English (United Kingdom)Lao

Login Form



ສະຖິຕິຜູ້ເຂົ້າຊົມ

ສະມາຊິກ : 3
Content : 132
ເວັບລິງ : 6
Content View Hits : 196763
ເຮົາມີ 2 ບຸກຄົນທົ່ວໄປ ອອນໄລນ
ກອງປະຊຸມປຶກສາຫາລື ແລະ ປະກອບຄຳເຫັນ ຕໍ່ຮ່າງເອກະສານອອກແບບ ກົນໄກການພັດທະນາສະອາດ PDF ພິມ ອີເມລ
ຂຽນໂດຍ ຕິ້ວ ພີມທອງ   
ມື້ຈັນທີ່ 20 ມີນາ 2017 ເວລາ 09: 46

ກອງປະຊຸມປຶກສາຫາລື ແລະ ປະກອບຄຳເຫັນ ຕໍ່ຮ່າງເອກະສານອອກແບບ ກົນໄກການພັດທະນາສະອາດ (Clean Development Mechanism (CDM)) ຂອງໂຄງການ ເຂື່ອນໄຟຟ້ານ້ຳຕົກ ນ້ຳຫີນບູນ,

ທີ່ແຂວງ ຄໍາມ່ວນ ແລະ ໂຄງການ ເຂື່ອນໄຟຟ້ານ້ຳຕົກນ້ຳມັງ 1, ທີ່ແຂວງ ບໍລິຄຳໄຊ.

ກົມ​ຄຸ້ມ​ຄອງ​ໄພພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ (ກພປ), ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ໄດ້​ຈັດກອງປະຊຸມປຶກສາຫາລື ແລະ ປະກອບຄຳເຫັນ ຕໍ່ຮ່າງເອກະສານອອກແບບ ກົນໄກການພັດທະນາສະອາດ (CDM) ຂອງໂຄງການ ເຂື່ອນໄຟຟ້ານ້ຳຕົກ ນ້ຳຫີນບູນ, ທີ່ແຂວງ ຄຳມ່ວນ ແລະ ໂຄງການ ເຂື່ອນໄຟຟ້ານ້ຳຕົກ ນ້ຳມັງ 1, ທີ່ແຂວງ ບໍລິຄຳໄຊ, ໃນວັນທີ 10 ກຸມພາ 2017, ທີ່ໂຮງແຮມ ດອນຈັນພາເລດ, ນະຄອນຫຼວງວຽງຈັນ, ​ໂດຍການເປັນປະທານຂອງ ທ່ານ ສັງຂານ ທ່ຽງທຳມະວົງ ຮັກສາການຫົວໜ້າກົມ ກພປ ແລະ ມີຜູ້​ເຂົ້າ​ຮ່ວມທັງໝົດ 40 ກວ່າທ່ານ ຊຶ່ງມາຈາກ ກະຊວງ​ ແລະ ອົງການຕ່າງໆ ທີ່​ກ່ຽວຂ້ອງ​ເປັນຕົ້ນ: ກະຊວງ ກະສິກຳ ​ແລະ ປ່າ​ໄມ້, ກະຊວງ ພະລັງງານ ​ແລະ ບໍ່​ແຮ່, ກະຊວງ ວິທະຍາ​ສາດ ​ແລະ ​ເຕັກ​ໂນ​ໂລ​ຊີ, ກະຊວງ ອຸດສາຫະກຳ ແລະ ການຄ້າ, ກະຊວງ ໂຍທາທິການ ແລະຂົນສົ່ງ, ກະຊວງ ແຜນການ ແລະ ການລົງທຶນ, ຄະນະວິທະຍາສາດສິ່ງແວດລ້ອມ ມະຫາວິທະຍາ​ໄລ ​ແຫ່ງ​ຊາດ,ຄະນະວິທະຍາສາດປ່າໄມ້ ມະຫາວິທະຍາໄລ ແຫ່ງຊາດ, ອົງການພັດທະນາ ແລະ ບໍລິຫານຕົວເມືອງວຽງຈັນ, ລັດວິສາຫະກິດໄຟຟ້າລາວ, ກົມຕິດຕັ້ງໄຟຟ້າ, ບໍລິສັດ ນ້ຳມັງ 1 ຈຳກັດ, ບໍລິສັດ ESL, ບັນດາກົມກອງ ພາຍໃນ ກຊສ ແລະ ພະແນກ ພາຍໃນ ກພປ.

 

ຈຸດປະສົງ​ຂອງ​ກອງ​ປະຊຸມ​ໃນ​ຄັ້ງ​ນີ້ແມ່ນ​ເພື່ອປຶກສາຫາລື ແລະ ປະກອບຄຳເຫັນ ໃສ່ເອກະສານ ໂຄງການ ກົນໄກການພັດທະນາສະອາດ ທີ່ສະເໜີພັດທະນາຢູ່ ໂຄງການໄຟຟ້ານ້ຳຕົກ ນ້ຳຫີນບູນ ແລະ ນ້ຳມັງ 1 ຊຶ່ງຄາດວ່າຈະເປັນໂຄງການ ທີ່ຈະຊ່ວຍຫຼຸດຜ່ອນການປ່ອຍອາຍເຮືອນແກ້ວອອກສູ່ຊັ້ນບັນຍາກາດ ຢູ່ ສປປ ລາວ.

ຜ່ານ​ການຮັບຟັງການນຳສະເໜີຂອງທີມງານຈາກ ກພປ ແລະ ຊ່ຽວຊານ ຈາກບໍລິສັດ Karbon Energy investment and Consulting (China) ໃນນາມເປັນບໍລິສັດ ທີ່ປຶກສາ, ຊຶ່ງເນື້ອໃນທີ່ນຳມາສະເໜີສັງລວມມີດັ່ງນີ້:

  1. ສະເໜີ ກ່ຽວກັບ ຄວາມເປັນມາ ແລະ ຂັ້ນຕອນການຮັບຮອງ ໂຄງການ ກົນໄກການພັດທະນາສະອາດ ໃນ ສປປ ລາວ;
  2. ສະເໜີ ກ່ຽວກັບ ເນື້ອໃນໂດຍຫຍໍ້ ຂອງໂຄງການ ກົນໄກການພັດທະນາສະອາດ ທີ່ສະເໜີພັດທະນາຢູ່ໂຄງການ ເຂື່ອນໄຟຟ້ານ້ຳຕົກ ນ້ຳຫີນບູນ ແລະ ໂຄງການ ເຂື່ອນໄຟຟ້ານ້ຳຕົກ ນ້ຳມັງ 1.

ຫຼັງຈາກນັ້ນ, ກອງປະຊຸມກໍ່ໄດ້ມີການປືກສາ​ຫາລືກັນຢ່າງກົງໄປກົງມາ ແລະ ປະກອບຄຳເຫັນຕໍ່ເອກະສານ ກົນໄກການພັດທະນາສະອາດ ຂອງໂຄງການ ເຂື່ອນໄຟຟ້ານ້ຳຕົກ ນ້ຳຫີນບູນ ແລະ ໂຄງການ ເຂື່ອນໄຟຟ້ານ້ຳຕົກ ນ້ຳມັງ 1 ກ່ຽວກັບ ຜົນກະທົບຕໍ່ສິ່ງແວດລ້ອມຕ່າງໆ ແລະ ມາດຖານການພັດທະນາແບບຍືນຍົງທາງດ້ານ: ດ້ານສິ່ງແວດລ້ອມ, ດ້ານສັງຄົມ, ດ້ານເສດຖະກິດ ແລະ ດ້ານເຕັກໂນໂລຊີ ເພື່ອເຮັດໃຫ້ການຈັດຕັ້ງປະຕິບັດໂຄງການ ປະສົບຜົນສຳເລັດ ໃນຕໍ່ໜ້າ, ກອງປະຊຸມໃນຄັ້ງນີ້ໄດ້ເຫັນດີທາງດ້ານ ວິຊາການ ຮັບຮອງເອົາເອກະສານດັ່ງກ່າວ ເພື່ອໃຫ້ໂຄງການສືບຕໍ່ດຳເນີນ ຕາມບາດກ້າວຕໍ່ໄປຕາມຂັ້ນຕອນການພັດທະນາໂຄງການ ກົນໄກການພັດທະນາສະອາດ (CDM).

ສຸດທ້າຍ ກອງປະຊຸມແມ່ນໄດ້ປິດລົງ ໃນເວລາ 12:00 ຂອງວັນດຽວກັນ.

ພາບບັນຍາກາດ ຂອງກອງປະຊຸມ

ພາບບັນຍາກາດ ການປຶກສາຫາລື

LAST_UPDATED2