English (United Kingdom)Lao
ຍິນດີຕ້ອນຮັບ ເຂົ້າສູ່ເວບໄຊ ຂອງ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ
ກອງປະຊຸມ ປຶກສາຫາລື ຕໍ່ກັບ ເອກະສານ ອອກແບບໂຄງການ ກົນໄກການພັດທະນາສະອາດ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ພຸດທີ່ 15 ຕຸລາ 2014 ເວລາ 15: 14

ກອງປະຊຸມ​​​ ປຶກສາ​ຫາລື ຕໍ່​ກັບ ​ເອກະສານ ອອກ​ແບບ​ໂຄງການ ກົນ​ໄກ​ການ​ພັດ​ທະນາ​ສະອາດ

ໃນວັນທີ 26 ກັນຍາ 2014, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ (ກຊສ) ໄດ້ຈັດກອງປະຊຸມ​​​ ປຶກສາ​ຫາລື ຕໍ່​ ​ເອກະສານອອກ​ແບບ ​ໂຄງ ການ ກົນ​ໄກ​ການ​ພັດ​ທະນາ​ສະອາດ (CDM) ທີ່​ສະ​ເໜີພັດທະນາ​ຢູ່​ໂຄງການ​ເຂື່ອນ​ໄຟຟ້າ​ນ້ຳຕົກນ້ຳ​ງາ 2, ​ແຂວງ ອຸດົມ​ໄຊ, ​ເຊ​ນ້ຳ​ນ້ອຍ 6, ​ແຂວງ ຈຳປາ​ສັກ, ນ້ຳ​ສະ​ມ່ອຍ, ​ແຂວງ ວຽງຈັນ ​ແລະ ນ້ຳ​ຜາ​ໃຫຍ່, ​ແຂວງ ​ໄຊ​ສົມບູນ ​ ຢູ່​ທີ່ ​ໂຮງ​ແຮມດອນ​ຈັນພາ​ເລດ. ໂດຍພາຍໃຕ້ການເປັນປະທານ ຂອງທ່ານ ຈັນທະ​ວີ​ພອນ ອິນ​ທະ​ວົງ, ຮອງຫົວໜ້າ ກົມຄຸ້ມ ຄອງໄພພິບັດ ແລະ ການປ່ຽນແປງດິນຟ້າອາກາດ. ກອງ​ປະຊຸມ​ໃນ​ຄັ້ງ​ນີ້​ປະກອບ​ດ້ວຍ ບັນດາ​ແຂກ​ທີ່​ມາ​ຈາກຫຼາຍຂະ​ແໜງການ​ທີ່​ກ່ຽວຂ້ອງ ທັງພາກສ່ວນລັດ ​ແລະ ​ເອກະ​ຊົນຄື: ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ, ກົມ​ຄວບ​ຄຸມ​ມົນ​ລະ​ພິດ, ກົມ​ສົ່ງ​ເສີມ​ຄຸນ​ນະພາ​ບ ​ແລະ ສິ່ງ​ແວດ​ລ້ອມ, ກົມ​ຄຸ້ມ​ຄອງ​ຊັບພະຍາກອນ​ປ່າ​ໄມ້, ກອງ​ປະ​ເມີນ​ຜົນ​ກະທົບຕໍ່​ສິ່ງ​ແວດ​ລ້ອມ ​ແລະ ສັງຄົມ, (ກຊສ), ກະຊວງ ສາທາລະນະ​ສຸກ, ກະຊວງ ​ແຜນການ ​ແລະ ການ​ລົງທຶນ,  ກະຊວງ​ ພະລັງງານ ​ແລະ ບໍ່​ແຮ່, ກະຊວງ ກະສິກຳ ​ແລະ ປ່າ​ໄມ້, ກະຊວງ ​ໂຍທາ​ທິການ ​ແລະ ຂົນ​ສົ່ງ, ກະຊວງ ວິທະຍາສາດ ​ແລະ ​ເຕັກ​ໂນ​ໂລ​ຊີ, ຄະນະ​ວິທະຍາສາດ​ສິ່ງ​ແວດ​ລ້ອມ (ມຊ), ອົງການພັດທະນາ ​ແລະ ບໍລິຫານ​ຕົວ​ເມືອງ​ວຽງຈັນ (ອພບ), ສະ​ຖາ​ບັນ​ຄົ້ນຄວ້າ​ກະສິກຳ ​ແລະ ປ່າ​ໄມ້ ​ແຫ່ງ​ຊາດ (NAFRI), ລັດ​ວິ​ສາ​ຫະກິດ​ໄຟຟ້າ​ລາວ, ບໍລິສັດ ນ້ຳ​ງາ 2, ​ໄຮ​ໂດຣພາວ​ເວີ ຈຳກັດ, ບໍລິສັດ ກໍ່ສ້າງ-​ຂົວ​ທາງ​ ພົງ​ສັບ​ທະວີ ຈຳກັດ (ເຊ​ນ້ຳ​ນ້ອຍ 6, ​ແຂວງ ຈຳປາ​ສັກ), ບໍລິສັດ ນ້ຳ​ສະ​ມ່ອຍ, ໄຮ​ໂດຣພາວ​ເວີ ຈຳກັດ (ນ້ຳ​ສະ​ມ່ອຍ ​ແຂວງ ວຽງຈັນ),  ບໍລິສັດ ນ້ຳ​ຜາ​ໃຫຍ່, ໄຮ​ໂດຣພາວ​ເວີ ຈຳກັດ (ນ້ຳ​ຜາ​ໃຫຍ່, ​ແຂວງ ​ໄຊ​ສົມບູນ), ບໍລິສັດ ທີ່​ປຶກສາ​ດ້ານ​ສິ່ງ​ແວດ​ລ້ອມ ​ແລະ ສັງຄົມ (ESL) ລວມທັງໝົດ 47 ທ່ານ.

ຈຸດປະສົງຕົ້ນຕໍ ຂອງກອງປະຊຸມໃນຄັ້ງນີ້ ແມ່ນແນ​ໃສ່ການປຶກສາຫາລື ແລະ ປະກອບຄຳເຫັນ ຕໍ່ເອກະສານອອກ​ແບ​ບໂຄງການ ກົນໄກ​ການ​ພັດທະນາ​ສະອາດ ຢູ່ໂຄງການໄຟຟ້ານ້ຳຕົກ ​ນ້ຳງາ2, ເຊນ້ຳນ້ອຍ 6, ນໍ້າສະມ່ອຍ ແລະ ນໍ້າຜາ ໃຫຍ່ ຊຶ່ງ​ເປັນ​ໂຄງການ​ ທີ່​ຈະຊ່ວຍຫຼຸດຜ່ອນ​ການ​ປ່ອຍ​​ອາຍ​ພິດ​​ເຮື​ອນ​ແກ້ວ ອອກ​ສູ່ຊັ້ນບັນຍາກາດ ຢູ່ ສປປ ລາວ.

ພາຍຫຼັງທີ່​ໄດ້ຮັບ​ຟັງ​ການນຳສະ​ເໜີ ​ເອກ​ະສານ​ອອກ​ແບບ ໂຄງການ ກົນໄກການພັດທະນາສະອາດ​ແລ້ວ ກອງ​ປະ ຊຸມ​ກໍ່​ໄດ້​ມີ​ການ​ປຶກສາ​ຫາລື​ ​ແລະ ​ເຫັນດີ​ເປັນ​ເອກະ​ພາບ ຮັບຮອງ​ເອົາເອກ​ະສານ​ອອກ​ແບບໂຄງການດັ່ງກ່າວ.

ກອງປະຊຸມດັ່ງກ່າວ ແມ່ນໄດ້ດຳເນີນໄປຕາມວາລະຂອງກອງປະຊຸມ​ ​ເຊິ່ງ​ເລີ່​ມ​ແຕ່​ເວລາ 8:30 ​ແລະ ​ໄດ້​ປິດ​ລົງ ​ເວລາ 16:30 ໂມງ ຂອງວັນດຽວກັນ.

ການປຶກສາ​ຫາລື ​ແລະ ປະກອບ​ຄຳ​ຄິດ​ເຫັນ ຕໍ່ ເອກະສານອອກ​ແບ​ບ ໂຄງການ ກົນໄກ​ການ​ພັດທະນາ​ສະອາດ ຢູ່ໂຄງການໄຟຟ້ານ້ຳຕົກ ​ນ້ຳງາ 2, ເຊນ້ຳນ້ອຍ 6, ນໍ້າສະມ່ອຍ ແລະ ນໍ້າຜາໃຫຍ່.

 
ກອງປະຊຸມ ປຶກສາຫາລື ແລະ ປະກອບຄຳເຫັນ ຕໍ່ຮ່າງຜົນການສຶກສາເບື້ອງຕົ້ນກ່ຽວກັບການເຕືອນໄພລ່ວງໜ້າ ແລະ ການຟື້ນຟູຫຼັງໄພພິບັດ ໃນວັນທີ 25 ກັນຍາ 2014, ຢູ່ທີ່ ໂຮງແຮມ ຊັບນະຄອນ, ນະຄອນຫຼວງວຽງຈັນ. PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ພຸດທີ່ 15 ຕຸລາ 2014 ເວລາ 15: 11

ກອງປະຊຸມ​​​ ປຶກສາ​ຫາລື ​ແລະ ປະກອບ​ຄຳ​ເຫັນ ​ຕໍ່​ຮ່າງຜົນ​ການ​ສຶກສາ​ເບື້ອງ​ຕົ້ນກ່ຽວກັບ​ການ​ເຕືອນ​ໄພ​ລ່ວງໜ້າ ​ແລະ ການ​ຟື້ນ​ຟູຫຼັງ​ໄພພິບັດ ​ໃນ​ວັນ​ທີ 25 ກັນຍາ 2014, ຢູ່​ທີ່ ​ໂຮງ​ແຮມ ຊັບ​ນະຄອນ, ນະຄອນຫຼວງວຽງຈັນ.

ບັນດາ​ແຂກ​ທີ່​ເຂົ້າ​ຮ່ວມ​ກອງ​ປະຊຸມ                                                                  ການ​ປຶກສາ​ຫາລື ​ແລະ ປະກອບ​ຄຳ​ເຫັນ

ໃນວັນທີ 25ກັນຍາ 2014, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ (ກຊສ) ໄດ້ຈັດກອງປະຊຸມ​​​ປຶກສາ​ຫາລື ​ແລະ ປະກອບ​ຄຳ​ເຫັນ ຕໍ່​ຮ່າງຜົນ​ການ​ສຶກສາ​ເບື້ອງ​ຕົ້ນ ກ່ຽວກັບ ​ການ​ເຕືອນ​ໄພ​ລ່ວງໜ້າ ​ແລະ ການ​ຟື້ນ​ຟູຫຼັງ​ໄພພິບັດ​ ຢູ່​ທີ່ ​ໂຮງ​ແຮມ ຊັບ​ນະຄອນ, ນະຄອນຫຼວງວຽງຈັນ.ໂດຍພາຍໃຕ້ການເປັນປະທານ ຂອງ ທ່ານ ພູ​ວົງ ຫຼວງ​ໄຊຊະນະ ຫົວໜ້າ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ. ເຊິ່ງມີຜູ້ເຂົ້າຮ່ວມທັງໝົດ 30ກວ່າທ່ານ ທີ່ມາຈາກຫຼາຍຂະ​ແໜງການ​ທີ່​ກ່ຽວຂ້ອງ​ເຊັ່ນ: ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ, ກົມ​ແຜນການ ​ແລະ ການ​ຮ່ວມ​ມື,ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ, ກົມ​ຊັບພະຍາກອນ​ນ້ຳ, (ກຊສ),ກົມ​ສັງຄົມ​ສົງ​ເຄາະ, ກະຊວງ ສຶກສາ​ທິການ ​ແລະ ກິລາ, ກະຊວງ ກະສິກຳ ​ແລະ ປ່າ​ໄມ້, ກະຊວງ ​ໂຍທາ​ທິການ ​ແລະ ຂົນ​ສົ່ງ, ກະຊວງ ສາທາລະນະ​ສຸກ,ອົງການ​ສະຫະ​ປະຊາ​ຊາດ​ເພື່ອ​ການ​ພັດທະນາ (UNDP), ອົງການ​ອາຫານ​ໂລກ (WFP), ອົງການ​ກາ​ແດງລາວ (LRC), ອົງການ​ກາ​ແດງ​ຝຣັ່ງແລະ ພາກສ່ວນ​ອື່ນໆທີ່​ກ່ຽວຂ້ອງ.

ຈຸດປະສົງຕົ້ນຕໍ ຂອງກອງປະຊຸມໃນຄັ້ງນີ້ ແມ່ນແນໃສ່ການປຶກສາຫາລື ແລະ ປະກອບຄຳເຫັນ ​ຕໍ່​ຮ່າງຜົນ​ການ​ສຶກສາ​ເບື້ອງ​ຕົ້ນ ກ່ຽວກັບ​ການ​ເຕືອນ​ໄພ​ລ່ວງໜ້າ ​ແລະ ການ​ຟື້ນ​ຟູຫຼັງ​ໄພພິບັດ​ແລະ ເພື່ອ​ເປັນ​ຂໍ້​ມູນ​ ໃນ​ການສ້າງ​ຮ່າງ​ກົດໝາຍ ວ່າ​ດ້ວຍ ການ​ຄຸ້ມ​ຄອງ​ຄວາມ​ສ່ຽງ​ໄພພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ.

ກອງປະຊຸມດັ່ງກ່າວ ແມ່ນໄດ້ດຳເນີນໄປຕາມວາລະຂອງກອງປະຊຸມ​ ​ເຊິ່ງ​ເລີ່​ມ​ແຕ່​ເວລາ 8:30 ​ແລະ ປິດ​ລົງ ​ເວລາ 16:30 ໂມງຂອງວັນດຽວກັນ.

 
ກອງປະຊຸມຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ຄັ້ງທີ Iປະຈຳປີ 2014, ໃນວັນທີ 11 ກັນຍາ 2014,ທີ່ ຫ້ອງວ່າການລັດຖະບານ, ນະຄອນຫຼວງວຽງຈັນ. PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ພຸດທີ່ 15 ຕຸລາ 2014 ເວລາ 15: 08

ກອງປະຊຸມຄະນະກຳມະການ​ປ້ອງ​ກັນ ​ແລະ ຄວບ​ຄຸມ​ໄພພິບັດ​ແຫ່ງ​ຊາດ ຄັ້ງ​ທີ Iປະຈຳ​ປີ 2014, ໃນວັນທີ 11 ກັນຍາ 2014,ທີ່ ຫ້ອງ​ວ່າການ​ລັດຖະບານ, ນະຄອນຫຼວງວຽງຈັນ.

ທ່ານ ອາຊາ​ງ ລາວ​ລີ, ຮອງ​ນາຍົກລັດຖະມົນຕີ ​ແຫ່ງ ສປປ ລາວ,                                                    ບັນດາ​ແຂກ​ທີ່​ເຂົ້າ​ຮ່ວມ​ກອງ​ປະຊຸມ

ຜູ້​ຊີ້​ນຳ​ວຽກງານປ້ອງ​ກັນ ​ແລະ ຄວບ​ຄຸມ​ໄພພິບັດ​ແຫ່ງ​ຊາດ

ໃນຕອນເຊົ້າ ຂອງວັນທີ 11 ກັນຍາ 2014, ກອງ​ເລຂານຸການ ຄະນະກຳມະການ​ປ້ອງ​ກັນ ​ແລະ ຄວບ​ຄຸມ​ໄພພິບັດ​ແຫ່ງ​ຊາດ,ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກຊສ), ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ (ກຊສ)ໄດ້ຈັດກອງປະຊຸມກ່ຽວກັບ ຄະນະກຳມະການ​ປ້ອງ​ກັນ ​ແລະ ຄວບ​ຄຸມ​ໄພພິບັດ​ແຫ່ງ​ຊາດ ສະ​ໄໝສາມັນ ຄັ້ງ​ທີ I ປະຈຳ​ປີ 2014, ພາຍໃຕ້ການເປັນປະທານ ຂອງ ທ່ານ ອາຊາ​ງ ລາວ​ລີ, ຮອງ​ນາຍົກລັດຖະມົນຕີ ​ແຫ່ງ ສປປ ລາວ. ຕາງໜ້າເຂົ້າຮ່ວມໃນກອງປະຊຸມ ໃນຄັ້ງນີ້ ມີບັນດາທ່ານ ຮອງປະທານ, ຄະນະກຳມະການ, ຜູ້ຕາງໜ້າ ແລະ ພະນັກງານ ກອງເລຂານຸການ ເຂົ້າຮ່ວມທັງໝົດ 25 ທ່ານ.

 

ຈຸດປະສົງ ຂອງກອງປະຊຸມ ໃນຄັ້ງນີ້ ແມ່ນເພື່ອ:

  1. ຮັບຟັງ ຜົນການແກ້ໄຂ ຜົນກະທົບຈາກ ໄພພິບັດ ປີ 2013, ສະພາບ ໄພນ້ຳຖ້ວມ ປີ 2014 ແລະ ການແກ້ໄຂ ເບື້ອງຕົ້ນ;
  2. ຄວາມຄືບໜ້າ ຂອງ ການປັບປຸງ ການຈັດຕັ້ງ ຂອງ ຄະນະກຳມະການ ປ້ອງກັນ ແລະ ຄວບຄຸມ ໄພພິບັດ ແລະ ກອງເລຂານຸການ ຂັ້ນສູນກາງ ແລະ ທ້ອງຖິ່ນ;
  3. ຄາດໝາຍສູ້ຊົນ ຮອດປີ 2020 ແລະ ແຜນການເຄື່ອນໄຫວ ຂອງ ຄະນະກຳມະການ ປ້ອງກັນ ແລະ ຄວບຄຸມ ໄພພິບັດ ແຫ່ງຊາດ ແລະ ກອງເລຂານຸການ ແຕ່ 2014 – 2015;
  4. ປະກອບຄຳເຫັນໃສ່ ຮ່າງເອກະສານ ບົດແນະນຳ ການແບ່ງຄວາມຮັບຜິດຊອບ ໃນວຽກງານປ້ອງກັນ ແລະ ຄວບຄຸມໄພພິບັດ ຢູ່ ສປປ ລາວ.

 

ກອງປະຊຸມດັ່ງກ່າວ ແມ່ນໄດ້ດຳເນີນໄປຕາມວາລະຂອງກອງປະຊຸມ ​ເຊິ່ງ​ເລີ່​ມ​ແຕ່​ເວລາ 8:30-12:30 ໂມງ ຂອງວັນດຽວກັນ.

 
ການສ້າງຂະບວນການອອກແຮງງານລວມ ເພື່ອຄຳນັບຮັບຕ້ອນກອງປະຊຸມໃຫຍ່ຄັ້ງທີ I ຂອງ ໜ່ວຍພັກ ກພປ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ພະຫັດທີ່ 25 ກັນຍາ 2014 ເວລາ 13: 51

ການ​ສ້າງ​ຂະ​ບວນການ​ອອກ​ແຮງງານ​ລວມ ​ເພື່ອ​ຄຳນັບ​ຮັບ​ຕ້ອນ​ກອງ​ປະຊຸມ​ໃຫຍ່​ຄັ້ງ​ທີ I ຂອງ ໜ່ວຍພັກ ກພປ

ໃນຕອນ​​ແລງ​ຂອງວັນທີ 5 ກັນຍາ 2014, ໜ່ວຍພັກ ​ແລະ ບັນ​ດາ 3 ອົງການ​ຈັດ​ຕັ້ງ​ມະຫາຊົນ: ​ແມ່ຍິງ, ຊາວໜຸ່ມ ​ແລະ ກຳມະບານ ຂອງກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກະຊວງຊັບພະຍາ ກອນທຳມະຊາດ ແລະ ສິ່ງແວດລ້ອມ ໄດ້ມີການ​ສ້າງ​ຂະ​ບວນການອອກ​ແຮງ​ງານ​ລວມ ເພື່ອ​ຄຳນັບ​ຮັບ​ຕ້ອນ​ກອງ​ປະຊຸມ​ໃຫຍ່​ຄັ້ງ​ທີ I ຂອງ  ໜ່ວຍພັກ ກພປ ຢູ່​ທີ່ບໍລິ​ເວນ​ຫ້ອງການ​ຂອງ ກພປ (ຫ້ອງການຫວຍ​ກິລາ​ເກົ່າ),​ ເຊິ່ງນຳພາໂດຍ ທ່ານ ພູ​ວົງ ຫຼວງ​ໄຊຊະນະ ​ເລຂາໜ່ວຍພັກ, ຫົວໜ້າກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ​ແລະ  ທ່ານ ​ໄກສອນ ຖັນ​ທະ​ເທບ, ຮອງຫົວໜ້າກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ​ແລະ ທັງເປັນ​ຫົວໜ້າ​ກອງເລຂາຄະນະ​ກຳມະການປ້ອງ​ກັນ ​ແລະ ຄວບ​ຄຸມ​ໄພພິບັດ​ແຫ່ງ​ຊາດ. ​​ເຂົ້າ​ຮ່ວມ​ໃນ​ຂະ​ບວນການ​ຄັ້ງ​ນີ້​ຍັງ​ປະກອບ​ມີ ບັນດາຫົວໜ້າພະ​ແນກ, ຮອງຫົວໜ້າ​ພະ​ແນ​ກ ​ແລະ ພະນັກງານ​ວິຊາ​ການທັງໝົດ ພາຍ​ໃນ ກພປ. ​ເຊິ່ງຂະ​ບວນການ​ດັ່ງກ່າວ ​ແມ່ນ​ໄດ້​ດຳ​ເນີນ​ໄປ​ດ້ວຍຄວາມ​ຫ້າວຫັນ  ​ແລະ ມີຄວາມ​ສາມັກຄີກັນໃນໝູ່ຄະນະ. ​

ການ​ສ້າງ​ຂະ​ບວນການອອກ​ແຮງງານ​ລວມຂອງ ໜ່ວຍພັກ ​ແລະ ບັນ​ດາ 3 ອົງການ​ຈັດ​ຕັ້ງ​ມະຫາຊົນ: ​ແມ່ຍິງ, ຊາວໜຸ່ມ ​ແລະ ກຳມະບານ ກພປ

ຄວາມ​ສາມັກຄີ​ກັນ ໃນການ​ສ້າງ​ຂະ​ບວນການອອກ​ແຮງງານ​ລວມຂອງໜ່ວຍພັກ ​ແລະ ບັນ​ດາ 3 ອົງການ​ຈັດ​ຕັ້ງ​ມະຫາຊົນ: ​ແມ່ຍິງ, ຊາວໜຸ່ມ ​ແລະ ກຳມະບານ ກພປ

 
ກອງປະຊຸມ ບັ້ນດຳເນີນຊີວິດການເມືອງ ເພື່ອກະກຽມເປີດກອງປະຊຸມໃຫຍ່ຄັ້ງທີ I ຂອງໜ່ວຍພັກ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ໃນວັນທີ 3-4 ກັນຍາ 2014 PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ພະຫັດທີ່ 25 ກັນຍາ 2014 ເວລາ 13: 46

ກອງປະຊຸມ ບັ້ນ​ດຳ​ເນີນ​ຊີວິດ​ການ​ເມືອງ ​ເພື່ອ​ກະກຽມ​ເປີ​ດກ​ອງປະຊຸມ​ໃຫຍ່​ຄັ້ງ​ທີ I ຂອງໜ່ວຍພັກ ກົມຄຸ້ມ​ຄອງ​ໄພພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ ໃນວັນທີ 3-4 ກັນຍາ 2014

ກອງ​ປະຊຸມ ບັ້ນ​ດຳ​ເນີນ​ຊີວິດ​ການ​ເມືອງ ​ແລະ ການທາບທາມ​ບຸກຄະລາ​ກອນຜູ້​ທີ່​ມີ​ເງື່ອນ​ໄຂ​​ເຂົ້າຮັບສະໝັກ​ເລືອກ​ຕັ້ງ​ຄະນະໜ່ວຍພັກ​ຊຸດ​ໃໝ່ ຂອງໜ່ວຍພັກ ກົມ​ຄຸ້ມ​ຄອງ​ໄພພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ ຮອບ​ທີ I ​ແລະ ຮອບທີ II ໃນ​ວັນ​ທີ 3-4 ກັນຍາ 2014

ໃນວັນທີ 3-4 ກັນຍາ 2014, ໜ່ວຍພັກ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ (ກຊສ) ໄດ້ຈັດກອງປະຊຸມ ບັ້ນ​ດຳ​ເນີນ​ຊີວິດ​ການ​ເມືອງ ຂອງ​ຕົນ​ຂຶ້ນ ​ເພື່ອ​ກະກຽມ​ເປີດ​ກອງ​ປະຊຸມ​ໃຫຍ່ຄັ້ງ​ທີ I, ​ໂດຍ​ພາຍ​ໃຕ້​ການ​ເປັນ​ປະທານ​​ຂອງ ສະຫາຍ ພູວົງ ຫຼວງໄຊຊະນະ ​ເລຂາໜ່ວຍພັກ, ຫົວໜ້າ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ​. ​ໃຫ້ກຽດ ເຂົ້າ​ຮ່ວມ​ກອງ​ປະຊຸມ​ໃນ​ຄັ້ງ​ນີ້ມີ ທ່ານ ບຸນ​ຕີ ​ເດດ​ວົງ​ສອນ ຄະນະ​ກວດກາ ປະ​ເມີນ​ຜົນໜ່ວຍພັກ​ເຂັ້ມ​​ແຂງ​-ຮູ້​ນຳພາຮອບ​ດ້ານກຸ່ມ 3,  ທ່ານ ສອນ​ວິ​ໄລ ​ແກ້ວ​ເມືອງຊອງ ຜູ້​ປະສານ​ງານ​ຫ້ອງການພັກ ກຊສ, ບັນດາສະມາຊິກ​ພັກ​ສົມບູນ, ສໍາຮອງ ​ພາຍ​ໃນ ກພປ ທັງໝົດ 12 ທ່ານ ​ເຂົ້າ​ຮ່ວມ​ຢ່າງ​ພ້ອມພຽງຮຽງໜ້າ.

ຈຸດປະສົງຕົ້ນຕໍ ຂອງກອງປະຊຸມໃນຄັ້ງນີ້ ແມ່ນ​ເພື່ອ​:

  • ​ຜ່ານ​ໃບສຳຫຼວດສະມາຊິກພັກ, ​ໃບສຳຫຼວດການຊີ້​ນຳ, ນໍາພາ ຂອງ​ເລຂາໜ່ວຍພັກ (ກພປ);
  • ປະ​ເມີນ​ຜົນ​ການຈັດ​ຕັ້ງ​ປະຕິບັດ​ ແຜນການ​ກໍ່ສ້າງໜ່ວຍພັກ​ເຂັ້ມ​​ແຂງ​-ຮູ້​ນຳພາຮອບ​ດ້ານ;
  • ​ດຳ​ເນີນ​ການທາ​ບທາມ​​ເອົາ​ບຸກຄະລາ​ກອນ ຜູ້​ທີ່​ມີ​ເງື່ອນ​ໄຂ​ເຂົ້າ​ຮັບ​ສະໝັກ​ເລືອກ​ຕັ້ງ​ຄະນະ​ໜ່ວຍພັກ ​ຊຸດ​ໃໝ່ ຂອງ ໜ່ວຍພັກ ກພປ, ຮອບ​ທີ I ​ແລະ ຮອບ​ທີ II.

ກອງປະຊຸມດັ່ງກ່າວ ແມ່ນໄດ້ດຳເນີນໄປ​ເປັນ​ເວລາ 2 ວັນ.

ການທາ​ບທາມ ​ແລະ ປ່ອນ​ບັດ​​ເອົາ​​ບຸກຄະລາ​ກອນຜູ້​ທີ່​ມີ​ເງື່ອນ​ໄຂ​​ເຂົ້າຮັບສະໝັກ​ເລືອກ​ຕັ້ງ​ຄະນະໜ່ວຍພັກ​ຊຸດ​ໃໝ່ ຂອງໜ່ວຍພັກ ກພປ ຮອບ​ທີ I ​ແລະ ຮອບທີ II

 
ການສ້າງຂະບວນການແຂ່ງຂັນກິລາ ເພື່ອຄຳນັບຮັບຕ້ອນ ກອງປະຊຸມໃຫຍ່ຄັ້ງທີ I ຂອງໜ່ວຍພັກ ກພປ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ສຸກທີ່ 05 ກັນຍາ 2014 ເວລາ 10: 27

ການ​ສ້າງ​ຂະ​ບວນການ​ແຂ່ງຂັນກິລາ ​ເພື່ອ​ຄຳນັບ​ຮັບ​ຕ້ອນ ກອງ​ປະຊຸມ​ໃຫຍ່​ຄັ້ງ​ທີ I ຂອງໜ່ວຍພັກ ກພປ

ໃນຕອນ​ແລງ ຂອງວັນທີ 21ສິງຫາ 2014, ໜ່ວຍພັກ ​ແລະ ບັນດາ 3 ອົງການ​ຈັດ​ຕັ້ງມະຫາຊົນ: ​ແມ່ຍິງ, ຊາວໜຸ່ມ ​ແລະ ກຳມະບານຂອງກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກະຊວງຊັບພະຍາ ກອນທຳມະຊາດແລະ ສິ່ງແວດລ້ອມ (ກຊສ), ໄດ້ຈັດ​ໃຫ້ມີການ​ແຂ່ງຂັນກິລາ​ບານ​​ເຕະ ກັບ ກົມທໍລະນີ​ສາດ ​ແລະ ​ແຮ່​ທາດ, (ກຊສ). ການແຂ່ງຂັນກິລາ​ບານ​​ເຕະໃນຄັ້ງນີ້ ແມ່ນເພື່ອ​ເປັນ​ການ​ສ້າງ​ຂະ​ບວນການຄຳນັບຮັບຕ້ອນ ກອງປະຊຸມ ໃຫຍ່ຄັ້ງທີ່I ຂອງໜ່ວຍພັກ ກພປ, ກຊສ.​ ​ເຂົ້າ​ຮ່ວມ​ໃນ​ງານ​​ແຂ່ງຂັນ​ກິລາຄັ້ງ​ນີ້ມີສະຫາຍ ​ພູວົງຫຼວງໄຊຊະນະ ​ເລຂາ ໜ່ວຍພັກ,ຫົວໜ້າ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດພ້ອມ​ດ້ວຍ​ສະມາຊິກ​ພັກ​ສົມບູນ, ສຳຮອງ, ຄະນະ​ກົມ, ບັນດາຫົວໜ້າພະ​ແນກ, ຮອງຫົວໜ້າ​ພະ​ແນ​ກ ​ແລະ ພະນັກງານ​ວິຊາ​ການ ພາຍ​ໃນ ກພປ ລວມທັງໝົດ 47 ສະຫາຍ. ຂະ​ບວນການ​​ແຂ່ງຂັນ​ກິລາດັ່ງກ່າວ ​ແມ່ນປະກອບມີທີມບານ​ເຕະຊາຍ​-ຍິງ​. ການແຂ່ງຂັນກິລາຄັ້ງ​ນີ້ໄດ້​ດຳ​ເນີນ​ໄປ​ຢ່າງ​ຟົດ​ຟື້ນ​ມ່ວນ​ຊື່ນ ​ແລະ ​ເຕັມ​ໄປ​ດ້ວຍ​ບັນຍາກາດ​ແຫ່ງ​ໄມຕີ​ຈິດ ມິດຕະພາບ, ຄວາມ​ຮັກ​ແພງສາມັກຄີອັນ​ດີ ລະຫວ່າງ 2 ກົມ. ​

ຮູບພາບການ​​ແລກປ່ຽນກະຕ່າດອກ​ໄມ້ ​ແລະ ຂອງ​ທີ່​ລະ​ລຶກ ​ເພື່ອ​ເປັນ​ການ​ຮັດແໜ້ນຄວາມ​ສາມັກຄີ​ ລະຫວ່າງກົມຄຸ້ມຄອງໄພພິບັດ ແລະ

ການປ່ຽນແປງດິນຟ້າອາກາດ ​ແລະ ກົມທໍລະນີ​ສາດ ​ແລະ ແຮ່​ທາດ, ກຊສ.

ຮູບພາບຄວາມຟົດຟື້ນ ຂອງການແຂ່ງຂັນກິລາ

LAST_UPDATED2
 
ກອງປະຊຸມ​​​ໃຫຍ່ ຄັ້ງ​ທີ I ຂອງໜ່ວຍແມ່ຍິງ ກົມ​ຄຸ້ມ​ຄອງ​ໄພພິບັດ ​ແລ​ະ ການ​ປ່ຽນ​ແປງ​ດິນ​ຟ້າ​ອາກາດ. PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ສຸກທີ່ 22 ສິງຫາ 2014 ເວລາ 14: 01

ກອງປະຊຸມ​​​ໃຫຍ່ ຄັ້ງ​ທີ I ຂອງໜ່ວຍແມ່ຍິງ ກົມ​ຄຸ້ມ​ຄອງ​ໄພພິບັດ ​ແລ​ະ ການ​ປ່ຽນ​ແປງ​ດິນ​ຟ້າ​ອາກາດ.

ໃນວັນທີ 29 ກໍລະກົດ 2014, ທີ່ຫ້ອງ​ປະຊຸມ ຊັ້ນ 1 ກຊສ, ນະຄອນຫຼວງວຽງຈັນ.

ໃນຕອນ​​ແລງ ຂອງວັນທີ 29 ກໍລະກົດ 2014 ​ເວລາ 13:30, ໜ່ວຍແມ່ຍິງ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ (ກຊສ), ໄດ້ຈັດກອງ ປະຊຸມ​​​ໃຫຍ່ຄັ້ງ​ທີ I ຂອງຕົນ​ຂຶ້ນ, ທີ່ຫ້ອງ​ປະຊຸມ ຊັ້ນ 1 ກຊສ. ໂດຍພາຍໃຕ້ການເປັນປະທານ ຂອງ ສະ​ຫາຍ ພູວົງ ຫຼວງໄຊຊະນະ ​ເລຂາໜ່ວຍພັກ, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ​ແລະ ສະຫາຍ ນາງ ສີ​ສຸພັນ ຫຼວງລາດ ປະທານ​ສະຫະພັນ​ແມ່ຍິງ ກຊສ. ເຊິ່ງມີ​ແຂກເຂົ້າຮ່ວມທັງໝົດ 35 ສະຫາຍ ທີ່ມາຈາກກົມ​ກອງ​ອ້ອມ​ຂ້າງ ກຊສ ​ແລະ ສະມາຊິກ​ແມ່ຍິງ ​ທັງໝົດພາຍ​ໃນ ກພປ.

ຈຸດປະສົງຕົ້ນຕໍ ຂອງກອງປະຊຸມພວກເຮົາໃນຄັ້ງນີ້ ແມ່ນ:

-   ເພື່ອຜ່ານບົດສະຫຼຸບ ການ​ເຄື່ອນ​ໄຫວ​ວຽກງານ​ຕ່າງໆຂອງໜ່ວຍ​ແມ່ຍິງ ກພປ ​ໃນ​ໄລຍະ​ຜ່ານ​ມາ ແລະ ທິດທາງ ແຜນການຕໍ່ໜ້າ ຂອງໜ່ວຍແມ່ຍິງ ກພປ;

-   ເພື່ອປ່ອນບັດຄັດເລືອກເອົາຄະນະໜ່ວຍແມ່ຍິງຊຸດໃໝ່.

ກອງປະຊຸມດັ່ງກ່າວ. ແມ່ນໄດ້ດໍາເນີນໄປຕາມວາລະຂອງກອງປະຊຸມ​ ​ເຊິ່ງ​ເລີ່​ມ​ແຕ່​ເວລາ 13:30 ໂມງ ​ແລະ ​ໄດ້​ປິດ​ລົງ​ໃນ​ເວລາ 16:30 ໂມງ ຂອງວັນດຽວກັນ.

ການ​ເຄົາລົບທຸງຊາດ                                 ຄະນະ​ປະທານ ​ແລະ ຄະນະ​ໜ່ວຍແມ່ຍິງ ຊຸດ​​ໃໝ່

ການ​ປ່ອນ​ບັດ​ເລືອກ​ຕັ້ງເອົາ​ຄະນະໜ່ວຍ​ແມ່ຍິງ ຊຸດ​​ໃໝ່

 
ໂຄສະນາເຜີຍແຜ່ ແລະ ສ້າງຈິດສຳນຶກ ຄວາມຮູ້ພື້ນຖານ ກ່ຽວກັບການປ່ຽນແປງດິນຟ້າອາກາດ ໃຫ້ເມືອງປາກລາຍ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ສຸກທີ່ 08 ສິງຫາ 2014 ເວລາ 12: 08

ໃນວັນທີ 27 ມິຖຸນາ 2014, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ໄດ້ຈັດກອງປະຊຸມ ໂຄສະນາເຜີຍແຜ່ ຄວາມຮູ້ພື້ນຖານ ກ່ຽວກັບ ການປ່ຽນແປງດິນຟ້າອາກາດ ​ເຊິ່ງ​ເປັນໜຶ່ງ​ໃນ​ບັນດາກິດຈະກຳການສ້າງ ຈິດສຳນຶກ ກ່ຽວກັບ ການປ່ຽນແປງດິນຟ້າອາກາດ ພາຍໃຕ້ໂຄງການການປັບຕົວດ້ານກະສິກຳ​ເຂົ້າກັບການປ່ຽນແປງດິນ ຟ້າອາກາດ ( IRAS ) ທີ່ຫ້ອງ​ປະຊຸມ ຫ້ອງ​ວ່າການ​ປົກຄອງ​ເມືອງ​​ ​ເມືອງ ປາກ​ລາຍ, ​ແຂວງ ​ໄຊ​ຍະ​ບູລີ, ໃຫ້ແກ່ພະ ນັກງານຂັ້ນ​ເມືອງ ພາຍ​ໃນ​​ເມືອງ ​​ໂດຍພາຍ​ໃຕ້​ການ​ເປັນປະທານຂອງ ທ່ານ ສົມ​ດີ ຄົງ​ສະຫວັນ ຮອງ​ເຈົ້າ​ເມືອງ ເມືອງ ​ປາກ​ລາຍ, ແຂວງ ໄຊຍະບູລີ. ​ກອງ​ປະຊຸມ​ໃນຄັ້ງ​ນີ້ມີ​ຜູ້​ເຂົ້າ​ຮ່ວມ​ທັງໝົດ 100 ກວ່າທ່ານ ຈາກ​ຂະ​ແໜງການຕ່າງໆ​ທີ່​ກ່ຽວຂ້ອງທັງສູນ​ກາງ ແລະ ທ້ອງ​ຖິ່ນ. ​

LAST_UPDATED2
ອ່ານເພິ່ມເຕິມ...
 
ວຽກງານໂຄສະນາເຜີຍແຜ່ ແລະ ສ້າງຈິດສຳນຶກ ຄວາມຮູ້ພື້ນຖານ ກ່ຽວກັບການປ່ຽນແປງດິນຟ້າອາກາດ ທີ່ ແຂວງ ສະຫວັນນະເຂດ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ສຸກທີ່ 08 ສິງຫາ 2014 ເວລາ 11: 16

ວຽກງານໂຄສະນາເຜີຍແຜ່ ແລະ ສ້າງຈິດສຳນຶກ ຄວາມຮູ້ພື້ນຖານ ກ່ຽວກັບການປ່ຽນແປງດິນຟ້າອາກາດ ທີ່ ແຂວງ ສະຫວັນນະເຂດ

​ໃນ​ຕອນ​​ເຊົ້າຂອງ ວັນ​ທີ 08 ກໍລະກົດ 2014, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ໄດ້ຈັດກອງປະຊຸມໂຄສະນາເຜີຍແຜ່ ຄວາມຮູ້ພື້ນຖານ ກ່ຽວກັບ ການປ່ຽນແປງ ດິນຟ້າອາກາດ ​ເຊິ່ງ​ເປັນໜຶ່ງ​ໃນ​ບັນດາກິດຈະກຳການສ້າງຈິດສຳນຶກ ກ່ຽວກັບ ການປ່ຽນແປງດິນຟ້າອາກາດ ພາຍໃຕ້ໂຄງການ ການປັບຕົວດ້ານກະສິກຳ​ເຂົ້າກັບການປ່ຽນແປງດິນ ຟ້າອາກາດ( IRAS ), ທີ່ ຫ້ອງປະຊຸມ ຫ້ອງການ​ສຶກສາ​ທິການ ​ແລະ ກິລາ ​ເມືອງ ຈຳ​ພອນ, ​ແຂວງ ສະຫວັນ​ນະ​ເຂດ ​ໃຫ້​ແກ່​ພະນັກງານ​ຂັ້ນ​ເມືອງ ພາຍ​ໃນ​​ເມືອງ ​ຊຶ່ງພາຍ​ໃຕ້​ການ​ເປັນປະ ທານຂອງ ທ່ານ ສີ​ສຸວັນ ສຸວັນນະ​ສານ, ຄະນະ​ປະຈຳ​ພັກ​ເມືອງ, ຫົວໜ້າຫ້ອງວ່າການປົກຄອງເມືອງ ຈຳ​ພອນ, ແຂວງ ສະຫວັນ​ນະ​ເຂດ.​ ໃນ​ກອງ​ປະຊຸມ​ດັ່ງກ່າວ​ນີ້ ມີ​ຜູ້​ເຂົ້າ​ຮ່ວມ​ທັງໝົດ 100 ກ່ວາທ່ານ ຈາກ​ຂະ​ແໜງການຕ່າງໆ​ທີ່​ກ່ຽວຂ້ອງທັງສູນ​ກາງ ແລະ ທ້ອງ​ຖິ່ນ. ຕໍ່ມາ​ໃນວັນ​ທີ 09 ​ກໍລະກົດ 2014 ທີ່​​ໂຮງຮຽນມັດທະຍົມສົມບູນ ບ້ານ ສະ​ຄືນ​ໃຕ້, ​ເມືອງ ຈຳ​ພອນ, ​ແຂວງ ​ສະຫວັນ​ນະ​ເຂດ, ກໍ່​ໄດ້​ຈັດ​ໃຫ້​ມີ​ການ​ດຳ​ເນີນ​ກອງ​ປະຊຸມ​ໃນ​ລັກສະນະ​ດຽວກັນ ໃຫ້​ແກ່ພະນັກງານ ຄູ-ອາຈານ ​ແລະ ນັກຮຽນ ພາຍ​ໃນ​ໂຮງຮຽນ ດັ່ງກ່າວ ​ຊຶ່ງພາຍ​ໃຕ້​ການ​ເປັນປະ ທານຂອງ ທ່ານ ທອງ​ພູນ ​ໄຊ​ຍະ​ສອນ, ອໍານວຍ​ການ​ໂຮງຮຽນມັດທະຍົມສົມບູນ ບ້ານ ສະ​ຄືນ​ໃຕ້, ​ເມືອງ ຈຳ​ພອນ, ​ແຂວງ ​ສະຫວັນ​ນະ​ເຂດ​ ​ເຊິ່ງມີ​ຜູ້​ເຂົ້າ​ຮ່ວມ​ທັງໝົດ 300 ຄົນ. ​

ກອງ​ປະຊຸມໂຄສະນາເຜີຍແຜ່ ແລະ ສ້າງຈິດສຳນຶກທີ່​ໄດ້​ຈັດ​ຂຶ້ນໃນ 2 ຄັ້ງນີ້​ແມ່ນມີ​ຈຸດປະສົງເພື່ອ:

-      ​ໂຄສະນາເຜີຍແຜ່ຄວາມຮູ້ພື້ນຖານ ກ່ຽວກັບ ການປ່ຽນແປງດິນຟ້າອາກາດໃຫ້ແກ່ພະນັກງານ ຂັ້ນ​ເມືອງ, ປະຊາ​ຊົນ,ຄູ-ອາຈານ ​ແລະ ນັກຮຽນ,

-    ເພີ່ມທະວີຄວາມຮັບຮູ້ ແລະ ຄວາມເຂົ້າໃຈ ກ່ຽວກັບ ຄວາມຮູ້ພື້ນຖານ ການປ່ຽນແປງດິນຟ້າອາກາດ,ສະພາບ, ສາເຫດ, ວິທີການຫຼຸດຜ່ອນບັນຫາໂລກຮ້ອນ, ການປັບຕົວ ເຂົ້າກັບ   ການປ່ຽນແປງດິນຟ້າອາກາດ,

-   ຮູ້ໄດ້ເຖິງຄວາມໝາຍຄວາມສຳຄັນຂອງການອະນຸລັກຊັບພະຍາກອນທຳມະຊາດ ແລະ ອື່ນໆ.

 

ບັນຍາກາດພາຍ​ໃນ​ກອງ​ປະຊຸມ ວັນທີ 08 ກໍລະກົດ 2014, ທີ່ ຫັອງປະຊຸມ ຫ້ອງການ​ສຶກສາ​ທິການ ​ແລະ ກິລາ  ​ເມືອງ ຈຳ​ພອນ, ​ແຂວງ ສະຫວັນ​ນະ​ເຂດ

ບັນຍາກາດພາຍ​ໃນ​ກອງ​ປະຊຸມ ວັນທີ 09 ກໍລະກົດ 2014, ທີ່ ໂຮງຮຽນມັດທະຍົມສົມບູນ ບ້ານ ສະ​ຄືນ​ໃຕ້ ​ເມືອງ ຈຳ​ພອນ, ​ແຂວງ ສະຫວັນ​ນະ​ເຂດ

ບັນຍາກາດການ​ສົນທະນາ ຖາມ-ຕອບ ຂອງ​ນ້ອງ​ນັກຮຽນ ພາຍ​ໃນໂຮງຮຽນມັດທະຍົມສົມບູນ ບ້ານ ສະ​ຄືນ​ໃຕ້  ເມືອງ ຈຳ​ພອນ, ​ແຂວງ ສະຫວັນ​ນະ​ເຂດ

LAST_UPDATED2
 
ບົດຄວາມ ອື່ນ ໆ...
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 10 of 14