຸມ​ຝຶກອົບຮົມ ຄວາມຮູ້ພື້ນຖານກ່ຽວກັບ ການນຳໃຊ້ໂປຼແກຼມ ArcGIS ໃຫ້ແກ່ພະນັກງານວິຊາການ ພາຍໃນ ກພປ, ກຊສ

ໃນລະຫວ່າງວັນທີ 8-12 ພຶດສະພາ 2017, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ໄດ້ຈັດ​ກອງ​ປະຊຸມຝຶກອົບຮົມ ຄວາມຮູ້ພື້ນຖານກ່ຽວກັບ ລະບົບ​ຂໍ້​ມູນ​ຂ່າວສານ​ທາງ​ດ້ານ​ພູມ​ສາດ (GIS), ການນຳໃຊ້ໂປຼແກຼມ ArcGIS ໃຫ້ແກ່ພະນັກງານວິຊາການ ພາຍໃນ ກພປ. ເຊິ່ງໄດ້ຮັບກຽດເປັນຄູຝຶກໂດຍທ່ານ ວິລະກອນ ມະນີພູໃສ, ວິຊາ​ການຫຼັກ​ແຫຼ່ງ ຈາກ ພະແນກປັບຕົວເຂົ້າກັບການປ່ຽນແປງດິນຟ້າອາກາດ, ກພປ ​​ໃນ​ກອງ​ປະຊຸມຝຶກອົບຮົມໃນ​ຄັ້ງ​ນີ້ມີບັນດາ ພະນັກງານ​ວິຊາ​ການ ​ພາຍ​ໃນ ກພປ ​ເຂົ້າ​ຮ່ວມ ລວມທັງໝົດ 19 ທ່ານ.

ຈຸດປະສົງຂອງ​ກອງ​ປະຊຸມ​ໃນ​ຄັ້ງ​ນີ້​ແມ່ນເພື່ອ: ​ເປັນການ​ສ້າງ​ຄວາມ​ເຂັ້ມ​ແຂງ ​ແລະ ຄວາມ​ເຂົ້າ​ໃຈ ​ ຄວາມຮູ້ພື້ນຖານ ກ່ຽວກັບ GIS, ການນຳໃຊ້ໂປຼແກຼມ ArcGIS ​​ແລະ ການ​ນຳ​ໃຊ້ GPS ໃຫ້​ແກ່ ພະນັກງານວິຊາ​ການ​ພາຍ​ໃນ ກພປ;

ຫົວ​ຂໍ້​ທີ່ຝຶກ​ອົບຮົ​ມໃນ​ຄັ້ງ​ນີ້ມີຄື:

1. ​GIS ​ແມ່ນ​ຫຍັງ?, ຜົນ​ດີ​ຂອງ​ການ​ນຳ​ໃຊ້ GIS;

2. ຮູບ​ແບບ​ ​ແລະ ປະ​ເພດ​ຂໍ້​ມູນ​ໃນ GIS;

3. ອົງ​ປະກອບ​ຂອງ GIS ​ແມ່ນ​ຫຍັງ;

4. ຊັ້ນ​ຂໍ້​ມູນ​ຂອງ GIS;

5. ການ​ນຳ​ໃຊ້ GIS ​ໃນ​ຂົງ​ເຂດ​ຕ່າງໆ;

6. ປະ​ເພດ​ຂໍ້​ມູນ​ທາງ​ດ້ານ​ພູມ​ສາດ;

7. ການ​ສ້າງ​ແຜນ​ທີ່ ​ແລະ ການ​ວິ​ເຄາະ​ຂໍ້​ມູນ, ການ​ຄຳນວນ​ເນື້ອ​ທີ່​ໃດໜຶ່ງ, ການ​ເອົາ​ຂໍ້​ມູນ​ຈາກ Google Earth ມາ​

ນຳ​ໃຊ້​​ເຂົ້າໃນໂປຼແກຼມ ArcGIS, ການ​ຕັດ​ຂໍ້​ມູນ​ຈາກ​ການ​ນຳ​ໃຊ້ ໂປຼແກຼມ ArcGIS ມາ​ໃສ່​ໃນ Google Earth.

ພາຍຫຼັງຝຶກ​ອົບຮົມ​ໃນ​ຄັ້ງ​ນີ້​ບັນດາພະນັກງານ​ວິຊາ​ການ ພາຍ​ໃນ​ ກພປ ​​ ສາມາດ ຮັບ​ຮູ້​ເຖິງ ຄວາມຮູ້ພື້ນຖານກ່ຽວກັບ GIS, ການນຳໃຊ້ໂປຼແກຼມ ArcGIS, ຮູ້​ວິທີ​ການ​ນຳ​ໃຊ້ GPS ມາ​ໃຊ້​ໃນ GIS ​ເຊິ່ງການ​ຝຶກ​ອົບຮົມ​ດັ່ງ​ກ່າວ​ແມ່ນ​ເຮັດ​ໃຫ້​ເພີ່ມ​ຄວາມ​ຮັບ​ຮູ້,​ ຄວາມ​ເຂົ້າ​ໃຈ, ບັນດາພະນັກງານ​ວິຊາ​ການ ພາຍ​ໃນ ກພປ ​ແມ່ນ​ມີ​ຄວາມ​ກະຕືລື​ລົ້ນ​ມີ​ຄວາມ​ສົນ​ໃຈຫຼາຍ ຕໍ່​ກັບ​ການ​ຝຶກ​ອົບຮົມ​ໃນ​ຄັ້ງ​ນີ້ ​​ແລະ ມີ​ຄວາມ​ຕ້ອງການ​ທີ່​ຈະ​ເຂົ້າ​ຮ່ວມ​ການ​ຝຶກ​ອົບຮົມ ກ່ຽວກັບ ວຽກງານ​ດັ່ງກ່າວ​​ເພີ່ມ​ອີກໃນ​ອານາ​ຄົດ.

ກອງ​ປະຊຸມ​ຝຶກ​ອົບຮົມ​ດັ່ງກ່າວ​ແມ່ນໄດ້​ດຳ​ເນີນ​ໄປ​ເປັນ​ເວລາ 5 ວັນ ​ແລະ ​ໄດ້​ປິດ​ລົງ​ໃນ​ວັນ​ທີ 12 ພຶດສະພາ 2017.

LAST_UPDATED2