English (United Kingdom)Lao

Login Form



ສະຖິຕິຜູ້ເຂົ້າຊົມ

ສະມາຊິກ : 3
Content : 132
ເວັບລິງ : 6
Content View Hits : 196273
ເຮົາມີ 2 ບຸກຄົນທົ່ວໄປ ອອນໄລນ
ກອງປະຊຸມ ລິເລີ່ມຈັດຕັ້ງປະຕິບັດໂຄງການ ສ້າງບົດລາຍງານທຸກໆ 2 ປີ ກ່ຽວກັບ ການສໍາຫຼວດອາຍເຮືອນແກ້ວຂອງສປປລາວ PDF ພິມ ອີເມລ
ຂຽນໂດຍ ຕິ້ວ ພີມທອງ   
ມື້ອັງຄານທີ່ 25 ເມສາ 2017 ເວລາ 09: 36

ກອງປະຊຸມ ລິ​ເລີ່​ມຈັດຕັ້ງປະຕິບັດໂຄງການ ສ້າງບົດລາຍງານທຸກໆ 2 ປີ ກ່ຽວກັບ ການສໍາຫຼວດອາຍເຮືອນແກ້ວ ຂອງ ສປປ ລາວ (Biennail Update Reports - BUR) ໃນ​ຄັ້ງວັນ​ທີ 5 ​ເມສາ 2017​,

ຢູ່​ທີ່ ​​ໂຮງ​ແຮມດອນ​ຈັນ​ພາ​ເລດ, ນະຄອນຫຼວງວຽງຈັນ

ປະທານ​ກອງ​ປະຊຸມ

ໃນຕອນ​ເຊົ້າ​ຂອງ​ວັນ​ທີ 5 ​ເມສາ 2017, ກົມ​ຄຸ້ມ​ຄອງ​ໄພພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ (ກພປ), ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ​​​ໄດ້​ຈັດ​ກອງ​ປະຊຸມ ລິ​ເລີ່​ມຈັດຕັ້ງປະຕິບັດໂຄງການ ສ້າງບົດລາຍງານທຸກໆ 2 ປີ ກ່ຽວກັບ ການສໍາຫຼວດອາຍເຮືອນແກ້ວ ຂອງ ສປປ ລາວ (Biennail Update Reports - BUR), ​​ໂດຍ​ພາຍ​ໃຕ້​ການ​ເປັນ​ປະທານ​ຂອງ ທ່ານ ສີ​ອຳພອນ ​ແສງ​ຈັນ​ດາລາ, ຮອງຫົວໜ້າກົມ ຄຸ້ມ​ຄອງ​ໄພພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ, ກຊສ. ​ຊຶ່ງມີບັນດາຜູ້​ເຂົ້າ​ຮ່ວມກອງປະຊຸມ​ໃນຄັ້ງນີ້ ​​ແມ່ນ​ມາຈາກຄະນະ​ວິຊາ​ການ​ ການ​ປ່ຽນ​ແປງ​ດິນ​ຟ້າ​ອາກາດ ​ແລະ ຄະນະ​ວິຊາ​ກາ​ນຮ່ວມ​ປະສານ​ງານ​ ໂຄງການ ບົດ​ສື່​ສານ​ແຫ່ງ​ຊາດ ກ່ຽວກັບ ການ​ປ່ຽນ​ແປງ​ດິນ​ຟ້າ​ອາກາດ ສະບັບ​ທີ 3 ຂອງ ສປປ ລາວ ​ແລະ ຜູ້ຕາງໜ້າຈຳນວນໜຶ່ງຈາກ​ຂະ​ແໜງການທີ່​ກ່ຽວຂ້ອງ​ ເຊັ່ນ: ກົມ​ອຸ​ຕຸນິຍົມ ​ແລະ ອຸ​ທົກ​ກະສາ​ດ, ກົມ​ຄຸ້ມ​ຄອງ​ຊັບພະຍາກອນ​ປ່າ​ໄມ້, ກົມ​ການ​ເງິນ, ກົມ​ແຜນການ ​ແລະ ການ​ຮ່ວມ​ມື, ກຊສ, ສະ​ຖາ​ບັນ​ຄົ້ນຄວ້າ​ກະສິກຳ ​ແລະ ປ່າ​ໄມ້ ​ແຫ່ງ​ຊາດ, ກົມ​ປ່າ​ໄມ້, ກົມ​ປູກຝັງ, ກະຊວງ ກະສິກຳ ​ແລະ ປ່າ​ໄມ້, ສະ​ຖາ​ບັນສົ່ງ​ເສີມພະລັງ​ງານ​ທົດ​ແທນ, ສະ​ຖາ​ບັນພະລັງ​ງານ​ທົດ​ແທນ​ແລະ ວັດ​ສະດຸ​ໃໝ່, ສະ​ຖາ​ບັນ​ພະລັງງານ​ທົດ​ແທນ, ກະຊວງ ພະລັງງານ​ ແລະ ບໍ່​ແຮ່, ກົມ​ຊົນລະປະທານ, ສະ​ຖາ​ບັນ​ໂຍທາ​ທິການ ​ແລະ ຂົນ​ສົ່ງ, ກະຊວງ ​ໂຍທາ​ທິການ ​ແລະ ຂົນ​ສົ່ງ, ກົມ​ອຸດ​ສະຫະ​ກຳ ​ແລະ ຫັດຖະກຳ, ກະຊວງ ອຸດສາຫະກຳ ​ແລະ ການ​ຄ້າ, ກະຊວງ ສຶກສາ​ທິການ ​ແລະ ກິລາ, ກະຊວງ ​ແຜນການ ​ແລະ ການ​ລົງທຶນ, ສູນ​ສະຖິຕິ ​ແຫ່ງ​ຊາດ, ອົງການພັດທະນາ​​ ແລະ ບໍລິຫານ ​ຕົວ​ເມືອງ ວຽງຈັນ (ອພບ), ສູນ​ກາງ​ສະຫະພັນ​ແມ່ຍິງ​ລາວ, ຄະນະ​ວິທະຍາສາດ​ປ່າ​ໄມ້, ຄະນະ​ກະ​ເສດ​ສາດ, ຄະນະວິທະຍາສາດ​ສິ່ງ​ແວດ​ລ້ອມ, ມຊ ​​ແລະ ທີ່​ປຶກສາ​ໂຄງ​ການ ລວມທັງໝົດ 30 ກວ່າທ່ານ.

ຈຸດປະສົງຂອງກອງປະຊຸມໃນຄັ້ງນີ້​ແມ່ນເພື່ອປຶກສາຫາລືກັນ ແຕ່ເບື້ອງຕົ້ນ ກ່ຽວກັບ ວຽກງານສຳຄັນຕ່າງໆ ຂອງໂຄງການທີ່​ຈະ​ເຄື່ອນ​ໄຫວ​ຈັດ​ຕັ້ງ​ປະຕິບັດ​ໃນ 2 ປີ​ຕໍ່ໜ້າ (2017-2018). ນອກຈາກນີ້, ຍັງເປັນການຍົກລະດັບຄວາມຮັບຮູ້ ແລະ ຄວາມເຂົ້າໃຈ ກ່ຽວກັບ ວຽກງານການສໍາຫຼວດ, ການຫຼຸດຜ່ອນ ລວມທັງ ແຫຼ່ງຊຶມຊັບ ຂອງ ອາຍເຮືອນແກ້ວ ຢູ່ ສປປ ລາວ.

​ກອງ​ປະຊຸມ​ໃນ​ຄັ້ງ​ນີ້ ​ແມ່ນ​ເປັນ​ກອງ​ປະຊຸມ​ວິຊາ​ການ​ເພື່ອປຶກສາ​ຫາລື​ ​ແລະ ສົນ​ທະ​ນາ​ກັນຢ່າງກົງ​ໄປ​ກົງ​ມາ ພ້ອມທັງແລກປ່ຽນບົດຮຽນ ແລະ ຂໍ້ມູນຂ່າວສານ ​ເພື່ອ​ປະກອບ​ເຂົ້າໃນ​ບັນດາ​ອົງ​ປະກອບ ຂອງ BUR ​ເຊັ່ນ: ສະພາບ​ລວມຂອງ​ປະ​ເທດ, ການ​ສຳຫຼວດອາຍ​​ເຮືອນ​ແກ້ວ, ມາດ​ຕະການ ​ການຫຼຸດຜ່ອນອາຍ​​ເຮືອນ​ແກ້ວ, ການ​ຕິດຕາມ ກວດກາ ​ແລະ ການ​ລາຍ​ງານ ການວັດແທກ ແລະ ການກວດສອບ (Measurement Reporting and Verification - MRV) ຊຶ່ງ​ຜົນ​ໄດ້​ຮັບ​ຕົ້ນຕໍ​ຈາກ​ການ​ປະຕິບັດ​ໂຄງການ​ດັ່ງກ່າວ ສປປ ລາວ ຈະ​ໄດ້​ມີ​ບົດ​ລາຍ​ງານ​ທີ່​ສຳຄັນ​ ​ເປັນ​ຕົ້ນ ຜົນ​ການ​ສຳຫຼວດອາຍ​ເຮືອນ​ແກ້ວ ສຳລັບ​ປີ 2010 ຢູ່ ສປປ ລາວ ​ແລະ ນອກຈາກ​ນີ້ ​ຍັງ​ເປັນ​ການ​ສ້າງ​ຄວາ​ມອາດ​ສາມາດ ​ໃຫ້​ແກ່​ພະນັກງານ​ວິຊາ​ການ​ອີກ​ດ້ວຍ.

ກອງປະຊຸມດັ່ງກ່າວ ແມ່ນໄດ້ດຳເນີນໄປຕາມວາລະ ​ແລະ ປິດ​ລົງ​ໃນ​ວັນ​ດຽວກັນ​.

LAST_UPDATED2