English (United Kingdom)Lao
ຍິນດີຕ້ອນຮັບ ເຂົ້າສູ່ເວບໄຊ ຂອງ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ
ບົດອອກຂ່າວປະຈຳອາທິດ ຂອງ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກຊສ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ພຸດທີ່ 19 ກຸມພາ 2014 ເວລາ 10: 00

ບົດອອກຂ່າວປະຈຳອາທິດ ຂອງ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກຊສ

  1. ພາລະບົດບາດ ແລະ ໜ້າທີ່ອັນຕົ້ນຕໍ ຂອງ ກພປ
  • ພາລະ​ບົດບາດ

ກົມ​ຄຸ້ມ​ຄອງ​ໄພ​ພິບັດ ​ແລະ ການ​ປ່ຽນ​ແປງ​ດິນ​ຟ້າອາກາດ (ກພປ) ແມ່ນ​ການຈັດຕັ້ງໜຶ່ງ ທີ່ສັງກັດ​ໃນ​ໂຄງ​ປະກອບ​ກົງຈັກ ການຈັດຕັ້ງຂອງ ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ, ມີ​ພາລະ​ບົດບາດ ​ເປັນ​ເສນາ​ທິ​ການ​ໃຫ້​ແກ່​ ຄະນະ​ນຳ ກຊສ ກ່ຽວກັບວຽກງານ ການຄຸ້ມ​ຄອງ​ໄພພິບັດທຳມະຊາດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ ໃນຂອບເຂດທົ່ວປະເທດ​.

  • ໜ້າທີ່ຕົ້ນຕໍ

1.1. ຄົ້ນຄວ້າ ແລະ ຜັນຂະຫຍາຍ, ເຜີຍແຜ່ ແລະ ຈັດຕັ້ງປະຕິບັດ ແນວທາງ,​ ນະໂຍບາຍ, ມະຕິ, ຄຳສັ່ງ, ຍຸດທະສາດ, ກົດໝາຍ ແລະ ນິຕິກຳອື່ນໆ ຂອງ ພັກ-​ລັດຖະບານ ກ່ຽວກັບ ວຽກງານ ການຄຸ້ມຄອງໄພພິບັດທຳ​ມະ​ຊາດ ແລະ ການປ່ຽນແປງດິນຟ້າອາກາດ;

 

LAST_UPDATED2
 
ການລົງຢ້ຽມຢາມ ກ່ຽວກັບ ການສົ່ງເສີມ ການຜະລິດ ແລະ ນຳໃຊ້ເຕົາປະຢັດ ພາຍໃຕ້ໂຄງການ ຂໍ້ລິເລີ່ມໃນການບັນເທົາຜົນ PDF ພິມ ອີເມລ
ຂຽນໂດຍ ຕິ້ວ ພີມທອງ   
ມື້ພະຫັດທີ່ 04 ມິຖຸນາ 2015 ເວລາ 15: 48

ການລົງຢ້ຽມຢາມ ກ່ຽວກັບ ການ​ສົ່ງ​ເສີມ ການຜະລິດ ​ແລະ ນຳ​ໃຊ້ເຕົາປະຢັດ ພາຍໃຕ້ໂຄງການ ຂໍ້​ລິ​ເລີ່​ມ​ໃນ​ການບັນ​ເທົາ​ຜົນ​ກະທົບ​ຈາກ ການປ່ຽນແປງດິນຟ້າອາກາດ ເພື່ອຜົນປະໂຫຍດຂອງແມ່ຍິງ

(ADB-RETA 7914) ​

​ໃນ​ລະຫວ່າງ​ວັນ​ທີ 4-6 ພຶດສະພາ 2015, ຕາງໜ້າ ກົມ​ຄຸ້ມ​ຄອງ​ໄພພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ​ແລະ ຕາງໜ້າ ສູນ​ກາງ​ສະຫະພັນ​ແມ່ຍິງລາວ ນະຄອນຫຼວງວຽງຈັນ ຮ່ວມ​ກັບ ອົງການ​ພັດທະນາ ປະ​ເທດ ​ເນ​ເທີ​ແລນ (SNV) ​ໄດ້​ລົງ​ຢ້ຽມຢາມ​ ກ່ຽວກັບ ການ​ສົ່ງ​ເສີມ ການຜະລິດ ​ແລະ ນຳ​ໃຊ້ເຕົາປະຢັດ ພາຍໃຕ້ໂຄງການ ຂໍ້​ລິ​ເລີ່​ມ​ໃນ​ການບັນ​ເທົາ​ຜົນ​ກະທົບ​ຈາກ ການປ່ຽນແປງດິນຟ້າອາກາດ ເພື່ອຜົນປະ ໂຫຍດຂອງແມ່ຍິງ (ADB-RETA 7914 ທີ່​ແຂວງ ສະຫວັນ​ນະ​ເຂດ ​ແລະ ​ແຂວງ ຈຳປາ​ສັກ.

ການ​ນຳ​ສະ​ເໜີຄວາມ​ເປັນ​ມາ​ ​ແລະ ​ແນວທາງ​ການ​ເຮັດ​ວຽກ ຂອງ​ການ​ຜະລິດ​ເຕົາ​ປະຢັດ ຢູ່​ທີ່ ຫ້ອງການ

ການ​ຜະລິດ​ເຕົາ​ປະຢັດ ​ແຂວງ ສະຫວັນ​ນະ​ເຂດ.

ອ່ານເພິ່ມເຕິມ...
 
ກອງປະຊຸມປຶກສາຫາລືປະກອບຄໍາເຫັນໃສ່ຮ່າງເອກະສານ ກ່ຽວກັບ ໂຄງປະກອບກົງຈັກ ແລະ ການແບ່ງຄວາມຮັບຜິດຊອບ ຂອງ ຄະນະ PDF ພິມ ອີເມລ
ຂຽນໂດຍ ຕິ້ວ ພີມທອງ   
ມື້ພະຫັດທີ່ 04 ມິຖຸນາ 2015 ເວລາ 15: 55

 

ກອງປະຊຸມປຶກສາຫາລືປະກອບຄໍາເຫັນໃສ່ຮ່າງເອກະສານ ກ່ຽວກັບ ໂຄງປະກອບກົງຈັກ ແລະ ການແບ່ງຄວາມຮັບຜິດຊອບ ຂອງ ຄະນະກຳມະການປ້ອງກັນ ແລະ ຄວບຄຸມໄພພິບັດ ແຫ່ງຊາດ

ທີ່ ຫ້ອງປະຊຸມ ກົມອຸຕຸນິຍົມ ແລະ ອຸທົກະສາດ, ກຊສ

ໃນວັນທີ 14 ພຶດສະພາ 2015, ພະ​ແນ​ກ ເລຂານຸການ ຄະນະກຳມະການ​ປ້ອງ​ກັນໄພພິບັດ​ ​ແຫ່ງ​ຊາດ, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກະຊວງ​ ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ(ກຊສ) ໄດ້ຈັດກອງປະຊຸມ ກ່ຽວກັບ ການປະກອບຄໍາເຫັນໃສ່ຮ່າງເອກະສານ ກ່ຽວກັບ ໂຄງປະກອບກົງຈັກ ແລະ ການແບ່ງຄວາມຮັບຜິດຊອບ ຂອງ ຄະນະກຳມະການປ້ອງກັນ ແລະ ຄວບຄຸມໄພພິບັດ ແຫ່ງຊາດ,

ອ່ານເພິ່ມເຕິມ...
 
ໜ້າທີຂອງ ກຄປ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ຈັນທີ່ 28 ພຶດສະພາ 2012 ເວລາ 11: 12

ໜ້າ​ທີ່

  1. ປະຕິບັດ​ ກົດໝາຍ ​ແລະ ມະຕິ​ຕົກລົງ, ດໍາລັດ, ຂໍ້ຕົກລົງ, ຄໍາສັ່ງ, ແຈ້ງການ ແລະ ຄໍາແນະນໍາ ກ່ຽວກັບ ວຽກງານຄຸ້ມຄອງການປ່ຽນແປງດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດຂອງຂັ້ນເທິງວາງອອກ;
  2. ຫັນເອົາແນວທາງນະໂຍບາຍຂອງພັກ, ນະໂຍບາຍ, ຍຸດທະສາດ, ແຜນການ ແລະ ມະຕິຕົກລົງ​ຂອງ​ລັດຖະ​ບານ, ຂອງ​ກະຊວງ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ກ່ຽວກັບວຽກງານຄຸ້ມຄອງການປ່ຽນແປງ ດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ ມາເປັນ ແຜນຍຸດທະສາດ, ແຜນການ, ແຜນງານ ແລະ ໂຄງການລະອຽດຂອງຕົນ ພ້ອມທັງຮັບຜິດຊອບ ໃນການຈັດຕັ້ງປະຕິບັດ ໃຫ້ໄດ້ຮັບຜົນດີ ແລະ ປະກົດຜົນ ເປັນຈິງ;
  3. ສ້າງແຜນການ, ແຜນງານ, ຍຸດທະສາດ ແລະ ວິໄສທັດ, ການຮ່ວມມື ແລະ ສັງລວມລາຍງານທີ່ກ່ຽວຂ້ອງ ກັບວຽກງານການປ່ຽນແປງດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ ລວມທັງວຽກງານບູລິມະສິດ ໃນການເຂົ້າຫາແຫຼ່ງທຶນຕ່າງໆ;
  4. ໂຄສະນາ, ເຜີຍແຜ່, ສຶກສາ ແລະ ສ້າງຈິດສຳນຶກ ກ່ຽວກັບແນວ​ທາງ, ຍຸດທະສາດ, ນະໂຍບາຍ, ຄຳສັ່ງ, ກົດໝາຍ, ລະບຽບການ ແລະ ຄຸ້ມຄອງຖານຂໍ້ມູນ ກ່ຽວກັບການປ່ຽນແປງດິນຟ້າອາກາດ ແລະ ຫຼຸດຜ່ອນ ຄວາມສ່ຽງໄພພິບັດ;
  5. ສ້າງ ແລະ ປັບປຸງຍຸດທະສາດ, ນະໂຍບາຍ, ນິຕິກຳ ແລະ ສົນທິສັນຍາສາກົນຕ່າງໆ ທີ່ກ່ຽວຂ້ອງກັບການຄຸ້ມ​ຄອງການປ່ຽນແປງດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ;
  6. ສ້າງ ແລະ ປັບປຸງບົດລາຍງານ, ແຜນງານແຫ່ງຊາດ ແລະ ອອກໃບຢັ້ງຢືນ ໂຄງການກົນໄກການພັດທະນາ ສະອາດ ຫຼື ກິດຈະກຳຫຼຸດຜ່ອນທາດອາຍເຮືອນແກ້ວ;
  7. ສ້າງ ແລະ ປັບປຸງແຜນງານແຫ່ງຊາດ, ປະເມີນຄວາມສ່ຽງ ແລະ ຄວາມບອບ​ບາງ ກ່ຽວກັບການປັບຕົວເຂົ້າ ກັບການປ່ຽນແປງດິນຟ້າອາກາດ ເປັນແຕ່ລະໄລຍະ;
  8. ສັງລວມສະຖິຕິ, ສ້າງແຜນ, ກຳນົດມາດຕະການລວມ ແລະ ຊຸກຍູ້ສົ່ງເສີມ ໃນການບັນລຸເປົ້າໝາຍການຫຼຸດ ຜ່ອນຄວາມສ່ຽງ ແລະ ສ້າງຄວາມທົນທານຕໍ່ໄພພິບັດ ເປັນແຕ່ລະໄລຍະ;
  9. ເປັນຈຸດປະສານງາານແຫ່ງຊາດ ກ່ຽວກັບວຽກງານ ແລະ ກອງທຶນສາກົນ ຂອງການປ່ຽນແປງດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ ເປັນຕົ້ນ ສົນທິສັນຍາ ວ່າດ້ວຍ ການປ່ຽນແປງດິນຟ້າອາກາດ, ອະນຸສັນ ຍາກຽວໂຕ ວ່າດ້ວຍ ການຄວບຄຸມການຫຼຸດຜ່ອນການປ່ອຍທາດອາຍເຮືອນແກ້ວ, ສັນຍາປາຣີ ວ່າດ້ວຍ ການປ່ຽນແປງດິນຟ້າອາກາດ, ຄະນະຊ່ຽວຊານນາໆຊາດ ວ່າດ້ວຍ ການປ່ຽນແປງດິນຟ້າອາກາດ, ສູນເຄືອ ຄ່າຍເຕັກໂນໂລຊີການປ່ຽນແປງດິນຟ້າອາກາດ, ຂອບແຜນປະຕິບັດງານເຊັນໄດກ່ຽວກັບການຫຼຸດຜ່ອນຄວາມ ສ່ຽງໄພພິບັດສາກົນ,  ກອງທຶນສີຂຽວ ສຳລັບວຽກງານການປ່ຽນແປງດິນຟ້າອາກາດ ແລະ ອື່ນໆທີ່ກ່ຽວຂ້ອງ;

10.  ປະສານງານ ແລະ ໃຫ້ຄຳແນະນຳດ້ານວິຊາການ ກ່ຽວກັບວຽກງານຄຸ້ມຄອງການປ່ຽນແປງດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ ເປັນຕົ້ນ ວຽກງານການປະເມີນຄວາມບອບບາງ, ການປັບຕົວ, ການສຳ ຫຼວດ ແລະ ຫຼຸດຜ່ອນການປ່ອຍທາດອາຍເຮືອນແກ້ວ ແລະ ວຽກງານອືື່ນໆທີ່ກ່ຽວຂ້ອງ ໃຫ້ພະແນກການ, ຫ້ອງການ ແລະ ໜ່ວຍງານຊັບພະຍາກອນທຳມະຊາດ ແລະ ສິ່ງແວດລ້ອມ ຂັ້ນທ້ອງຖີ່ນ;

11. ຄົ້ນຄວ້າ ແລະ ນຳສະເໜີຂັ້ນເທິງ ເພື່ອປັບປຸງກົງຈັກການຈັດຕັ້ງຂອງກົມ; ຄຸ້ມຄອງ, ກຳນົດຕຳແໜ່ງງານ, ສ້າງແຜນການບຳລຸງ, ກໍ່ສ້າງ, ສັບຊ້ອນພະນັກງານ-ລັດຖະກອນ ລວມທັງສົ່ງເສີມບົດບາດຍິງຊາຍ, ການປະຕິ ບັດນະໂຍບາຍ ແລະ ວິໄນຕໍ່ພະນັກງານ-ລັດຖະກອນຂອງກົມ ໂດຍປະສານສົມທົບກັບພາກສ່ວນທີ່ກ່ຽວຂ້ອງ ຕາມລະບຽບທີ່ກໍານົດ;

12.  ຕິດຕາມການປະຕິບັດສິດໜ້າທີ່ ແລະ ຄວາມຮັບຜິດຊອບ ຂອງພະນັກງານ-ລັດຖະກອນ ທີ່ຂຶ້ນກັບສິດຄຸ້ມ ຄອງຂອງກົມ ເພື່ອສະກັດກັ້ນປາກົດການລະເມີດມະຕິ, ຄຳສັ່ງ, ກົດໝາຍ ແລະ ລະບຽບການຕ່າງໆຂອງລັດ;

13.  ຄຸ້ມຄອງ, ຊີ້ນຳ, ຊຸກຍູ້, ຕິດຕາມ, ກວດກາ-ກວດການ ແລະ ປະເມີນຜົນການຈັດຕັ້ງປະຕິບັດນະໂຍບາຍ, ແຜນຍຸດທະສາດ ແລະ ແຜນງານຕ່າງໆທີ່ຕິດພັນກັບວຽກງານຄຸ້ມຄອງການປ່ຽນແປງດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ ທີ່ວາງອອກໃນແຕ່ລະໄລຍະ;

14.  ພົວພັນ​ຮ່ວມ​ມື​ ທັງ​ພາຍ​ໃນ, ​ຕ່າງປະ​ເທດ ​ແລະ ອົງການ​ຈັດ​ຕັ້ງ​ສາກົນຕ່າງໆ ​ເພື່ອ​ຂົນຂວາຍ​ການສະໜັບ ສະໜູນດ້ານ​ເຕັກນິກ​-ວິຊາ​ການ ​ແລະ ທຶນຮອນ​ເຂົ້າ​ໃນ​ວຽກງາ​ນການປ່ຽນແປງດິນຟ້າອາກາດ ແລະ ຫຼຸດຜ່ອນ ຄວາມສ່ຽງໄພພິບັດຕາມການມອບໝາຍ ແລະ ການເຫັນດີຂອງຂັ້ນເທິງ;

15.  ຄຸ້ມຄອງ, ບໍລິຫານການເງິນ, ຊັບສິນ ແລະ ເອກະສານຂອງກົມ ພ້ອມທັງຂຶ້ນແຜນການ, ງົບປະມານ ແລະ ສະຫຼຸບລາຍງານ ການເຄື່ອນໄຫວວຽກງານຂອງກົມ ຕໍ່ລັດຖະມົນຕີ ເປັນແຕ່ໄລຍະ;

16.  ປະຕິບັດໜ້າທີ່ອື່ນໆ ຕາມທີ່ໄດ້ກຳນົດໄວ້ໃນກົດໝາຍ, ລະບຽບກາານ ແລະ ຕາມການມອບໝາຍ ຂອງ ລັດຖະມົນຕີ.

LAST_UPDATED2
 
ທີ່ຕັ້ງ ແລະ ພາລະບົດບາດ ຂອງ ກຄປ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ຈັນທີ່ 20 ເມສາ 2015 ເວລາ 14: 40

ກົມ​ຄຸ້ມ​ຄອງ​ການ​ປ່ຽນ​ແປງ​ດິນ​ຟ້າອາກາດ ຂຽນເປັນອັກສອນຫຍໍ້ວ່າ "ກຄປ"​ ແມ່ນກົງຈັກໜຶ່ງ ຂອງ ກະຊວງຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ, ມີ​ພາລະ​ບົດບາດ ​ເປັນ​ເສນາ​ທີ​ການ​ໃຫ້​ແກ່​ ຄະນະ​ນຳ ກະຊວງກ່ຽວກັບວຽກງານຄຸ້ມຄອງການປ່ຽນແປງດິນຟ້າອາກາດ ແລະ ໄພພິບັດທຳມະຊາດ.

LAST_UPDATED2
 
ຂອບເຂດສິດ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ຈັນທີ່ 28 ພຶດສະພາ 2012 ເວລາ 11: 16
  1. ອອກຂໍ້ຕົກລົງ, ຄຳສັ່ງ, ແຈ້ງການ, ຄຳແນະນຳ ແລະ ຄູ່ມືດ້ານວິຊາການ ກ່ຽວກັບ ວຽກງານການປ່ຽນແປງ ດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ ຕາມຂອບເຂດສິດຂອງຕົນ;
  2. ເຊັນໜັງສືສະເໜີ,​ ບົດປະກອບຄຳເຫັນ,​ ບັດເຊີນ, ແຈ້ງການ, ສະໂໜດນຳສົ່ງ,​ ບົດລາຍງານ,​ ບົດບັນທຶກ ແລະ ອື່ນໆທີ່ກ່ຽວຂ້ອງ ກັບ ພາລະບົດບາດຂອງກົມ;
  3. ຮ່ວມມື, ພົບປະ, ເຈລະຈາ, ເຊັນບົດບັນທຶກ, ສັນຍາ, ຂໍ້ຕົກລົງຕ່າງໆ ທີ່ພົວພັນກັບວຽກງານການປ່ຽນແປງ ດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ ກັບຕ່າງປະເທດ ແລະ ອົງການຈັດຕັ້ງສາກົນ ຕາມການ ອະນຸມັດຂອງກະຊວງ;
  4. ຄົ້ນຄວ້າ ແລະ ນຳສະເໜີ ການແກ້ໄຂຂໍ້ຂັດແຍ່ງ ທີ່ມີລັກສະນະທາງບໍລິຫານ ທີ່ພົວພັນເຖິງວຽກງານການປ່ຽນ ແປງດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ;
  5. ຄົ້ນຄວ້າ ແລະ ນຳສະເໜີໂຈະ ຫຼື ລົບ​ລ້າງຂໍ້ຕົກລົງ, ຄຳສັ່ງ, ຄຳແນະນຳ ແລະ ແຈ້ງການຂອງອົງການຄຸ້ມຄອງ ແລະ ກວດກາວຽກງານການປ່ຽນແປງດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ ທີ່ຂັດກັບກົດໝາຍ ແລະ ລະບຽບການ;
  6. ສະເໜີຍ້ອງຍໍບຸກຄົນ, ນິຕິບຸກຄົນ ຫຼື ອົງການຈັດຕັ້ງທີ່ມີຜົນງານດີເດັ່ນ ໃນການຈັດຕັ້ງປະຕິບັດວຽກງານ ການປ່ຽນແປງດິນຟ້າອາກາດ ແລະ ຫຼຸດຜ່ອນຄວາມສ່ຽງໄພພິບັດ;
  7. ຄຸ້ມຄອງ, ນຳໃຊ້ສຳນັກງານ, ວັດຖຸອຸປະກອນ, ພາຫະນະ ແລະ ງົບປະມານຕາມລະບຽບການ;
  8. ສະເໜີວ່າຈ້າງຊຽນຊານ ຫຼື ພະນັກງານຕາມສັນຍາ ທັງພາຍໃນ ແລະ ຕ່າງປະເທດເພື່ອຊ່ວຍ ແລະ ຮັບໃຊ້ ວຽກງານວິຊາສະເພາະ ດ້ວຍແຫຼ່ງທຶນຂອງໂຄງການ ຕາມຄວາມຮຽກຮ້ອງຕ້ອງການຂອງວຽກງານຕົວຈິງ;
  9. ສະເໜີ, ແຕ່ງຕັ້ງ, ຍົກຍ້າຍ, ປົດຕຳແໜ່ງ, ເລື່ອນຊັ້ນ-ເລື່ອນຂັ້ນ, ຍ້ອງຍໍປະຕິບັດວິໄນ ແລະ ປະຕິບັດນະໂຍ ບາຍອື່ນໆ ຕໍ່ພະນັກງານ-ລັດຖະກອນ ທີ່ຢູ່ໃນຄວາມຮັບຜິດຊອບຂອງຕົນ;
  10. ແຕ່ງຕັ້ງ ແລະ ສະເເໜີແຕ່ງຕັ້ງ ພະນັກງານ-ລັກຖະກອນ ພາຍໃນກົມເຂົ້າຮ່ວມກອງປະຊຸມ, ສຳມະນາ, ຝຶກ ອົບຮົມ, ທັດສະນະສຶກສາ ຢູ່ພາຍໃນ ແລະ ຕ່າງປະເທດ;
  11. ປະຕິບັດສິດອື່ນໆ ຕາມທີ່ໄດ້ກຳນົດໄວ້ໃນກົດໝາຍ, ລະບຽບການ ແລະ ຕາມການມອບໝາຍ ຂອງ ລັດຖະມົນຕີ.
LAST_UPDATED2
 
ວຽກງານໂຄສະນາເຜີຍແຜ່ ແລະ ສ້າງຈິດສຳນຶກ ຄວາມຮູ້ພື້ນຖານ ກ່ຽວກັບ ການປ່ຽນແປງດິນຟ້າອາກາດ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ພະຫັດທີ່ 12 ມີນາ 2015 ເວລາ 10: 28

ໃນ​ຕອນ​​ເຊົ້າຂອງ ວັນ​ທີ 18 ກຸມພາ 2015, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ໄດ້ຈັດກອງປະຊຸມໂຄສະນາເຜີຍແຜ່ ຄວາມຮູ້ພື້ນຖານ ກ່ຽວກັບ ການປ່ຽນແປງດິນຟ້າອາກາດ ​ເຊິ່ງ​ເປັນໜຶ່ງ​ໃນ​ບັນດາກິດຈະກຳການສ້າງຈິດສຳນຶກ ກ່ຽວກັບ ການປ່ຽນແປງດິນຟ້າອາກາດ ພາຍໃຕ້ໂຄງການການປັບຕົວດ້ານກະສິກຳ​ເຂົ້າກັບການປ່ຽນແປງດິນຟ້າອາກາດ( IRAS ), ທີ່ ຫ້ອງການ​ບ້ານ ບ້ານ ​​ໂພນ​ເດື່ອ, ​ເມືອງ ອຸທຸມພອນ, ​ແຂວງ ສະຫວັນ​ນະ​ເຂດ ​ໃຫ້​ແກ່​ປະຊາຊົນ​ຂັ້ນ​ບ້ານ ພາຍ​ໃນ​​ບ້ານ ​ໂພນ​ເດື່ອ ​ແລະ ບ້ານ ​ອາ​ຮົງ. ​ຊຶ່ງພາຍ​ໃຕ້​ການ​ເປັນປະທານຂອງ ທ່ານ ອຸ່​ນແກ້ວ ວົງສາ​ຄອນ, ຫົວໜ້າ ຫ້ອງ​ວ່າການ ປົກຄອງ​ເມືອງ ອຸທຸມພອນ, ແຂວງ ສະຫວັນ​ນະ​ເຂດ.​ ໃນ​ກອງ​ປະຊຸມ​ດັ່ງກ່າວ​ນີ້ ມີ​ຜູ້​ເຂົ້າ​ຮ່ວມ​ຈາກ​ຂະແໜງ ການຕ່າງໆ​ທີ່​ກ່ຽວຂ້ອງທັງສູນ​ກາງ ແລະ ທ້ອງ​ຖິ່ນ ທັງໝົດ 220 ຄົນ. ໃນ​ນັ້ນ​ຍັງມີ ພະສົງ 2 ອົງ. ຕໍ່ມາ​ໃນວັນ​ທີ 23 ​ກຸມພາ 2015 ທີ່ ບ້ານ ​ແກ້ງ​ປູນ, ​ເມືອງ ຈຳ​ພອນ, ​ແຂວງ ​ສະຫວັນ​ນະ​ເຂດ, ກໍ່​ໄດ້​ຈັດ​ໃຫ້​ມີ​ການ​ດຳ​ເນີນ​ກອງ​ປະຊຸມ​ໃນ​ລັກສະນະ​ດຽວກັນ ໃຫ້​ແກ່ປະຊາຊົນ ຂັ້ນ​ບ້ານ ພາຍ​ໃນ​ບ້ານ ​ແກ້ງ​ປູນ ​ແລະ ບ້ານ ​ໂນນ​ສີທັນ. ​ຊຶ່ງພາຍ​ໃຕ້​ການ​ເປັນປະທານຂອງ ທ່ານ ນ. ແກ້ວອຸດອນ, ຫົວໜ້າ ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ ຈຳ​ພອນ, ​ແຂວງ ​ສະຫວັນ​ນະ​ເຂດ​ ​ເຊິ່ງມີ​ຜູ້​ເຂົ້າ​ຮ່ວມ​ທັງໝົດ 214 ຄົນ. ​ໃນ​ນັ້ນ​ຍັງມີ ພະສົງ 2 ອົງ. ​

LAST_UPDATED2
ອ່ານເພິ່ມເຕິມ...
 
ກອງປະຊຸມທົບທວນຄືນປະຈຳປີ ແລະ ກອງປະຊຸມຄະນະຊີ້ນຳລວມໂຄງການຄຸ້ມຄອງຄວາມສ່ຽງ ຈາກສະພາບການປ່ຽນແປງດິນຟ້າອາກາດ ແລະ ຄຸ້ມຄອງໄພພິບັດທຳມະຊາດ ແບບປະສົມປະສານ ( IDCRM ) ແລະ ໂຄງການຄຸ້ມຄອງໂຄງລ່າງພື້ນຖານຊົນນະບົດຂະໜາດນ້ອຍຢ່າງມີປະສິດທິຜົນ ແລະ ກຽມພ້ອມປ້ອງກັນໄພພິບັດຈາກການປ່ຽນແປງ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ອັງຄານທີ່ 10 ກຸມພາ 2015 ເວລາ 08: 55

ໃນ​ຕອນ​ບ່າຍ ຂອງ​ວັນ​ທີ 16 ມັງກອນ 2015 ​ເວລາ 13:00, ກົມ​ຄຸ້ມ​ຄອງ​ໄພພິບັດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້​ຈັດ​ກອງປະຊຸມທົບທວນຄືນ ໃນການຈັດຕັ້ງປະຕິບັດວຽກງານປະຈຳປີ ແລະ ກອງປະຊຸມຄະນະຊີ້ນຳລວມ  ໂຄງການຄຸ້ມຄອງຄວາມສ່ຽງຈາກສະພາບການປ່ຽນແປງດິນຟ້າອາກາດ ແລະ ຄຸ້ມຄອງໄພພິບັດທຳມະຊາດແບບປະສົມປະສານ  ( IDCRM )  ແລະ ໂຄງການຄຸ້ມຄອງໂຄງລ່າງພື້ນຖານຊົນນະບົດຂະໜາດນ້ອຍຢ່າງມີປະສິດທິຜົນ  ແລະ  ກຽມພ້ອມປ້ອງກັນໄພພິບັດທີ່​ເກີດຈາກສະພາບການປ່ຽນແປງດິນຟ້າອາກາດ ( LDCF 2 )​, ຊຶ່ງເປັນສອງໂຄງການທີ່ມີຄວາມສຳຄັນ ແລະ ເປັນປະໂຫຍດຫຼາຍສຳລັບ ສປປ ລາວ ໃນການຮ່ວມມືກັນ  ໃນການຈັດຕັ້ງປະຕິບັດກັບອົງການສະຫະປະຊາຊາດເພື່ອການພັດທະນາ ແລະ  ພາກສ່ວນຕ່າງໆທີ່ກ່ຽວຂ້ອງທັງໃນລະດັບສູນກາງ ແລະ ທ້ອງຖິ່ນ, ກອງ​ປະຊຸມ​ນີ້​ໄດ້​ຮັບກຽດເປັນປະທານ ໂດຍ​​ພະນະທ່ານ  ສີສະຫວັດ ວິທະໄຊ,  ລັດຖະມົນຕີຊ່ວຍວ່າການ ກະຊວງຊັບພະຍາກອນທຳມະຊາດ  ແລະ ສິ່ງແວດລ້ອມ ແລະ ເປັນປະທານຮ່ວມໂດຍ ທ່ານ ນາງ ກາຣິນາ ອິມໂມເນັນ,  ຜູ້ຕາງໜ້າອົງການສະຫະປະຊາຊາດເພຶ່ອການພັດທະນາ ປະຈຳ ສປປ ລາວ, ຊຶ່ງ​ມີຜູ້​ເຂົ້າ​ຮ່ວມທັງໝົດ 80 ກວ່າ​ທ່ານ ທີ່ມາຈາກບັນດາກົມ, ກອງອ້ອມຂ້າງ ກຊສ ແລະ ກະຊວງທີ່ກ່ຽວຂ້ອງ,  ລວມທັງບັນດາຄະນະປະສານງານໂຄງການ ຂັ້ນແຂວງ, ຂັ້ນເມືອງ ເຂດເປົ້າໝາຍຂອງໂຄງການຄື:  ແຂວງ ຊຽງຂວາງ, ໄຊຍະບູລີ, ເຊກອງ ແລະ ແຂວງ ສາລະວັນ.

LAST_UPDATED2
ອ່ານເພິ່ມເຕິມ...
 
ຝຶກອົບຮົມ ການເປັນຄູຝຶກໃນການກຽມພ້ອມ ແລະ ຕອບໂຕ້ສຸກເສີນໄພພິບັດ ສຳລັບ ຜູ້ປະສານງານວຽກງານ ຄະນະກຳມະການປ້ອງກັນ ແລະ ຄວບຄຸມໄພພິບັດປະຈໍາແຂວງ ຄັ້ງວັນທີ 2-6 ກຸມພາ 2015 ທີ່ແຂວງ ຫຼວງພະບາງ PDF ພິມ ອີເມລ
ຂຽນໂດຍ ວັນທອນ ພົນນະສານ   
ມື້ພຸດທີ່ 11 ກຸມພາ 2015 ເວລາ 08: 56

ໃນວັນທີ 2-6 ກຸມພາ 2015, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ, ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ​ໄດ້​ຮ່ວມ​ກັບ ອົງການ ອາຫານ​ໂລກ (WFP) ປະຈຳ​ ລາວ  ໄດ້ຈັດຝຶກ​ອົບຮົມ​ ກ່ຽວກັບ​  ກາ​ນ​ເປັນ​ຄູ​ຝຶກ ​ໃນ​ການກຽມພ້ອມ ​ແລະ ຕອບ​​ໂຕ້ສຸກ​ເສີ​ນ​ໄພພິບັດ ສຳລັບ​ຜູ້​ປະສານ​ງານ ວຽກງານປ້ອງ​ກັນ ​ແລະ ຄວບ​ຄຸ​ມ​ໄພພິບັດ ປະຈຳ​​ແຂວງ​ ຂຶ້ນທີ່​ເມືອ​ງ ​​ຫຼວງພະ​ບາງ, ​ແຂ​ວງ ຫຼວງພະ​ບາງ, ກ​ອງປະ​ຊຸມ​ຝຶກ​ອົບຮົມດັ່ງກ່າວໄດ້ດຳເນີນໂດຍພາຍໃຕ້ການເປັນປະທານ ຂອງທ່ານ ບຸນຄົງ ​ໂພທິ​ໄຕ, ຮອງຫົວໜ້າ ພະ​ແນ​ກ ຊັບພະຍາກອນທໍາ​ມະ​ຊາ​ດ ​ແລະ ສິ່ງ​ແວດ​ລ້ອມ ​​ແຂວງ ຫຼວງພະ​ບາງ ເຊິ່ງມີ​ຜູ້ຕາງໜ້າ ​ແລະ ຜູ້ປະສານງານ ວຽກງານ​ປ້ອງກັນ ​ແລະ ຄວບ​ຄຸ​ມ​ໄພພິບັດ ຈາກຂະ​ແໜງການຕ່າງໆ ທີ່​ກ່ຽວຂ້ອງ ພ້ອມ​ທັງ​ມີບັນດາ​ຄູ​ຝຶກທີ່​ມາ​ຈາກສູນ​ກາງ ຈຳນວນ 6 ທ່ານ ລວ​ມ ທັງໝົດ ​36 ກວ່າທ່ານ.

LAST_UPDATED2
ອ່ານເພິ່ມເຕິມ...
 
ບົດຄວາມ ອື່ນ ໆ...
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 8 of 14